Daniele 5:5 - BIBELE Mahungu Lamanene

⁵ Hi nkarhi wolowo ku humelela voko ra munhu, ri tsala ekhumbini leri chuchutiweke ra yindlu ya hosi, ku langutana ni xitlhoma-timboni; hosi Belxatsara a a ri karhi a vona voko loko ri tsala.

Xitsonga (Bibele)

⁵ Hi nkarhi wolowo, ku humelela tintiho ta voko ra munhu leti tsalaka ekalakeni ra khumbi ra yindlu ya hosi, ku lavana ni kandelari. Kutani hosi yi vona yinhla ya voko loko ri tsala.

Daniele 5:5 Referans Kwoze

Daniele 4:31

Loko hosi ya ha vulavula, ku twala rito leri humaka etilweni, ri ku: “We Nebukadnetsara, tiva leswaku vuhosi bya wena, u tekeriwile byona.

Vakolosa 2:14

xi herisa tsalwa leri khale a ri hi veka nandzu, ri hi mangalela hi milawu ya rona, kutani xi ri susele etlhelo, xi ri belela exihambanweni.

Ntirho 20:5

minkulungwana ya lowo homboloka a yi hlweli ku hela, ntsako wa loyi a rivalaka Xikwembu, i wa nkarhinyana ntsena.

Daniele 5:15

Tintlhari ni vavhumbhi va vitaniwile ku ta hlaya ni ku ndzi hlamusela leswi tsariweke laha khumbini, kambe va hlulekile ku ndzi nyika nhlamuselo emhakeni leyi.

Daniele 5:8

Kutani tintlhari hinkwato ta hosi ti fika, kambe ti tsandzeka ku hlaya ni ku hlamusela leswi tsariweke.

Daniele 4:33

Marito lawa ma hatle ma hetiseka eka Nebukadnetsara. Ú hlongoriwile a suka exikarhi ka vanhu, a ya dya byanyi ku fana ni homu, miri wa yena wu wela hi mberha, misisi ya yena yi kula yi leha ku fana ni tinsiva ta gama, ni min'wala ya yena yi leha ku fana ni ya tinyanyana.

Swivuriso 29:1

La tshinyiwaka, kambe a ala a tiomisa nhloko, ú ta wa a tshoveka a nga ehleketanga, kutani a nge he tshunguleki.

Daniele 5:4

Loko vhinyo yi va pyopyile, va sungula ku dzunisa swikwembu swa vona swa nsuku, ni swa silivhere, ni swa koporo, ni swa nsimbhi, ni swa timhandze, ni swa maribye.

Daniele 5:6

Kutani a basuluka xikandza hi ku chava, a pfilunganyeka miehleketo, mahlakala ya yena ma gudlagudla, a dzunga ni matsolo.

Yeremiya 50:43

Loko hosi ya le Babilona yi vikeriwa timhaka leti, yi tsemeka nhlana; yi wela hi maxangu yi twa switlhavi kukota wansati la nga ku tintshunxeni.