Daniele 4:19 - BIBELE Mahungu Lamanene

¹⁹ Kutani Daniele la thyiweke vito ra Beltexatsara, a miyela nkarhi wo leha a chava ku boxa mhaka. Kutani hosi Nebukadnetsara a ku: “We Beltexatsara, norho ni nhlamuselo ya wona swi nga ku pfilunganyisi miehleketo.” Daniele a hlamula a ku: “N'wini wanga, norho lowu a wu kongome eka lava va ku vengaka, ni nhlamuselo ya wona a yi kongomisiwe eka valala va wena!

Xitsonga (Bibele)

¹⁹ Kutani Daniele, vito ra yena a nga Beltexatsara, a sala a kayakayeka hi nkarhi, a pfulunganyiwa hi mianakanyo ya yena. Hosi yi tlhela yi vulavula, yi ku: “Beltexatsara, norho ni nhlamuselo ya wona swi nga tshuki swi ku pfulunganya.” Beltexatsara a hlamula, a ku: “Hosi yanga, norho lowu, a wu humeleli eka lava ku vengaka, ni nhlamuselo ya wona eka lava lwaka na wena!

Daniele 4:19 Referans Kwoze

Daniele 8:27

“Kutani mina Daniele ndzi hela ntamu, ndzi vabya masikunyana. Kambe endzhaku ka nkarhi, ndzi pfuka ndzi tlhelela entirhweni wa mina wa le ntsindza, ntsena mhaka ya xivono lexi a yi ndzi karhata swinene, ndzi nga koti ku yi twisisa.

Daniele 7:28

“Mhaka leyi yi helela kwala. Loko a ri mina Daniele, miehleketo ya mina yi ndzi pfumate vurhongo, yi ndzi basulukisa ni xikandza, kambe a ndzi swi byelanga munhu.

Daniele 4:24

Lawa i makungu ya Loyi a nga henhla-henhla, lama fanelaka ku hetiseka eka wena, we n'wini wanga; kutani we hosi, norho wa wena wu vula leswi:

Yeremiya 4:19

Ndza tshwa, ndza tshwa! Ndzi twa ku vava! Mbilu ya mina a yi na ku rhula, ya ba hi ku hatlisa, ndzi tsandzeka ku yi miyeta, hikuva ndzi twa mhalamhala, ni mpfumawulo wa tinyimpi.

1 SAMIELE 3:17

Heli a ku: “Xana Xikwembu xi ku byerile yini xana? U nga ndzi fihleli nchumu. Ndza tiyisa hi ku hlambanya emahlweni ka xona leswaku u ta va ni nandzu lowukulu, loko u ndzi fihlela mhaka yihi na yihi leyi xi nga ku tivisa yona.”

Habakuku 3:10

Loko tintshava ti ku vona, ta chukuvanya; ndhambi yi halaka kunene, yi khuluka; mati ya xidziva ma hobomulana, magandlati ya xona ma tlakuka, wonge i mavoko.

Daniele 7:15

Daniele a engeta a ku: “Moya wa mina a wu nga ri na ku rhula, swivono leswi ndzi swi voneke a swi ndzi pfumata vurhongo.

Daniele 5:12

Munhu loyi i Daniele; hosi Nebukadnetsara tata wa wena a a n'wi thyile vito ra Beltexatsara. Vitana wanuna loyi, kutani ú ta ku hlamusela leswi tsariweke ekhumbini, hikuva ú ni moya wo hlamarisa wa vutivi ni ku twisisa, ú kota ku hlamusela milorho ni mawetana, a ololoxa ni swiphiqo swa vanhu.”

Daniele 2:26

Hosi yi vulavula na Daniele, loyi va n'wi thyeke vito ra Beltexatsara, yi ku: “Xana u nga ndzi byela norho wa mina, u tlhela u ndzi hlamusela leswi wu vulaka swona, xana?”

