Daniele 4:27 - BIBELE Mahungu Lamanene

²⁷ Kutani we hosi, amukela switsundzuxo swa mina: Tshika swidyoho swa wena, u endla leswo lulama; herisa ni ku homboloka ka wena, u komba tintswalo eka lava xanisiwaka; kumbexana, u nga engeteleriwa malembe ya ku tsaka.”

Xitsonga (Bibele)

²⁷ Loko swi ri tano, hosi, amukela ku tsundzuxa ka mina. Herisa ku dyoha ka wena hi ku endla hi ku lulama, ni ku homboloka ka wena hi ku tsetselela xisiwana, loko kumbexana ku kateka ka wena ka ha ri ni nkarhi.”

Daniele 4:27 Referans Kwoze

Yonasi 3:9

A hi tivi, kumbexana Xikwembu xi nga hundzuluxa miehleketo ya xona, xi tlhela emakungwini ya xona, xi rheleta vukari bya xona, leswaku hi nga tshuki hi lova.”

Timhaka 8:22

Hikokwalaho, hundzuka u tshika ku biha ka wena loku, u khongela Hosi leswaku kumbexana yi nga ku rivalela miehleketo leyi u nga va na yona;

Luka 11:41

Kambe nyikani swilo leswi nge ndzeni ka swibya eka swisiwana, hi kona hinkwaswo swi nga ta va swi basile eka n'wina.

Vaefesa 4:28

Loyi a a toloverile ku yiva, a nga ha engeti a yiva; kambe a a tikarhate a tirha hi mavoko ya yena, a tirhela swo tipfuna ha swona, leswaku a ta kuma swo pambulela loyi a pfumalaka.

Vagalatiya 5:13

Loko a ri n'wina vamakwerhu, mi vitaniwile leswaku mi va lava ntshunxekeke; kambe mi nga teki ku ntshunxeka ka n'wina, mi ku hundzula mpfumelelo wo endla leswi ntumbuluko wa n'wina wa laha misaveni wu swi navelaka; ematshan'wini ya sweswo, tirhelanani hi rirhandzu.

Swivuriso 16:6

Munhu loyi a nga ni tintswalo, a tlhela a tshembeka, HOSI Xikwembu xa n'wi rivalela milandzu ya yena, naswona loyi a xi chavaka, ú kota ku papalata leswo biha.

1 Petro 4:8

Ku tlula leswi hinkwaswo, tiyani eku rhandzaneni, hikuva rirhandzu ri funengeta swidyoho leswo tala.

Matewu 3:8

Vekani mihandzu leyi fambelanaka ni ku hundzuka ka n'wina.

Ezekiele 18:7

A nga xanisi munhu-kulobye, kumbe ku n'wi tekela swa yena; loko xisiwana xi n'wi tamerisa xilo xo khomela nandzu wa mali, ú hatla a tlherisa xilo xa kona. Lava sikaka, wa va phamela, a ambexa lava pfumalaka swiambalo.

Swivuriso 28:13

Loyi a fihlaka swidyoho swa yena, a nge humeleli, kasi loyi a swi vulaka, kutani a hambana na swona, ú ta kuma tintswalo.

1 TIHOSI 21:29

Leswi a titsongahateke hi mukhuva lowu emahlweni ka mina, a ndzi nga ha vangi makhombo emasikwini ya ku hanya ka yena; kambe emasikwini ya n'wana wa yena, hi kona ndzi nga ta vanga makhombo endyangwini wa yena.”

Timhaka 26:20

Ndzi sungurile hi va le Damaska ni va le Yerusalema, ndzi ya emahlweni etikweni hinkwaro ra Yudiya, ni le ka vamatiko, ndzi ri karhi ndzi va khongotela ku hundzuka, va tlhelela eka Xikwembu, kutani va tirha mintirho leyi fambelanaka ni ku hundzuka ka vona.

Pisalema 119:46

Switsundzuxo swa wena, ndzi ta swi vula emahlweni ka tihosi ndzi nga ri na tingana.

Vagalatiya 5:22

Kasi mihandzu ya Moya i rirhandzu, ni ku tsaka, ni ku rhula, ni ku leha mbilu, ni vunene, ni ku hanana, ni ku tshembeka,

Vagalatiya 5:6

Hikuva eka Kriste Yesu, ku yimba kumbe ku va munhu wo ka a nga yimbanga, a swi vuli nchumu, kambe lexi nga xona i ku pfumela loku tirhaka hi rirhandzu.

2 Vakorinto 5:11

Hikokwalaho, hi ringeta ku khongotela vanhu hikuva ha swi tiva leswaku, ku va ni xichavo eka Hosi, swi vula yini; kambe Xikwembu xi tiva swinene leswi hi nga swona, kutani ndza tshemba leswaku na n'wina mi hi tiva hi mukhuva wolowo emapfalweni ya n'wina.

