Daniele 3:27 - BIBELE Mahungu Lamanene

²⁷ Kutani tihosana, ni tindhuna letikulu ni letitsongo, ni vatsundzuxi va hosi, va hlengeletana va ta va ta xiyaxiya vanhu lava, kutani va vona leswaku ndzilo a wu va endlanga nchumu, hambi yi ri misisi ya vona a yi vavukanga, ni swiambalo swa vona a swi tshwanga, ku ri hava ni risema leri kombaka leswaku a va ri endzilweni.

Xitsonga (Bibele)

²⁷ Kutani masatrapi, ni valanguteri, ni tindhuna, ni vatsundzuxi va hosi va hlengeletana; kuteloko va langutisisa vanhu lava, va vona leswaku ndzilo a wu vanga na matimba emirini wa vona ni switsongo, ni leswaku nsisi, hambi wu ri wun'we wa tinhloko ta vona, a wu vavukanga, ni loko yi ri mikhancu ya vona a yi hundzukanga ni leswaku risema ra ndzilo a ku ri hava eka yona.

Daniele 3:27 Referans Kwoze

Esaya 43:2

Hambiloko mi nghena eswidziveni, ndzi ta va na n'wina, ni loko mi pela milambu, a mi nga dyiwi hi mati; hambi mo tshuka mi hundza hi le xikarhi ka ndzilo, a mi nga tshwi, malangavi a ma nga mi hisi,

Vaheveru 11:34

Va timile mindzilo leyo leva, va pona ku tlhaviwa hi mabanga, va kuma matimba va ri lava tsaneke, va hundzuka tinghwazi ta matimba eku lweni, va tsutsumisa tinyimpi ta valala.

Timhaka 27:34

Ndza mi khongotela ku dya xanchumu; swa laveka, loko mi rhandza ku pona; hikuva a ku na un'we wa n'wina loyi a nga ta lahlekeriwa hi nsisi wa nhloko ya yena hambi wu ri wun'we.”

Matewu 10:30

Loko mi ri n'wina, hambi yi ri misisi ya tinhloko ta n'wina yi hlayiwile hinkwayo.

Esaya 26:11

U tlakusile voko ra wena, we HOSI, kambe a va ri voni. Va kombe leswaku u hisekela vanhu va wena, va ta khoma hi tingana, va herise hi ndzilo lowu a wu wu lunghisele valala va wena!

Pisalema 83:18

Kutani vanhu va ta tiva leswaku hi wena ntsena u vuriwaka HOSI, wena Xikwembu lexi nga henhla-henhla, lexi fumaka misava hinkwayo.

2 TIHOSI 19:19

Sweswi ke, wena HOSI Xikwembu xa hina, ndza ku khongela, hi lamulele emavokweni ya Senakeribi, leswaku mimfumo hinkwayo ya misava yi ta tiva leswaku hi wena ntsena u nga Xikwembu, wena HOSI.”

Daniele 3:21

Kutani tinhenha ti boha vavanuna lava, ti va hoxa ekheleni ra ndzilo va ri ni swiambalo swa vona hinkwaswo.

Timhaka 26:26

hosi yi tiva swinene timhaka leti, kutani ndzi ti vula emahlweni ka yona ndzi nga chavi nchumu; a ndzi kholwi leswaku ni yin'we ya tona yi nga va yi fihleriwe hosi, hikuva a ti humelelanga exihundleni.

Daniele 6:7

Hina hinkwerhu valanguteri va tiko ra wena, ni tindhuna hinkwato letikulu ni letitsongo, ni tihosana, ni vatsundzuxi, hi twananile leswaku, we hosi, u fanele ku veka nawu lowu nga ta tirha masiku yo ringana 30, u vona leswaku wu nga tluriwi; nawu wa kona hi lowu: Munhu loyi a khongelaka xikwembu xin'wana kumbe munhu un'wana ehandle ka wena, ú fanele ku hoxiwa ekheleni ra tinghala.

Daniele 6:23

Kutani hosi yi tsaka ku tlula mpimo, yi lerisa leswaku Daniele a humesiwa ekheleni ra tinghala; kutani loko ku endlisiwe sweswo, va kuma leswaku Daniele a nga vavisiwanga nikutsongo, hikuva a a tshembile Xikwembu xa yena.

1 TIHOSI 13:28

Kutani a suka, a ya kuma ntsumbu wa munhu luya endleleni wu lo tlátlálálá. Mbhongolo ni nghala swi lo tiyimela hi le matlhelo ka wona. Nghala a yi nga dyanga ntsumbu lowu, hambi ku ri ku kakatlula mbhongolo.