Daniele 4:30 - BIBELE Mahungu Lamanene

³⁰ Kutani a ku: “Muti lowukulu lowu wa Babilona, ndzi wu akile hi matimba ya mina ntsena, leswaku wu va ntsindza wa mina, wu dzunisa vukulukumba bya mina!”

Xitsonga (Bibele)

³⁰ Kutani hosi yi vulavula, yi ku: “Xana a hi yena Babilona lonkulu, loyi ndzi n'wi akeke hi matimba ya mina lamakulu leswaku byi endla vuako bya hosi, a va a dzunisa vukulukumba bya mina xana?”

Daniele 4:30 Referans Kwoze

Swivuriso 16:18

Ku tikurisa, swi vitana khombo, manyunyu ma vangela munhu ku wa.

Nhlavutelo 18:10

Ti ta yimela kule hi ku chava maxangu ya yena, ti ku: “Yo! Yo! Wena muti lowukulu, wena Babilona muti wa matimba, ku avanyisiwa ku ku fikele hi nkarhinyana ntsena.”

Nhlavutelo 17:5

Emombyeni wa yena a ku tsariwile vito leri nhlamuselo ya rona yi nga ya xihundla, leri nge: “Babilona lonkulu, mana wa tinghwavava ni wa lava endlaka swa manyala la misaveni.”

Luka 14:11

Hakunene un'wana ni un'wana loyi a tikurisaka, ú ta tsongahatiwa; kambe loyi a titsongahataka ú ta kurisiwa.”

Ezekiele 29:3

N'wi byele leswaku mina HOSI N'wini wa hinkwaswo ndzi ni rito eka yena leri nge: “Wena Faro hosi ya le Egipta, ndzi lwa na wena! Loko u tshamile eswinambyaneni swa wena ku fana ni dragona nyoka ya lwandle, u tshamela ku vula u ku: ‘Nambu wa Nilo i wa mina, hi mina ndzi wu endleke!’

Nhlavutelo 16:19

Muti lowukulu wu handzuka wu huma swivandla swinharhu, kutani miti ya vamatiko yi hindzimuka. Xikwembu xi tsundzuka Babilona, muti lowukulu, ku wu nwisa xinwelo xa vhinyo ya vukari lebyikulu bya xona, wu minya.

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”

Pisalema 73:8

Va sandza van'wana, va vulavula leswo biha, va kanela makungu yo xanisa lava nga hansi ka vona.

Pisalema 49:20

Vanhu vo tshemba vukosi bya vona a va twisisi nchumu, va ta herisiwa kukota swiharhi.

Nhlavutelo 18:21

Kutani ntsumi ya matimba yi tlakula ribye leri fanaka ni ribye ra ku sila hi ku kula, yi ri hoxa elwandle, yi ku: “Hi swo leswi u nga ta endliwa swona, we Babilona, muti lowukulu: U ta wiseriwa ehansi hi nsele, kutani a wu nga ha vi kona nakambe.

1 Vakorinto 10:31

Nhlamulo hi leyi: Hambi ma dya, hambi ma nwa, hambi mi endla yini na yini, endlani hinkwaswo ku dzunisa Xikwembu.

Pisalema 104:1

Ndzi lava ku nkhensa HOSI ndzi vuyelela! U nkulukumba swinene, wena HOSI Xikwembu xanga! U ambarile ku dzuneka ni vukosi.

Estere 1:4

Kutani Ahasuwerusi a va komba rifuwo ni ku dzuneka ka vuhosi bya yena, a va komba ku saseka ni ntikelo wa byona, hi masiku lama ringanaka 180.

Genesa 10:10

Loko Nimrodo a sungula ku fuma, a a fuma miti leyi: Babele, na Ereke, na Akade, hinkwayo yi ri etikweni ra Xinara.

Nhlavutelo 14:8

Ku landza ntsumi yin'wana ya vumbirhi, yi ku: “Ú wile, ú wile Babilona, muti lowukulu, yena loyi a nga nwisa vanhu va matiko hinkwawo evhinyo leyo bava ya vuoswi bya yena!”

Swivuriso 29:23

Ku tikukumuxa, swi vangela ku wa, kasi munhu wo titsongahata, ú ta dzunisiwa.

Esaya 13:19

Babilona i tiko ro saseka ku tlula matiko hinkwawo, leri Vakalediya va tinyungubyisaka ha rona, kambe mina Xikwembu ndzi ta ri herisa, ku fana ni miti ya Sodoma na Gomora.

Daniele 4:31

Loko hosi ya ha vulavula, ku twala rito leri humaka etilweni, ri ku: “We Nebukadnetsara, tiva leswaku vuhosi bya wena, u tekeriwile byona.

Habakuku 1:11

Kutani va hundzela emahlweni ku fana ni xihuhuri, va nyamalala. Va ni nandzu vanhu lava; matimba ya vona, va ma endla xikwembu xa vona.”

Swivuriso 11:2

Ku tikurisa swi vitana tingana, kasi vutlhari byi ni lava va titsongahataka.

Luka 14:9

kutani loyi a nga mi rhamba hi vumbirhi bya n'wina, ú ta ta, a ku ka wena: ‘Sukela munhu loyi exitshamu lexi.’ Kutani u ta ya tshama u ri ni tingana exitshan'wini xa le ndzhaku.