Daniele 5:20 - BIBELE Mahungu Lamanene

²⁰ Kambe kuteloko a sungurile ku tikurisa ni ku tiomisa nhloko ni ku tivona ngopfu, ú tsongahatiwile, a susiwa exitulwini xa yena xa vuhosi, a tekeriwa ku dzuneka ka yena,

Xitsonga (Bibele)

²⁰ Kambe leswi mbilu ya yena yi kukumukeke, ni moya wa yena wu nga tikurisa hi ku tlurisa mpimo, u susiwile exiluvelweni xa yena xa vuhosi, a tekeriwa ni vukulukumba bya yena.

Daniele 5:20 Referans Kwoze

Vaheveru 3:13

Kambe khongotelanani masiku hinkwawo, loko ma ha twa rito leri nge “namuntlha”, leswaku ku nga vi na un'we exikarhi ka n'wina loyi a tinonon'hwisaka hi ku xisiwa hi vudyoho.

Yeremiya 13:18

HOSI Xikwembu xi ku ka mina: “Byela hosi ya tiko ni mana wa yona leswaku va suka exiluvelweni va tshama ehansi, hikuva harhi ya vona yo saseka ya vuhosi yi susiwile etinhlokweni ta vona.

2 TIKRONIKA 36:13

Nebukadnetsara a a hlambanyisile Sedekiyasi emahlweni ka Xikwembu leswaku a ta yingisa Vababilona, kambe Sedekiyasi a pfukela hosi ya Babilona, naswona a tiomisa nhloko, a ala ku tlhelela eka HOSI, Xikwembu xa Israele.

2 TIHOSI 17:14

Hambiswiritano, a va yingisanga, va tiomisa tinhloko ku fana ni vakokwa wa vona lava nga pfumelangiki eka HOSI Xikwembu xa vona.

Eksoda 9:17

Na sweswi, wa ha ya emahlweni u tikurisa, hi ku ala ku tshika vanhu va mina va famba.

Swivuriso 16:18

Ku tikurisa, swi vitana khombo, manyunyu ma vangela munhu ku wa.

Luka 18:14

“Ndzi ri eka n'wina: Muluvisi loyi ú tlhelele ekaya ka yena a hlayiwile la lulameke ku tlula Mufarisi; hikuva un'wana ni un'wana la tikurisaka, ú ta tsongahatiwa, ni la titsongahataka ú ta kurisiwa.”

Yeremiya 19:15

“HOSI ya matimba hinkwawo, Xikwembu xa Israele, xi vurisa sweswo xi ri: Yingisani n'wina vaaki va muti wa Yerusalema ni va swimitana leswi nga kusuhi na wona: Ndzi ta mi vangela makhombo hinkwawo lawa ndzi nga ma vula, hikuva mi tiomisile tinhloko mi ala ku yingisa marito ya mina.”

Swivuriso 16:5

HOSI Xikwembu xi nyenya un'wana ni un'wana loyi a tikurisaka, munhu wo tano a nge poni, ú ta biwa hakunene.

Daniele 4:37

Kutani sweswi mina Nebukadnetsara, ndzi dzunisa Hosi ya matilo, ndzi yi tlangela ni ku yi komba xichavo, hikuva mintirho ya yona hinkwayo i yinene, ni tindlela ta yona ti lulamile; lava tikurisaka, ya swi kota ku va tsongahata.”

Ezekiele 30:6

“Mina HOSI ndzi ri, lava seketelaka Vaegipta va ta dlawa, ni matimba lawa tiko ra Egipta ri tidzunisaka ha wona ma ta hela. Vanhu va ta tlhaviwa hi matlhari ku sukela eMigidolo ku ya fika eSeyene; ndzi vula sweswo mina HOSI N'wini wa hinkwaswo.

Yeremiya 48:18

“N'wina mi akeke eDiboni, tshikani xiyimo xa n'wina xo dzuneka mi tshamisa hansi eritshurini, hikuva lava hlaselaka Mowabu va tlhandlukela eka n'wina, va tela ku ta hirimuxa makhokholo ya n'wina.

Esaya 47:1

HOSI Xikwembu xi ri: “We Babilona, muti wa Vakalediya, xika exiluvelweni xa wena, u tshama hansi eritshurini; wena la fanaka ni nhwanyana la nga si tivanaka ni wanuna, u nga ka u nga ha vuriwi ‘lowo tirhandza, wo tihlayisa’!

1 SAMIELE 6:6

Xana mi nonon'hwisela yini timbilu ta n'wina, tanihi leswi Vaegipta na Faro wa vona va nonon'hwiseke timbilu ta vona, xana? Loko HOSI Xikwembu xi hetile ku va yingayingisa, xana a va tshikanga Vaisraele va famba, kutani Vaisraele va hambana na vona, xana?

Eksoda 18:11

Sweswi ndza swi tiva leswaku HOSI Xikwembu xi tlula swikwembu hinkwaswo, hikuva xi ponisile Vaisraele eka Vaegipta lava a va va khomile hi tihanyi.”

Ezekiele 31:10

“Hambiswiritano mina HOSI N'wini wa hinkwaswo, ndzi ri: Murhi lowu wa kedari wu kurile wu ya henhla wu dliva ni tilo, kambe wu tidzunisile hi vukulu bya wona.

Daniele 8:8

Kutani xiphongho xi sungula ku tikurisa swinene. Kambe loko xa ha titwa xi ri ni matimba lamakulu, rimhondzo ra xona lerikulu ro tshoveka, kutani ku hluka timhondzo ta mune leto hlamarisa ematshan'weni ya rona, ti kula ti langutile ematlhelo ya mune ya misava.

Daniele 11:36

“Mufumi wa tiko ú ta hamba a tiendlela hi ku rhandza, a tidzunisa, a tikurisa emahlweni ka xikwembu xin'wana ni xin'wana; ú ta vulavula swilo leswo biha ehenhla ka Xikwembu lexikulu. Eka hinkwaswo leswi a nga ta swi endla, ú ta humelela ku kondza nkarhi wa ku biwa wu fika, hikuva leswi bohiweke khale swi ta hetiseka.

Eksoda 9:7

Loko Faro a vutisisa, a twa leswaku ni xin'we xa swifuwo swa Vaisraele a xi fanga; kambe hambiswiritano, a ya emahlweni a tinonon'hwisa, a nga tshiki vanhu leswaku va famba.

2 TIKRONIKA 32:25

Kambe Hezekiya a tsandzeka ku nkhensa tintswalo leti Xikwembu xi nga n'wi endlela tona, kutani hi ku tikurisa ka yena, a tivangela vukari bya Xikwembu, byi wela ni va ka Yuda ni va le Yerusalema.

Daniele 4:26

Xileriso xa leswaku xikundzu ni timitsu ta xona swi siyiwa, xi vula leswaku u ta tlheriseriwa vuhosi bya wena, loko u ta va u tivile leswaku Loyi a nga henhla-henhla, hi yena la fumaka.

Daniele 4:28

Timhaka leti hinkwato ti humelerile eka hosi Nebukadnetsara.