Daniele 1:7

Kutani ndhuna ya malandza ya hosi yi va thya mavito lamantshwa: Daniele a thyiwa vito ra Beltexatsara, Hananiya a thyiwa ra Xadraka, Mixaele a thyiwa ra Mexaka, Azariya yena a thyiwa ra Abedi-Nego.

Yeremiya 29:7

Muti lowu ndzi mi yiseke eka wona mi ri mahlonga, wu naveleleni minkateko, mi wu khongelela leswaku ndzi wu katekisa, hikuva loko wu kateka, na n'wina mi ta kateka.’

1 TIHOSI 18:7

Loko Obadiya a ha ri endleleni, o tshuka a hlangene na Eliya. Obadiya a hatla a n'wi tiva, kutani a korhama, mombo wa yena wu ko wu khumba misava, a ku ka yena: “Xana hakunene hi wena Eliya n'wini wanga ke?”

1 SAMIELE 26:15

Davhida a hlamula Abinere a ku: “Xana a wu nhenha wena ke? Xana ú kona munhu la ringanaka na wena etikweni ra Israele xana? Ku hava! Loko swi ri tano, hikwalaho ka yini u tsandzekile ku rindza hosi n'wini wa wena, xana? Sweswi ka ha ku ta munhu un'wana wa ka n'wina loyi a a lava ku herisa vutomi bya hosi n'wini wa wena.

1 SAMIELE 24:8

Endzhakunyana, Davhida na yena a huma ebakweni, kutani a landza Sawulo a ri karhi a n'wi huwelela, a ku: “N'wini wanga! Hosi!” Sawulo a hundzuluka a languta endzhaku, kutani Davhida a korhamela hansi, a n'wi nkhinsamela,

1 SAMIELE 1:15

Kambe Hana a hlamula a ku: “E-e, n'wini wanga, ntsena ndzo va wansati loyi a karhatekaka ngopfu. A ndzi nwanga vhinyo kumbe byalwa, kambe ndzi tile ku ta phofula swa mbilu ya mina eka HOSI Xikwembu.

Eksoda 32:32

Kambe sweswi wa nga va rivalela ku dyoha ka vona; loko u nga swi tsakeli, sula vito ra mina ebukwini leyi u tsaleke mavito ya vanhu va wena eka yona.”

Genesa 32:18

wena u fanele ku hlamula u ku: ‘I swa Yakobo nandza wa wena; i nyiko leyi tisiwaka eka wena n'wini wanga Esawu. Loko a ri yena Yakobo, wa karhi wa ta.’ ”

Genesa 31:35

Kutani Rahele a ku ka tata wa yena: “We n'wini wanga, u nga tshuki u ndzi hlundzukela hi mhaka ya leswi ndzi nga sukiki ndzi yima loko ndzi ku vona, mhaka hi leswaku sweswi ndzi le masikwini ya mina.” Kutani Labani a hangunuxa hinkwako, kambe a nga swi kumi swifaniso leswi vatliweke swa swikwembu.

Genesa 40:12

Hiloko Yosefa a ku ka yena: “Nhlamuselo ya norho wa wena hi leyi: Marhavi lawa manharhu ma vula masiku manharhu.

Daniele 2:37

We hosi, u hosi leyikulu ku tlula tihosi hinkwato. Xikwembu xa le matilweni xi ku nyikile ku fuma, ni matimba lamakulu, ni ku twala.

Daniele 5:18

We hosi, Xikwembu xa le henhla-henhla xi nyikile Nebukadnetsara vuhosi ni vukulukumba ni ku dzuneka loku hlamarisaka.

Daniele 5:19

Vanhu hinkwavo va tinxaka-xaka lava vulavulaka tindzimi to hambana-hambana a va rhurhumela emahlweni ka yena, hikwalaho ka vukulukumba bya yena. A a ri ni matimba ya ku dlaya vanhu ni ku va tshika va hanya, ni ku va tlakusa kumbe ku va tsongahata hilaha a rhandzaka hakona.