Daniele 3:25 - BIBELE Mahungu Lamanene

²⁵ Nebukadnetsara a ku: “Kambe sweswi, ndzi vona vavanuna va mune, naswona a va bohiwanga, va tifamba-fambela exikarhi ka ndzilo, kambe a va tshwi; wanuna lowa vumune, ú fana na xin'wana xa swikwembu.”

Xitsonga (Bibele)

²⁵ A engeta a ku: “Vonani, ndzi vona mune wa vanhu va famba exikarhi ka ndzilo va tshunxekile va nga vavisiwanga; kutani nghohe ya lowa vumune yi kotisa ya n'wana wa swikwembu.”

Daniele 3:25 Referans Kwoze

Esaya 43:2

Hambiloko mi nghena eswidziveni, ndzi ta va na n'wina, ni loko mi pela milambu, a mi nga dyiwi hi mati; hambi mo tshuka mi hundza hi le xikarhi ka ndzilo, a mi nga tshwi, malangavi a ma nga mi hisi,

Timhaka 28:5

Kambe Pawulo a dzudzela nyoka endzilweni, a nga vavisiwanga ni kutsongo.

Marka 16:18

va ta khoma tinyoka hi mavoko; kutani hambi va nga nwa leswi dlayaka, swi nga ka swi nga va endli nchumu; va ta tlhandleka mavoko ehenhla ka lava vabyaka, va va hanyisa.”

Ntirho 1:6

Siku rin'wana swivumbiwa swa le tilweni swi hlangana ehubyeni ya HOSI Xikwembu; na yena Sathana a a ri exikarhi ka swona.

Daniele 3:28

Nebukadnetsara a ku: “Xikwembu xa Xadraka, na Mexaka, na Abedi-Nego, a xi dzunisiwe, hikuva xi rhumerile ntsumi ya xona ku ta ponisa malandza ya xona lawa ya xi tshembeke. Malandza lawa a ma yingisanga xileriso xa mina hosi; ma hlawurile ku nyiketa miri wa wona leswaku wu xanisiwa, ku ri na ku khongela swikwembu swin'wana, ma fularhela Xikwembu xa wona.

Pisalema 34:7

Vanhu lava chavaka HOSI Xikwembu, va sirheleriwa hi ntsumi ya xona, kutani yi va kutsula ekhombyeni.

1 Petro 3:13

Sweswi ke, xana i mani loyi a nga mi endlaka leswo biha, loko n'wina mi hisekela ku endla leswi lulameke xana?

Daniele 3:18

Kambe hambiloko xi nga hi kutsuli, swi tive we hosi leswaku hina a hi nga gandzeli swikwembu swa wena, kumbe ku nkhinsamela xifaniso xa nsuku lexi u xi yimiseke.”

Ntirho 38:7

Esikwini rero, tinyeleti ta mixo a ti yimbelela hi nomo wun'we; swivumbiwa swa le tilweni, a swi ba minkulungwana hinkwaswo.

Varhoma 1:4

kambe, hi tlhelo ra moya wa yena lowu kwetsimaka, swi tikombile leswaku i N'wana wa Xikwembu la nga ni matimba hinkwawo, hi ku pfuka ka yena exikarhi ka vafi.

Luka 1:35

Ntsumi yi n'wi hlamula, yi ku: “Moya lowo Kwetsima wu ta xikela ka wena, ni matimba ya Loyi-a-nge-henhla-henhla ma ta ku funengeta; hikwalaho n'wana lowo hlawuleka la nga ta velekiwa, ú ta vuriwa N'wana wa Xikwembu.

Swivuriso 30:4

I mani la nga tlhandlukela etilweni, a tlhela a vuya xana? Xana i mani la nga tshama a fumbarhela moya xana; la tshamaka a phutsela mati hi nceka i mani xana, i mani la nga veka vugimamusi bya misava xana? Vito ra yena hi yena mani, ni n'wana wa yena i mani xana? Wena u fanele ku swi tiva!

Yeremiya 1:8

U nga tshuki u va chava, hikuva ndzi ta va na wena ndzi ku sirhelela. Ndzi vula sweswo mina HOSI.”

Yeremiya 1:19

Va ta lwa na wena, kambe va ta tsandzeka ku ku hlula, hikuva mina HOSI ndzi ta va na wena ndzi ku lamulela.”

Yeremiya 15:21

Ndzi ta ku ponisa emavokweni ya lavo homboloka, ndzi ku kutsula eka vanhu va tihanyi.”

Daniele 3:24

Kutani hosi Nebukadnetsara a hatla a yima, a vulavula ni vatsundzuxi va yena, a ku: “Ndza hlamula! Xana a hi hoxanga vavanuna vanharhu ntsena endzilweni lava a va bohiwile xana?” Kutani vatsundzuxi va hlamula hosi va ku: “Ina hosi, u vula swona!”

Daniele 6:23

Kutani hosi yi tsaka ku tlula mpimo, yi lerisa leswaku Daniele a humesiwa ekheleni ra tinghala; kutani loko ku endlisiwe sweswo, va kuma leswaku Daniele a nga vavisiwanga nikutsongo, hikuva a a tshembile Xikwembu xa yena.

Ntirho 5:19

Hambiloko u nga wela hi makhombo layo tala ku tlula mpimo, xi ta ku ponisa eka wona, leswo biha a swi nga ku tshineleli.