Timhaka 24:25

Kambe loko Pawulo a vulavula hi ta ku lulama, ni ta ku tikhoma, ni ta ku avanyisiwa loku nga ta ta, Felikisi a khomiwa hi ku chava, a hlamula, a ku: “Namuntlha, famba u ya tshama; siku ndzi kumaka nkarhi, ndzi ta tlhela ndzi ku vitana.”

Yuwele 2:14

A hi tivi, kumbexana Xikwembu xi nga tlhela emakungwini ya xona, xi mi avela minkateko ya xona, xi mi nyika mapa ni vhinyo ya magandzelo, mi swi humesela yona HOSI, Xikwembu xa n'wina.

Duteronoma 24:13

kambe mi fanele ku n'wi tlherisela wona namadyambu, leswaku a ta wu funengela loko a etlela, kutani ú ta mi navelela minkateko, naswona mi ta va mi endlile leswi nga swona emahlweni ka HOSI Xikwembu.

Yeremiya 29:7

Muti lowu ndzi mi yiseke eka wona mi ri mahlonga, wu naveleleni minkateko, mi wu khongelela leswaku ndzi wu katekisa, hikuva loko wu kateka, na n'wina mi ta kateka.’

Yeremiya 38:20

Yeremiya a ku: “Vanhu volavo, u nga ka u nga nyiketiwi emavokweni ya vona. Ndzi kombela leswaku u amukela leswi ndzi ku byelaka swona swi ri leswi humaka eka HOSI Xikwembu, kutani u ta kateka, u ponisa ni vutomi bya wena.

Genesa 11:4

Kutani va ku: “A hi tiakeleni muti, hi aka ni xihondzo lexi nga ta dliva tilo, leswaku hi ta tiveka, hi ta ka hi nga hangalasiwi emisaveni.”

Duteronoma 8:17

“Tivoneleni, mi nga tshuki mi anakanya leswaku rifuwo leri mi nga ta va na rona, mi ta va mi ri kumile hi ntamu wa n'wina ni mintirho ya n'wina ya matimba;

Duteronoma 32:27

kambe ndzi chavile leswaku valala va vona va nga swi teka hi ndlela leyi nga riki yona, kutani va ndzi hlekula, va ku: Hi hlurile hi matimba ya hina, a hi HOSI Xikwembu lexi xi endleke hinkwaswo leswi!’

Swivuriso 11:2

Ku tikurisa swi vitana tingana, kasi vutlhari byi ni lava va titsongahataka.

Esaya 10:13

Yi tidzunisa yi ku: “Matimba ya mina, hi wona ma tirheke swilo leswi, ndzi swi endlile hi vutlhari bya mina, hikuva ndzi kota ku twisisa; mindzilekana ya matiko ndzi yi herisile, kutani ndzi phangha xuma xa wona; ndzi nghenile ku fana ni nkuzi, ndzi susa tihosi eswiluvelweni swa tona.

Esaya 47:8

“Yingisa leswi, wena u tsakelaka ku tiphina, wena u titwaka u tshamisekile: Hambi u vula u ku: ‘Mina hi mina, ku hava un'wana, ndzi nge pfuki ndzi hundzuke noni, kumbe ku feriwa hi vana va mina!’

Esaya 47:10

“Loko u ri karhi u endla leswo homboloka, a wu titwa u hlayisekile, u ku: ‘A ndzi voniwi hi munhu!’ Vutlhari bya wena ni vutivi bya wena, hi swona leswi swi ku lahlekiseke. A wu vulavula hi mbilu, u ku: ‘Mina, hi mina, ku hava un'wana!’

Ezekiele 29:3

N'wi byele leswaku mina HOSI N'wini wa hinkwaswo ndzi ni rito eka yena leri nge: “Wena Faro hosi ya le Egipta, ndzi lwa na wena! Loko u tshamile eswinambyaneni swa wena ku fana ni dragona nyoka ya lwandle, u tshamela ku vula u ku: ‘Nambu wa Nilo i wa mina, hi mina ndzi wu endleke!’

Ezekiele 29:9

Leswi u vuleke u ku: ‘Nambu wa Nilo i wa mina, hi mina ndzi wu endleke!’ tiko ra Egipta ri ta hundzuka mananga ni marhumbi, kutani Vaegipta va ta tiva leswaku HOSI Xikwembu, hi mina!

Amosi 6:13

Mi titsakisa hi leswi nga pfuniki nchumu, mi ku: “Matimba yo hlula, hi lo tikumela wona hi hexe!”

Habakuku 1:11

Kutani va hundzela emahlweni ku fana ni xihuhuri, va nyamalala. Va ni nandzu vanhu lava; matimba ya vona, va ma endla xikwembu xa vona.”

Sofoniya 2:15

Lowu i muti lowu a wu tikurisa ngopfu, wu titwa wu hlayisekile; vaaki va wona a va hamba va ku: “Hina hi hina, a ku na van'wana!” Kambe sweswi wu hundzukile rhumbi ro chavisa, ni kaya ra swiharhi swa nhova; hinkwavo lava hundzaka hi ndlela, va wu hlekula, va hlakahla tinhloko.