Daniele 4:11 - BIBELE Mahungu Lamanene

¹¹ Murhi wa kona wu ya wu kula, wu tiya, wu ya dliva ni le tilweni hi ku leha ka wona, wu voniwa emisaveni hinkwayo.

Xitsonga (Bibele)

¹¹ Murhi lowu a wu kula, wu kuma matimba kutani xicapila xa wona xi fika etilweni, kutani a wu voniwa hi lava nga emakun'wini ya misava.

Daniele 4:11 Referans Kwoze

Duteronoma 9:1

“Yingisani, n'wina Vaisraele! Namuntlha mi ta pela nambu wa Yordani, mi ya tekela lava va mi tlulaka hi ku tala ni matimba etiko ra vona; mi ta teka ni miti leyikulu swinene, leyi makhumbi ya yona ma leheke, ma ya dliva tilo.

Matewu 11:23

“Na wena Kapernawume: “ ‘Xana u ta tlakusiwa ku ya fika etilweni ke? E-e! U ta tsongahatiwa ku fikela eTiheleni.’ “Hakunene, mahlori lama endliweke eka wena, loko onge ma endliwile eSodoma, ingi muti lowu ni namuntlha wa ha ri kona.

Genesa 11:4

Kutani va ku: “A hi tiakeleni muti, hi aka ni xihondzo lexi nga ta dliva tilo, leswaku hi ta tiveka, hi ta ka hi nga hangalasiwi emisaveni.”

Ezekiele 31:5

Murhi lowu a wu lehile swinene, wu tlula mirhi leyin'wana hinkwayo; a wu phaka marhavi, wu mila ni matluka layo tala, hikuva a wu kuma mati layo tala eku hlukeni ka wona.

Ezekiele 31:12

Vanhu va tihanyi vo huma ematikweni man'wana va wu tsemile, va wu siyisa sweswo; marhavi ya wona ma wele etintshaveni ni le minkoveni hinkwayo; swirhabyana swa wona swi tshovekile swi wela ematini ya swinambyana hinkwaswo swa tiko, kutani vamatiko hinkwavo lava a va tshama endzhutini wa wona va sukile va famba, va wu siyisa sweswo.