Daniele 5:13 - BIBELE Mahungu Lamanene

¹³ Kutani Daniele a yisiwa emahlweni ka hosi Belxatsara. Hosi yi ku ka yena: “Xana hi wena Daniele, un'wana wa vabohiwa lava hosi tata wa mina a va khomeke etikweni ra Yuda a vuya na vona xana?

Xitsonga (Bibele)

¹³ Kavaloko Daniele a tisiwa emahlweni ka hosi. Kutani hosi yi vulavula, yi ku eka Daniele: “Xana hi wena Daniele wa vakhomiwa va va Yuda, volavo hosi, tata wa mina, a nga va humesa eYudiya a va tisa halenu xana?

Daniele 5:13 Referans Kwoze

Daniele 6:13

Kutani va hlambanya emahlweni ka hosi, va ku: “Un'wana wa vabohiwa lava humaka etikweni ra Yuda, loyi va nge i Daniele, a nga ku yingisi we hosi, hambi nawu lowu u wu fungheke, yena a nga na mhaka na wona; ú ya emahlweni a khongela Xikwembu xa yena kanharhu hi siku!”

Daniele 5:11

Laha tikweni ra wena ú kona munhu un'wana loyi a nga ni moya wa swikwembu leswo hlawuleka. Enkarhini wa hosi Nebukadnetsara tata wa wena, munhu loyi a a vekiwile ku va ndhuna ya vangoma ni vavhumbhi ni Vakalediya ni lava tivaka tinyeleti, hikuva ú kumeke a ri ni vutivi ni ku twisisa, ni vutlhari lebyi fanaka ni bya swikwembu.

Daniele 2:25

Kutani Ariyoka a hatlisa a yisa Daniele emahlweni ka hosi, a fika a ku: “We hosi, ndzi kumile munhu un'wana exikarhi ka mahlonga lama humaka etikweni ra Yuda, loyi a nga ku hlamuselaka norho wa wena.”

Yohane 7:3

Kutani vamakwavo wa yena va ku ka yena: “Suka la, u ya eYudiya, leswaku vadyondzisiwa va wena na vona va ta vona mintirho leyi u yi endlaka.

Ezra 10:16

Kutani lava va vuyeke hi le vukhumbini va endla hilaha ku twananiweke hakona. Hiloko muprista Ezra a hlawula vavanuna lava a va ri tinhloko ta mindyangu, va yimela mindyangu ya ka vona; un'wana na un'wana a tsariwa vito ra yena. Kutani hi siku ro sungula ra n'hweti ya vukhume, va hlangana va sungula ku kambisisa mhaka.

Ezra 6:16

Kutani Vaisraele ni vaprista ni Valevhi ni hinkwavo lava vuyeke hi le vukhumbini va endla nkhuvo, va khangula yindlu ya Xikwembu va tsakile.

Ezra 4:1

Kuteloko valala va va ka Yuda ni va ka Benjamini va twa leswaku lava vuyeke hi le vukhumbini va le ku akeni ka Tempele ya HOSI Xikwembu xa Israele,

Yohane 7:1

Endzhaku ka sweswo Yesu a famba-famba eGaleliya; a nga lavanga ku famba-famba eYudiya hikuva Vayuda a va lava ku n'wi dlaya.

Daniele 8:27

“Kutani mina Daniele ndzi hela ntamu, ndzi vabya masikunyana. Kambe endzhaku ka nkarhi, ndzi pfuka ndzi tlhelela entirhweni wa mina wa le ntsindza, ntsena mhaka ya xivono lexi a yi ndzi karhata swinene, ndzi nga koti ku yi twisisa.

Daniele 8:1

“Hi lembe ra vunharhu ra ku fuma ka hosi Belxatsara, mina Daniele ndzi tlhele ndzi kombiwa xivono, xo fana ni leswo sungula.

Daniele 5:18

We hosi, Xikwembu xa le henhla-henhla xi nyikile Nebukadnetsara vuhosi ni vukulukumba ni ku dzuneka loku hlamarisaka.

Daniele 5:2

Kuteloko va ri karhi va nwa, Belxatsara a lerisa leswaku va n'wi tisela swibya swa nsuku ni swa silivhere, leswaku va ta nwela eka swona, yena ni tindhuna ta yena ni vasati va yena lavakulu ni lavatsongo. Swibya leswi a swi ri leswi tekiweke eTempeleni ya le Yerusalema hi Nebukadnetsara tata wa Belxatsara.

Daniele 2:48

Kutani hosi yi fundzha Daniele hi ku n'wi humesela tinyiko leto tala to saseka, yi n'wi endla mulanguteri wa xifundzha hinkwaxo xa Babilona, yi n'wi veka ni ku va murhangeri wa tintlhari hinkwato ta Babilona.

Daniele 1:21

Daniele ú tshamile entsindza ku kondza ku fika lembe ro sungula ra ku fuma ka hosi Korexe.

Ezra 10:7

Kutani ku humesiwa nawu etikweni hinkwaro ra Yuda ni le Yerusalema, leswaku hinkwavo lava va vuyeke hi le vukhumbini va fanele ku ya hlengeletana eYerusalema.

Daniele 1:1

Hi lembe ra vunharhu ra ku fuma ka Yoyakimi hosi ya Yuda, Nebukadnetsara hosi ya Babilona ú fikile a rhendzela muti wa Yerusalema, leswaku a ta wu hlasela.

Daniele 1:2

Kutani HOSI Xikwembu xi nyiketa Yoyakimi hosi ya Yuda emavokweni ya Nebukadnetsara, xi nyiketa ni swibya swin'wana swa le Tempeleni emavokweni ya yena. Kutani Nebukadnetsara a ya na swona etikweni ra Xinara, a fika a swi nghenisa endlwini ya swikwembu swa yena, laha nhundzu ya swona yi hlayisiwaka kona.

Daniele 5:14

Ndzi twile leswaku moya wa swikwembu leswo hlawuleka wu le ka wena, ni leswaku u ni vutivi ni ku twisisa ni vutlhari lebyo hlamarisa.

Daniele 1:6

Exikarhi ka vona a ku ri ni vanhu lava humaka eYuda, va nga Daniele, na Hananiya, na Mixaele, na Azariya.