Daniele 6:23 - BIBELE Mahungu Lamanene

²³ Kutani hosi yi tsaka ku tlula mpimo, yi lerisa leswaku Daniele a humesiwa ekheleni ra tinghala; kutani loko ku endlisiwe sweswo, va kuma leswaku Daniele a nga vavisiwanga nikutsongo, hikuva a a tshembile Xikwembu xa yena.

Xitsonga (Bibele)

²³ Kavaloko hosi yi tsaka hi ku tlurisisa, kutani yi lerisa leswaku Daniele a humesiwa ekheleni; kutani Daniele a humesiwa ekheleni, kambe a ku kumiwanga ni mbanganyana eka yena, hikuva a a tshembile Xikwembu xa yena.

Daniele 6:23 Referans Kwoze

1 TIKRONIKA 5:20

Vaisraele a va tshemba Xikwembu; kutani hi siku ra nyimpi, va huwelela eka xona, kutani xi amukela xirilo xa vona, xi va pfuna ku hlula va ka Hagara ni vaseketeri va vona.

Daniele 3:25

Nebukadnetsara a ku: “Kambe sweswi, ndzi vona vavanuna va mune, naswona a va bohiwanga, va tifamba-fambela exikarhi ka ndzilo, kambe a va tshwi; wanuna lowa vumune, ú fana na xin'wana xa swikwembu.”

Marka 9:23

Yesu a ku ka yena: “U ri, ‘loko u swi kota’? Hinkwaswo swi nga kota ku endleriwa la pfumelaka.”

Daniele 6:18

Endzhaku ka sweswo, hosi yi suka yi ya endlwini ya yona ya vuhosi, yi titsona swakudya vusiku hinkwabyo, yi ala ni ku vona vasati va yona, ni vurhongo byi nga phahi.

Esaya 26:3

We HOSI, vanhu lava va langutaka eka wena, lava va ku tshembaka, u va nyika ku rhula loku hetisekeke.

Swivuriso 18:10

HOSI Xikwembu i khokholo lero tiya, leri munhu wo lulama a tsutsumaka a ya tumbela eka rona.

Pisalema 37:40

HOSI Xikwembu xa va pfuna ni ku va kutsula, xi va lamulela eka lavo homboloka, xi va ponisa; lavo lulama va sirheleriwa hi xona.

2 TIKRONIKA 20:20

Kutani vanhu hinkwavo va hubuta va huma eYerusalema, va kongoma emananga ya Tekowa; loko va ri karhi va huma, Yoxafati a yima exikarhi ka vona a huwelela a ku: “Yingisani n'wina va ka Yuda na n'wina va le Yerusalema: Mi fanele ku pfumela eka HOSI Xikwembu xa n'wina, hi kona mi nga ta tiya; tshembani marito ya vaprofeta va xona, kutani mi ta hlula!”

Vaheveru 11:33

Vanhu lava, hi mhaka ya ku pfumela, va hlurile matiko; va avanyisile hi ku lulama, va kumile leswi a va tshembisiwile swona; va pfarile milomo ya tinghala.

Daniele 6:14

Loko hosi yi twa mhaka leyi, yi vaviseka ngopfu emoyeni, yi lava mano yo ponisa Daniele, dyambu ri kondza ri pela.

1 TIHOSI 5:7

Loko Hiramu a vikeriwile marito lawa ya Solomoni, a tsaka ngopfu, kutani a ku: “HOSI a yi nkhensiwe namuntlha, leswi yi nyikeke Davhida en'wana wo tlhariha ku fuma tiko lerikulu leri.”

Eksoda 18:9

Yetro a tsaka swinene, loko a twa mintirho leyinene leyi HOSI Xikwembu xi endleleke Vaisraele hi ku va kutsula emavokweni ya Vaegipta.

Daniele 3:17

Loko ho tshuka hi hoxiwa ekheleni ra ndzilo lowu pfurhaka, Xikwembu xa hina lexi hi xi tirhelaka, xi ta hi humesa, xi hi kutsula ni le mavokweni ya wena.

Pisalema 18:21

hikuva ndzi fambile etindleleni ta HOSI, ni ku xi dyohela a ndzi xi dyohelanga, Xikwembu xa mina;