Daniele 3:29 - BIBELE Mahungu Lamanene

²⁹ Kutani sweswi ndzi veka nawu lowu nge: Munhu un'wana ni un'wana loyi a nga ta vulavula swo biha hi Xikwembu xa Xadraka, na Mexaka, na Abedi-Nego, ú ta phatluleriwa a fa, muti wa yena wu hundzuka rhumbi, hikuva a ku na xikwembu xin'wana lexi nga ponisaka vanhu hi ndlela leyi.”

Xitsonga (Bibele)

²⁹ Kutani nawu wu vekiwa hi mina eka vanhu hinkwavo, ni ka matiko hinkwawo, ni ka va tindzimi hinkwato, leswaku munhu la solaka Xikwembu xa Xadraka, na Mexaka, na Abedi-Nego u ta pulukanyisiwa, kutani yindlu ya yena yi ta endliwa tala, hikuva a ku na Xikwembu ximbe lexi nga ponisaka hi mukhuva wolowo.”

Daniele 3:29 Referans Kwoze

Daniele 2:5

Kambe hosi yi hlamula Vakalediya yi ku: “Ndzi tsemile mhaka! Loko mo tsandzeka ku ndzi byela norho wa mina ni leswi wu vulaka swona, ndzi ta mi phatlulela mi fa, kutani tindlu ta n'wina ti ta sala ti ri marhumbi ntsena.

Pisalema 76:10

Hambi va ri va le Edomu va nga vanhu va tihanyi, va ta ku dzunisa, masalela ya va ka Hamati ma ta ku endlela nkhuvo.

Duteronoma 32:31

Valala va hina a va na rona ribye leri tiyeke, leri fanaka ni Ribye ra hina, sweswo va swi tiva, vona hi voxe.

Daniele 3:28

Nebukadnetsara a ku: “Xikwembu xa Xadraka, na Mexaka, na Abedi-Nego, a xi dzunisiwe, hikuva xi rhumerile ntsumi ya xona ku ta ponisa malandza ya xona lawa ya xi tshembeke. Malandza lawa a ma yingisanga xileriso xa mina hosi; ma hlawurile ku nyiketa miri wa wona leswaku wu xanisiwa, ku ri na ku khongela swikwembu swin'wana, ma fularhela Xikwembu xa wona.

Daniele 3:17

Loko ho tshuka hi hoxiwa ekheleni ra ndzilo lowu pfurhaka, Xikwembu xa hina lexi hi xi tirhelaka, xi ta hi humesa, xi hi kutsula ni le mavokweni ya wena.

Daniele 3:15

Kutani sweswi, loko mi lava ku pona, nkhinsamani mi khongela xifaniso lexi ndzi xi yimiseke, enkarhini lowu mi nga ta twa mpfumawulo wa mhalamhala, ni xitiringo, ni xitende, ni haripa, ni nkatara, ni nanga, ni swichaya-chayani swin'wana. Loko mi nga endli sweswo, mi ta hatla mi khomiwa, mi hoxiwa ekheleni ra ndzilo lowu pfurhaka. Xana xi kona xikwembu lexi xi nga mi ponisaka emavokweni ya mina xana?”

Pisalema 3:8

Ku ponisa ku huma eka wena HOSI, minkateko ya wena a yi ve ehenhla ka vanhu va wena!

Ezra 6:11

Tlhandlakambirhi, ndzi veka nawu wa leswaku loyi a nga ta tlula xileriso xa mina, ku ta hlomuriwa mhandze endlwini ya yena, yi dzimiwa ehansi leswaku a hayekiwa eka yona; ni yindlu ya yena yi ta mbundzumuxiwa yi hundzuka rhumbi.

2 TIHOSI 10:27

Loko va hirimuxile xifaniso lexi xa Baali, va fayetela ni yindlu ya Baali, va yi endla yindlu ya ku humela eka yona. Ni namuntlha, ya ha ri kona.

Daniele 1:7

Kutani ndhuna ya malandza ya hosi yi va thya mavito lamantshwa: Daniele a thyiwa vito ra Beltexatsara, Hananiya a thyiwa ra Xadraka, Mixaele a thyiwa ra Mexaka, Azariya yena a thyiwa ra Abedi-Nego.

Daniele 1:19

Loko hosi yi vulavula na wona, yi kuma leswaku exikarhi ka wona hinkwawo, ku hava majaha lama tsakisaka ku fana na Daniele, na Hananiya, na Mixaele, na Azariya; hiloko vona va hlawuriwa ku tirha entsindza.

Daniele 2:17

Kutani Daniele a muka, a ya hlamusela mhaka leyi eka vanghana va yena Hananiya, na Mixaele, na Azariya.

Daniele 2:47

Kutani hosi Nebukadnetsara a ku ka Daniele: “Hakunene, Xikwembu xa wena, hi xona Xikwembu xa swikwembu ni Hosi ya tihosi; hi xona xi paluxaka swihundla, hikuva wena u kotile ku hlamusela leswi a swi ndzi tumbelerile.”

Daniele 2:49

Kutani Daniele a kombela eka hosi leswaku Xadraka, na Mexaka, na Abedi-Nego va vekiwa ku va tindhuna ta xifundzha xa Babilona, ni leswaku yena a pfumeleriwa ku tshama entsindza.

Daniele 3:12

Kambe ku na Vayuda van'wana lava u va vekeke ku va tindhuna ta xifundzha xa Babilona, vona i Xadraka, na Mexaka, na Abedi-Nego. Hosi, vavanuna lava a va ku xiximi, swikwembu swa wena a va na mhaka na swona, hambi xifaniso lexi u xi yimiseke xa nsuku, a va xi khongeli.”

Daniele 6:28

Kutani, enkarhini wa ku fuma ka Dariyosi, ne nkarhini wa ku fuma ka Korexe lowa Muperesi, Daniele a a ri ni xiyimo xa le henhla.