Daniele 5:17 - BIBELE Mahungu Lamanene

¹⁷ Kutani Daniele a hlamula hosi, a ku: “Tinyiko ta wena, tshama na tona, u ta ti nyika van'wana. Hambiswiritano, mina ndzi ta ku hlayela leswi tsariweke, we hosi, ndzi tlhela ndzi ku hlamusela swona.

Xitsonga (Bibele)

¹⁷ Kavaloko Daniele a hlamula emahlweni ka hosi, a ku: “Tinyiko ta wena a ti tshame na wena, u nyika un'wana xuma xa wena! Hambiswiritano, ndzi ta hlayela hosi leswi tsariweke, ndzi n'wi hlavutela nhlamuselo ya swona.

Daniele 5:17 Referans Kwoze

2 TIHOSI 5:16

Kambe Elixa a ala, a ku: “Ndza tiyisa emahlweni ka HOSI Xikwembu lexi hanyaka, lexi ndzi xi tirhelaka, ndzi ri: Ndzi nga ka ndzi nga amukeli nchumu.” Hambiloko Naamani a ringetile ku sindzisa Elixa ku amukela nyiko, muprofeta a ala.

Genesa 14:23

leswaku ndzi nge pfuki ndzi tekile hambi yi ri njarha kumbe ngoti yo boha tintanghu, kumbe xilo xihi na xihi lexi nga xa wena, hikuva u nga ta ku: ‘Hi mina ndzi fumiseke Abrama.’

Timhaka 8:20

Kambe Petro a ku ka yena: “Mali ya wena a yi love swin'we na wena, leswi u ehleketeke leswaku u nga xava nyiko ya Xikwembu hi mali!

Daniele 5:29

Kutani Belxatsara a lerisa leswaku Daniele a ambexiwa xiambalo xa xivunguvungu, a ambexiwa ni vuhlalu bya nsuku enhan'wini, a vekiwa ku va ndhunankulu etikweni, mhaka ya kona yi tivisiwa hinkwako.

Daniele 2:6

Kambe loko mi nga boxa norho wa mina, mi tlhela mi ndzi hlamusela leswi wu vulaka swona, ndzi ta mi nyika tinyiko ni swinkhenso, ndzi mi endla lava fundzhekaka swinene. Kutani ke, ndzi byeleni norho wa mina, mi tlhela mi ndzi hlamusela leswi wu vulaka swona.”

Pisalema 119:46

Switsundzuxo swa wena, ndzi ta swi vula emahlweni ka tihosi ndzi nga ri na tingana.

2 TIHOSI 5:26

Kambe Elixa a ku ka yena: “Xana a ndzi nga ri na wena hi moya, loko wanuna luya a xika hi le kalichini ra yena, a ta ku hlanganisa ke? Xana hi wona nkarhi eka wena wo amukela swiambalo, kumbe mali yo xava masimu ya mitlhwari ni ya vhinya ni tinyimpfu ni tihomu ni mahlonga ya xinuna ni ya xisati, xana?

2 TIHOSI 3:13

Elixa a ku ka hosi ya Israele: “Xana ndzi ni mhaka yihi na wena xana? Yana eka vaprofeta va tata wa wena ni va mana wa wena.” Kambe hosi ya Israele yi ku ka Elixa: “E-e! Mhaka hi leswaku HOSI Xikwembu xi hi vitanile hina tihosi, hi vunharhu bya hina, leswaku xi ta hi nyiketa emavokweni ya Vamowabu.”