Daniele 5:29 - BIBELE Mahungu Lamanene

²⁹ Kutani Belxatsara a lerisa leswaku Daniele a ambexiwa xiambalo xa xivunguvungu, a ambexiwa ni vuhlalu bya nsuku enhan'wini, a vekiwa ku va ndhunankulu etikweni, mhaka ya kona yi tivisiwa hinkwako.

Xitsonga (Bibele)

²⁹ Kutani hi ku lerisa ka Belxatsara Daniele a ambexiwa hi xivunguvungu, a veheriwa ritlama ra nsuku enhan'wini, kutani ku twarisiwa emahlweni ka yena leswaku u ta tshama exitshan'weni xa vunharhu xa ku fuma.

Daniele 5:29 Referans Kwoze

Daniele 5:16

Ndzi byeriwile leswaku wena u tiva ku hlamusela ni ku ololoxa swiphiqo swa vanhu. Kutani sweswi loko wo kota ku hlaya ni ku hlamusela leswi tsariweke, ndzi ta ku ambexa xiambalo xa xivunguvungu, ndzi ku ambexa ni vuhlalu bya nsuku enhan'wini, naswona ndzi ta ku veka ku va ndhunankulu etikweni ra mina.”

Daniele 5:7

Kutani Belxatsara a huwelela vavhumbhi ni Vakalediya ni lava tivaka tinyeleti, a byela tintlhari leti ta Babilona, a ku: “Loyi a nga ta hlaya leswi tsariweke laha khumbini, a tlhela a ndzi hlamusela swona, ndzi ta n'wi ambexa xiambalo xa xivunguvungu, ndzi n'wi ambexa ni vuhlalu bya nsuku enhan'wini, kutani ndzi n'wi veka ku va ndhunankulu etikweni ra mina.”

Swivuriso 1:9

Swi ta va harhi yo saseka enhlokweni ya wena, ni vuhlalu bya nkoka enhan'wini ya wena.

Daniele 2:48

Kutani hosi yi fundzha Daniele hi ku n'wi humesela tinyiko leto tala to saseka, yi n'wi endla mulanguteri wa xifundzha hinkwaxo xa Babilona, yi n'wi veka ni ku va murhangeri wa tintlhari hinkwato ta Babilona.

Daniele 6:2

a veka ni valanguteri vanharhu ehenhla ka tihosana leti, leswaku va ti fambisa, ni leswaku hosi yi nga lahlekeriwi hi nchumu. Daniele a a ri un'wana wa valanguteri lava,

Genesa 41:42

Hiloko Faro a susa xingwavila xa yena xo fungha ha xona, a xi tlhoma eritihweni ra Yosefa, a n'wi ambexa swiambalo swa ntsembyani wo saseka, a n'wi ambexa ni nketani ya nsuku enhan'wini.

Estere 10:3

Mordekayi loyi wa Muyuda a a landza hosi Ahasuwerusi hi xiyimo; a a tiviwa swinene exikarhi ka Vayuda, nakona a a rhandziwa hi varikwavo, hikuva a a tikarhatela varikwavo leswaku va hlayiseka, naswona a a tirha na vona hi ku rhula.