Daniele 2:49 - BIBELE Mahungu Lamanene

⁴⁹ Kutani Daniele a kombela eka hosi leswaku Xadraka, na Mexaka, na Abedi-Nego va vekiwa ku va tindhuna ta xifundzha xa Babilona, ni leswaku yena a pfumeleriwa ku tshama entsindza.

Xitsonga (Bibele)

⁴⁹ Kambe Daniele a kombele ka hosi leswaku a veka Xadraka, Mexaka na Abedi-Nego va va entirhweni wa tiko ra Babilona; Daniele, yena, a va ehubyeni ya hosi.

Daniele 2:49 Referans Kwoze

Daniele 1:7

Kutani ndhuna ya malandza ya hosi yi va thya mavito lamantshwa: Daniele a thyiwa vito ra Beltexatsara, Hananiya a thyiwa ra Xadraka, Mixaele a thyiwa ra Mexaka, Azariya yena a thyiwa ra Abedi-Nego.

Estere 2:19

[Loko vanhwana va hlengeletiwa ra vumbirhi,] Mordekayi a a hlawuriwile ku tirha ehubyeni ya hosi.

Amosi 5:15

Vengani leswo biha, mi rhandza leswinene, mi avanyisa hi ku lulama etihubyeni ta n'wina, kutani kumbexana HOSI, Xikwembu xa matimba hinkwawo, xi ta mi tsetselela n'wina masalela ya Yosefa.

Estere 2:21

Enkarhini wolowo Mordekayi a a ri mutirhi ehubyeni ya hosi; vatsheniwa vambirhi Bigitana na Terexi, lava a va rindza tinyangwa ta muti wa hosi, va hlundzuka, kutani va endla makungu ya ku dlaya hosi.

Daniele 2:17

Kutani Daniele a muka, a ya hlamusela mhaka leyi eka vanghana va yena Hananiya, na Mixaele, na Azariya.

Daniele 1:17

Xikwembu xi nyika majaha lawa ya mune evutivi ni vutlhari, ni ku tiva matsalwa hinkwawo; Daniele yena a a twisisa swivono hinkwaswo ni milorho hinkwayo.

Yeremiya 39:3

kutani tindhuna hinkwato ta hosi ya le Babilona ti nghena, ti ya tshama kusuhi ni Nyangwa-ya-le-Xikarhi; a ku ri na Nergala-Sarezere, na Samigara-Nebo, na Sari-Sekimi ndhunankulu, na Nergala-Sarezere lowa xandla xa hosi, ni tindhuna tin'wana hinkwato ta hosi ya le Babilona.

Swivuriso 28:12

Loko lowo lulama a vekiwa ku va hosi, nkhuvo wa kona wu tsakisa ngopfu, kasi loko ku vekiwa lowo homboloka, vanhu va suka va ya tumbela.

Estere 3:2

Hosi yi lerisa malandza ya yona lawa a ma tirha ehubyeni ya yona, leswaku ma korhama emahlweni ka Hamani, ma n'wi nkhinsamela. Kutani hinkwawo malandza ma yingisa xileriso lexi, ehandle ka Mordekayi.

Daniele 6:2

a veka ni valanguteri vanharhu ehenhla ka tihosana leti, leswaku va ti fambisa, ni leswaku hosi yi nga lahlekeriwi hi nchumu. Daniele a a ri un'wana wa valanguteri lava,

Daniele 3:1

Hosi Nebukadnetsara a endla xifaniso xa nsuku; ku leha ka xona a ku ri 30 m ni ku anama ka xona a ku ri 3 m. A xi yimisa erivaleni ra Dura, exifundzheni xa Babilona,