Daniele 3:10 - BIBELE Mahungu Lamanene

¹⁰ Hosi, hi wena u vekeke nawu lowu nge, munhu un'wana ni un'wana la twaka mhalamhala, ni xitiringo, ni xitende, ni haripa, ni nkatara, ni nanga, ni swichaya-chayani swin'wana, a a nkhinsame a khongela xifaniso xa nsuku,

Xitsonga (Bibele)

¹⁰ Wena, hosi, u vekile ku lerisa leswaku un'wana ni un'wana la yingisaka mpfumawulo wa mhalamhala, ni wa xitiringo, ni wa ritaninga, ni wa haripa ni wa psalteri, ni wa gupu, ni wa leswi yimbiwaka hinkwaswo, a khinsama a gandzela xifaniso xa nsuku;

Daniele 3:10 Referans Kwoze

Daniele 6:12

Kutani va suka va ya ehosini, va yi tsundzuxa nawu lowu yi wu vekeke, va ku: “We hosi, xana a hi wena u fungheke nawu, u vula leswaku hi masiku ya 30, munhu loyi a khongelaka xikwembu xin'wana kumbe munhu un'wana ehandle ka wena ú ta hoxiwa ekheleni ra tinghala xana?” Hosi yi ku: “Mhaka leyi ya ha yimise xisweswo, hikuva hi ntolovelo wa Vameda ni Vaperesi, milawu a yi hundzuluxiwi.”

Yohane 11:57

Vaprista lavakulu ni Vafarisi a va lerisile leswaku, loko un'wana a tiva laha a nga kona, a a va tivise, leswaku va ta kota ku n'wi khoma.

Amosi 6:5

Mi tisumela tinsimu hi haripa, mi tifananisa na Davhida hi ku tiendlela swichaya-chayani,

Daniele 3:15

Kutani sweswi, loko mi lava ku pona, nkhinsamani mi khongela xifaniso lexi ndzi xi yimiseke, enkarhini lowu mi nga ta twa mpfumawulo wa mhalamhala, ni xitiringo, ni xitende, ni haripa, ni nkatara, ni nanga, ni swichaya-chayani swin'wana. Loko mi nga endli sweswo, mi ta hatla mi khomiwa, mi hoxiwa ekheleni ra ndzilo lowu pfurhaka. Xana xi kona xikwembu lexi xi nga mi ponisaka emavokweni ya mina xana?”

Esaya 10:1

Va ni khombo lava vekaka ni ku humesa milawu yo homboloka leyi xanisaka vanhu:

Eklesiasta 3:16

Emisaveni, ndzi vonile na leswi: Etihubyeni, nawu a wu landzeleriwi; laha ku lavekaka leswo lulama, ku tele leswo biha.

Pisalema 94:20

Xana vafumi lavo homboloka, u ta twanana na vona loko va hundzuluxa milawu, va endla leswo biha xana?

2 TIKRONIKA 29:25

Kutani Hezekiya a endla leswi HOSI Xikwembu xi swi leriseke hosi Davhida hi milomo ya vaprofeta va xona, a nga Gati mavonakule wa le ntsindza, na muprofeta Natani: A veka Valevhi eTempeleni, va tamele swiphambati swa nsimbhi ni tiharipa ni switende,

1 TIKRONIKA 15:28

Kutani Vaisraele hinkwavo va heleketa Areka ya Ntwanano va ri karhi va yimbelela, va ba timhalamhala ni tinanga, va bananisa swiphambati swa nsimbhi, va chaya tiharipa ni switende.

1 TIKRONIKA 15:16

Davhida a lerisa lava fambisaka Valevhi leswaku va hlawula van'wana exikarhi ka vona va va vayimbeleri, va ri karhi va chaya swichaya-chayani swo fana ni tiharipa, ni switende, ni swiphambati swa nsimbhi, va ba huwa ya ntsako.

Eksoda 1:22

Kutani Faro a lerisa tiko ra yena hinkwaro, a ku: “N'wana un'wana ni un'wana wa mufana loyi a nga ta velekiwa eka Vaheveru, n'wi cukumeteni enambyeni, kambe mi tshika vanhwanyana hinkwavo va hanya!”

Eksoda 1:16

“Loko mi ri karhi mi pfuna vavasati va Vaheveru eku tintshunxeni ka vona, langutani swinene n'wana leswaku i wa yini: Loko a ri wa mufana, n'wi dlayeni! Kambe loko a ri wa nhwanyana, n'wi tshikeni a hanya.”

Daniele 3:11

kutani loyi a nga ta ala ku nkhinsama a khongela, ú ta hoxiwa ekheleni ra ndzilo lowu pfurhaka hi matimba.