Daniele 4:35 - BIBELE Mahungu Lamanene

³⁵ Vanhu hinkwavo va misava a hi nchumu emahlweni ka yena, lava akeke emisaveni, ni swivumbiwa hinkwaswo swa le tilweni, swi fumiwa hi yena. Ku hava loyi a nga n'wi sivelaka, kumbe loyi a nga n'wi vutisaka a ku: ‘U endla yini xana?’

Xitsonga (Bibele)

³⁵ Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Daniele 4:35 Referans Kwoze

Pisalema 135:6

HOSI Xikwembu xi tiendlela hinkwaswo hi ku rhandza ematilweni ni laha misaveni, emalwandle ni le swidziveni hinkwaswo.

Ntirho 42:2

“We Xikwembu, ndza swi tiva, a wu tsandziwi hi nchumu, leswi u swi boheke, a swi kanetiwi.

Pisalema 115:3

Xikwembu xa hina xi le matilweni, xi tirha hi ku rhandza;

Vaefesa 1:11

Hakunene Xikwembu xi endla hinkwaswo hilaha xi rhandzaka hakona ni hilaha xi pimaka hakona, kutani xi hlawurile hina Vayuda ku va vadyandzhaka va xona eka Kriste, hi ku tilulamisela ka xona ka khale,

Esaya 43:13

Xikwembu hi mina ntsena, ndzi ta va xona minkarhi hinkwayo; loko ndzi khoma xilo, a ku na la nga xi vutlaka, ni loko ndzi tirha, a ndzi kavanyetiwi hi munhu.”

Timhaka 4:28

va hlangene ku endla hinkwaswo leswi u swi boheke khale, hi ntamu wa wena ni makungu ya wena, leswaku swi ta humelela.

1 Vakorinto 10:22

Xana hi lava ku hlundzukisa Hosi ke? Xana ha yi tlula hi matimba ke?

1 Vakorinto 2:16

Hikuva i mani loyi a tivaka miehleketo ya Hosi, leswaku a ta yi dyondzisa ke? Loko hi ri hina hi ni miehleketo ya Kriste.

Ntirho 40:2

“Wena muhandzi wa swihoxo, u nga kanetana na mina Xikwembu-xa-matimba-hinkwawo, ke? Ndzi hlamule, wena u phikisanaka na mina!”

Ntirho 23:13

Xikwembu a xi hundzuki, xi nge kanetiwi hi munhu, xi tiendlela swilo hi ku rhandza.

Ntirho 34:29

“Loko Xikwembu xi hlawula ku miyela, i mani la nga xi vekaka nandzu hi mhaka ya swona ke; ni loko xi tifihla, xi nga sindzisiwa hi mani ku vonaka ke? Ehenhla ka tiko ro karhi ni vanhu va rona,

Ntirho 9:4

Xikwembu xi ni vutlhari ni matimba lamakulu; hambi munhu a nga kanya mbilu a lwa na xona, a nge xi hluli.

1 SAMIELE 3:18

Hiloko Samiele a n'wi byela hinkwaswo, a nga n'wi fihleli nchumu. Kutani Heli a ku: “HOSI yi vulavurile, a yi endle leswi yi swi vonisaka swona.”

Timhaka 5:39

kambe loko wu huma eka Xikwembu, mi nga ka mi nga va siveli, kutani mi nga kumiwa mi lwile na Xikwembu.” Va huvo va n'wi yingisa.

Swivuriso 21:30

Munhu, hambi a lo tlharihisa ku yini kumbe a twisisa ngopfu, a kuma ni switsundzuxo, a nge koti ku lwa na HOSI Xikwembu.

Timhaka 9:5

Yena a ku: “U mani, Hosi?” Rito ri ku: “Hi mina Yesu, loyi u n'wi xanisaka.

Esaya 26:9

Moya wanga wu lava wena, hambi byi ri vusiku, exihundleni xa mbilu yanga, ndzi navela wena; loko u ba vanhu lava nga misaveni, va dyondza ku endla leswi lulameke.

Timhaka 11:17

Kutani ke, leswi Xikwembu xi va nyikeke nyiko leyi fanaka ni leyi hi nga yi kuma hina, hi ku pfumela eka Hosi Yesu Kriste, xana a ndzi ri mani mina ku alela Xikwembu xana?”

Pisalema 49:1

N'wina hinkwenu vamatiko, twanani mhaka leyi, rhiyani ndleve, n'wina hinkwenu mi akeke emisaveni,

Pisalema 33:14

xi xiyaxiya vanhu hinkwavo lava akeke emisaveni xi ri exiluvelweni xa xona.

Pisalema 39:5

Vona! U ndzi pfumelela ku hanya masikunyana ntsena; emahlweni ka wena malembe ya mina a hi nchumu; hakunene munhu hambi o titwa a tiyile, i moyanyana ntsena.

Eklesiasta 8:4

Rito ra hosi a ri kanetiwi, ku hava loyi a nga yi vutisaka, a ku: “U endla yini xana?”

Esaya 19:17

Vaegipta va ta ri chava ngopfu tiko ra Yuda. Loko munhu o tshuka a kumbukile tiko ra Yuda emahlweni ka Vaegipta, va ta rhurhumela hinkwavo, hikwalaho ka makungu lawa HOSI ya matimba hinkwawo yi nga na wona ehenhla ka vona.

Daniele 6:27

Xikwembu lexi xa ponisa ni ku lamulela, xi endla swikombiso ni mahlori etilweni ni la misaveni; hi xona xi lamuleleke Daniele etinghaleni ta matimba.”

Yonasi 1:14

Hikokwalaho va huwelela eka HOSI Xikwembu va ku: “HOSI, a hi lavi ku lahlekeriwa hi vutomi bya hina hi mhaka ya munhu loyi, naswona u nga hi veki nandzu ehenhla ka rifu ra yena. Hikuva we HOSI u endlile ku rhandza ka wena.”

Yoxuwa 2:2

Van'wana va ya byela hosi ya muti wa Yeriko va ku ka yona: “Hi ku tivisa leswaku vusiku bya namuntlha ku fikile vavanuna van'wana va Vaisraele ku ta valanga tiko.”