Daniele 4:26 - BIBELE Mahungu Lamanene

²⁶ Xileriso xa leswaku xikundzu ni timitsu ta xona swi siyiwa, xi vula leswaku u ta tlheriseriwa vuhosi bya wena, loko u ta va u tivile leswaku Loyi a nga henhla-henhla, hi yena la fumaka.

Xitsonga (Bibele)

²⁶ Loko yi ri mhaka leyi nga vuriwa leswaku ku ta siyiwa xikundzu ni timitsu ta murhi hileswaku vuhosi byi ta tlherisiwa eka wena, loko kutani u swi tivile leswaku ku fuma tilo.

Daniele 4:26 Referans Kwoze

Daniele 4:15

Kambe mi siya xikundzu ni timitsu ta xona emisaveni, mi xi boha hi nketani ya nsimbhi ni koporo, mi xi tshika xi funengetiwa hi nhova, xi wela hi mberha, kutani xi dya byanyi ku fana ni swiharhi.

Luka 15:21

Kutani n'wana a ku ka yena: ‘Tatana, ndzi dyohele Tilo na wena, a swa ha ndzi faneri ku vuriwa n'wana wa wena.’

Luka 15:18

Ndzi ta pfuka, ndzi ya eka tatana, ndzi ta fika ndzi ku ka yena: Tatana, ndzi dyohele Tilo na wena,

Matewu 21:20

Loko vadyondzisiwa va swi vona, va hlamala va ku: “Xana nkuwa lowu wu omise ku yini hi ku hatlisa ke?”

Matewu 5:34

Kambe mina ndzi ri ka n'wina: Mi nga tshuki mi hlambanya ni kutsongo, hambi ku ri hi tilo, hikuva i xiluvelo xa Xikwembu,

Daniele 4:23

Kutani we hosi, u vonile mulanguteri lowo hlawuleka a huma hi le tilweni, a ku: ‘Tsemani murhi mi wu herisa, kambe mi siya xikundzu ni timitsu ta xona emisaveni, mi xi boha hi nketani ya nsimbhi ni koporo, mi xi tshika xi funengetiwa hi nhova, xi wela hi mberha, xi fana ni swiharhi swa nhova, ku kondza ku hundza malembe ya 7.’

Daniele 2:37

We hosi, u hosi leyikulu ku tlula tihosi hinkwato. Xikwembu xa le matilweni xi ku nyikile ku fuma, ni matimba lamakulu, ni ku twala.

Daniele 2:18

A va byela ku khongela, va kombela Xikwembu leswaku xi va twela vusiwana, xi va boxela xihundla lexi, va ta ka va nga herisiwi kun'we ni tintlhari ta le Babilona.

Daniele 2:19

Kutani nivusiku, Daniele a paluxeriwa xihundla xa kona hi xivono; hiloko a dzunisa Xikwembu xa le matilweni,

Daniele 4:31

Loko hosi ya ha vulavula, ku twala rito leri humaka etilweni, ri ku: “We Nebukadnetsara, tiva leswaku vuhosi bya wena, u tekeriwile byona.

Daniele 4:37

Kutani sweswi mina Nebukadnetsara, ndzi dzunisa Hosi ya matilo, ndzi yi tlangela ni ku yi komba xichavo, hikuva mintirho ya yona hinkwayo i yinene, ni tindlela ta yona ti lulamile; lava tikurisaka, ya swi kota ku va tsongahata.”

Daniele 5:20

Kambe kuteloko a sungurile ku tikurisa ni ku tiomisa nhloko ni ku tivona ngopfu, ú tsongahatiwile, a susiwa exitulwini xa yena xa vuhosi, a tekeriwa ku dzuneka ka yena,

Daniele 5:21

a hlongoriwa a suka exikarhi ka vanhu, miehleketo ya yena yi hundzuka yi fana ni ya swiharhi, a ya tshama na swona enhoveni, a dya byanyi ku fana ni homu, miri wa yena wu wela hi mberha, ku kondza a tiva leswaku Xikwembu xa le henhla-henhla xi fuma tihosi hinkwato, ni leswaku xi teka vuhosi xi byi nyika loyi xi n'wi tsakelaka.