Daniele 4:37 - BIBELE Mahungu Lamanene

³⁷ Kutani sweswi mina Nebukadnetsara, ndzi dzunisa Hosi ya matilo, ndzi yi tlangela ni ku yi komba xichavo, hikuva mintirho ya yona hinkwayo i yinene, ni tindlela ta yona ti lulamile; lava tikurisaka, ya swi kota ku va tsongahata.”

Xitsonga (Bibele)

³⁷ Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Daniele 4:37 Referans Kwoze

1 SAMIELE 2:3

Mi nga ha yi emahlweni mi tidzunisa, marito ya ku tikurisa ma nga ha humi emilon'wini ya n'wina, hikuva HOSI i Xikwembu xa vutivi, lexi kambisisaka mintirho ya vanhu.

Duteronoma 32:4

“Hi xona Ribye leri tiyeke; mintirho ya xona yi hetisekile, tindlela ta xona hinkwato ti lulamile, i Xikwembu xo tshembeka, a xi dyoheli munhu, xi lulamile, xi hava xisandzu.

Ezekiele 16:63

U ta tsundzuka leswi humeleleke, kutani u tisola; a wu nga ha tlheli u pfula nomo wa wena hikwalaho ka tingana ta wena. Mina HOSI N'wini wa hinkwaswo ndzi ri, ndzi ta ku rivalela hinkwaswo leswi u swi endleke!”

Pisalema 119:75

We HOSI, ndza swi tiva leswaku u boha timhaka hi ku lulama, hikokwalaho a wu hoxanga loko u ndzi tshikile ndzi xaniseka.

Eksoda 18:11

Sweswi ndza swi tiva leswaku HOSI Xikwembu xi tlula swikwembu hinkwaswo, hikuva xi ponisile Vaisraele eka Vaegipta lava a va va khomile hi tihanyi.”

Timhaka 17:24

Xikwembu lexi nga endla misava ni hinkwaswo leswi nga ka yona, a xi tshami etitempeleni leti akiweke hi mavoko ya vanhu, leswi xi nga Hosi ya matilo ni misava;

Nhlavutelo 15:3

va yimbelela risimu ra Muxe nandza wa Xikwembu, ni risimu ra Xinyimpfana, va ku: “We Hosi, Xikwembu xa matimba hinkwawo, a hi ku kula ni ku hlamarisa ka mintirho ya wena; we Mufumi wa matiko hinkwawo, a hi ku lulama ni ku tshembeka ka tindlela ta wena!

Matewu 11:25

Enkarhini wolowo Yesu a vulavula a ku: “Ndza ku nkhensa Tatana, Hosi ya tilo ni misava, hikuva timhaka teto, u ti fihlele lavo tlhariha ni lava mano, kambe u ti hlavutele eka lavatsongo.

Daniele 4:34

Nebukadnetsara a ku: “Loko nkarhi lowu vekiweke wu hundzile, mina Nebukadnetsara ndzi tlakusile mahlo ndzi languta ehenhla, kutani miehleketo ya mina yi vuya, ndzi dzunisa ni ku tlangela ni ku twarisa Loyi a nga henhla-henhla, Loyi a hanyaka hilaha ku nga heriki, ndzi ku: “Vuhosi bya yena a byi na ku hela, ni ku fuma ka yena ku ta va kona hilaha ku nga heriki.

Esaya 5:16

Kambe HOSI Xikwembu xa matimba hinkwawo xi ta dzunisiwa, hikuva xi avanyisa hi ku lulama; hi xona Xikwembu lexo kwetsima lexi kombaka ku hlawuleka ka xona hi ku endla leswi lulameke.

Pisalema 99:4

Wena mufumi wa matimba, u rhandza nawu, kutani leswo lulama swi tiyisiwa hi wena. Hi wena u tiseke nawu ni ku lulama exikarhi ka va ka Yakobo.

Nhlavutelo 16:7

Kutani ndzi twa rito ri huma hi le alitarini ri ku: “Ina, we Hosi Xikwembu xa matimba hinkwawo, ku avanyisa ka wena ka tshembeka, ku lulamile.”

Daniele 5:4

Loko vhinyo yi va pyopyile, va sungula ku dzunisa swikwembu swa vona swa nsuku, ni swa silivhere, ni swa koporo, ni swa nsimbhi, ni swa timhandze, ni swa maribye.

Daniele 4:3

“Swikombiso swa xona i swikulu ngopfu, ni mahlori ya xona a hi ku chavisa ka wona! Ku fuma ka xona a ku na ku hela, ni vuhosi bya xona byi ta va kona hilaha ku nga heriki.

Ezekiele 16:56

Loko ku homboloka ka wena ku nga si paluxiwa, xana a hi wena loyi a wu hamba u hleka makwenu Sodoma xana? A wu tikurisa ngopfu, kambe sweswi u hundzukile xihlekiso emitini ya Edomu ni ka hinkwavo lava vandzakaneke na yona; hambi yi ri miti ya Vafilista leyi yi ku rhendzeleke, yi le ku ku hlekuleni.

2 TIKRONIKA 33:19

Naswona, ebukwini ya “Matimu ya Vaprofeta”, ku tsariwile timhaka leti: Ku khongela ka Manase, ni hilaha xikhongelo xa yena xi amukeriweke hi Xikwembu hakona; ku homboloka ka yena ni swidyoho swa yena, loko a nga si titsongahata a tisola; nongonoko wa switsunga leswo hlawuleka leswi a dzimeke eka swona timhandze ta Axera, ni tindhawu leti a nga yimisa eka tona swifaniso swa swikwembu swa hava.

Esaya 23:9

Makungu ya kona ma endliwe hi HOSI ya matimba hinkwawo leswaku hinkwavo lava titshembaka, va lahlekeriwa hi ku saseka ka vona, ni leswaku lava xiximiwaka ematikweni hinkwawo va yisiwa ehansi.

Yeremiya 50:29

HOSI Xikwembu xi ri: “Rhambani hinkwavo lava tivaka ku konga vurha, a va cope muti wa Babilona hi miseve; mavuthu a ma rhendzele muti lowu, ku nga humi munhu eka wona. Banani va le Babilona hi ku ya hi mintirho ya vona, va endleni hinkwaswo leswi va mi endleke swona, hikuva va tikurisile va lwa na mina HOSI, Muhlawuleki wa Israele.

Daniele 4:26

Xileriso xa leswaku xikundzu ni timitsu ta xona swi siyiwa, xi vula leswaku u ta tlheriseriwa vuhosi bya wena, loko u ta va u tivile leswaku Loyi a nga henhla-henhla, hi yena la fumaka.

Eksoda 8:4

Mintlambya yi ta tlula yi tshama ehenhla ka wena, ni le henhla ka vanhu va wena, ni le henhla ka malandza ya wena hinkwawo.’ ”

Estere 6:10

Kutani hosi yi byela Hamani yi ku: “Hatlisa u teka tinguvu ni hanci, u fundzha hi ndlela yoleyo Mordekayi loyi wa Muyuda, loyi a tirhaka ehubyeni. N'wi endlele hinkwaswo leswi u swi vuleke, u nga siyi nchumu!”