Daniele 6:18 - BIBELE Mahungu Lamanene

¹⁸ Endzhaku ka sweswo, hosi yi suka yi ya endlwini ya yona ya vuhosi, yi titsona swakudya vusiku hinkwabyo, yi ala ni ku vona vasati va yona, ni vurhongo byi nga phahi.

Xitsonga (Bibele)

¹⁸ Endzhaku ka swona hosi yi tiyela endlwini ya yona ya vuhosi, yi tshama nivusiku yi titsona swakudya; yi nga vitananga vavasati emahlweni ka yona, ni vurhongo byi suka ekule na yona.

Daniele 6:18 Referans Kwoze

Daniele 2:1

Hi lembe ra vumbirhi ra ku fuma ka yena, Nebukadnetsara a lorha milorho yo tala, kutani a karhateka emoyeni, vurhongo byi nga ha phahi.

Estere 6:1

Hosi Ahasuwerusi a a ri ni nkelunkelu vusiku byebyo. Kutani a lerisa leswaku va n'wi tisela buku ya matimu, laha ku tsariwaka timhaka leti ti faneleke ku tsundzukiwa. Kunene matsalwa ya kona ma tisiwa ku ta hlayiwa emahlweni ka yena.

Pisalema 77:4

We Xikwembu, u ndzi tsona vurhongo vusiku hinkwabyo; ndzi karhateka ngopfu, ndzi tsandzeka ni ku vulavula.

Nhlavutelo 18:22

Mpfumawulo wa vachayi va tiharipa ni wa vayimbeleri, ni wa vachayi va switiringo ni va tinanga, a wu nga ha twali nakambe laha ka wena. Mutirhi wa swilo swihi ni swihi swa mavoko a nga ka a nga ha vi kona nakambe laha ka wena; ni mpfumawulo wa xigayo a wu nga ha twali nakambe laha ka wena.

Eklesiasta 2:8

Naswona ndzi tihlengeletele nsuku ni silivhere ni swilo hinkwaswo swa nkoka swo huma eka tihosi ni matiko ya tona. Ndzi tikumele vayimbeleri va xinuna ni va xisati, ndzi tikhorwisa hi ku teka vasati lavo tala.

Pisalema 137:2

A hi hayekile tiharipa ta hina emarhavini ya mirhi ya minengenedzi.

Ntirho 21:12

Va yimbelela va ri karhi va chaya swingomana ni switende, va ba ni tinanga va tsakile ngopfu,

1 TIHOSI 21:27

Loko Akabu a twa marito lawa, a handzulela swiambalo swa yena, a swi hluvula a ambala leswo khwaxa, a titsona swakudya, a etlela eswiambalweni sweswo, a famba-famba a tsanile.

2 SAMIELE 19:24

Mefiboxete, ntukulu wa Sawulo, na yena a rhelela ku ya hlanganisa hosi Davhida. Himpfhuka xa loko hosi Davhida a humile eYerusalema, Mefiboxete a a nga hlambi milenge, ni malebvu a a nga byewuli, ni swiambalo a a nga hlantswi, ku fikela siku leri Davhida a vuyaka a hlayisekile.

Daniele 6:19

Kutani hosi Dariyosi a pfuka hi vurhonga a hatlisa a ya ekheleni ra tinghala.

Daniele 10:3

A ndzi dyanga nchumu xo nandziha, a ndzi khumbanga nyama kumbe vhinyo, ndzi tshikile ni ku tola mafurha, ku kondza mavhiki manharhu lawa ma hela.

Swirilo 3:53

Va ndzi wiserile ekheleni ndza ha hanya, va tlhela va ndzi hoxetela hi maribye.