Daniele 2:47 - BIBELE Mahungu Lamanene

⁴⁷ Kutani hosi Nebukadnetsara a ku ka Daniele: “Hakunene, Xikwembu xa wena, hi xona Xikwembu xa swikwembu ni Hosi ya tihosi; hi xona xi paluxaka swihundla, hikuva wena u kotile ku hlamusela leswi a swi ndzi tumbelerile.”

Xitsonga (Bibele)

⁴⁷ Kutani hosi yi vulavula na Daniele, yi ku: “Kunene Xikwembu xa n'wina i Xikwembu xa swikwembu, ni Hosi ya tihosi, ni muhlavuteri wa swihundla, hikuva xi kotile ku ndzi hlavutela xihundla xexo.”

Daniele 2:47 Referans Kwoze

Daniele 2:28

Kambe ematilweni, ku ni Xikwembu lexi paluxaka swihundla, kutani we hosi Nebukadnetsara, xi ku tivisile leswi nga ta humelela eminkarhini leyi taka. Loko u etlele, u lorhile milorho ni ku vona swivono.

Daniele 2:22

xi paluxa swilo hinkwaswo leswi nga xihundleni; hi xona xi tivaka leswi nga xinyamini, hikuva laha xi nga kona, ku lo nghéé!

Amosi 3:7

Tivani leswaku HOSI N'wini wa hinkwaswo, a nga endli nchumu a nga rhanganga hi ku kombisa makungu ya yena eka vaprofeta malandza ya yena.

Daniele 11:36

“Mufumi wa tiko ú ta hamba a tiendlela hi ku rhandza, a tidzunisa, a tikurisa emahlweni ka xikwembu xin'wana ni xin'wana; ú ta vulavula swilo leswo biha ehenhla ka Xikwembu lexikulu. Eka hinkwaswo leswi a nga ta swi endla, ú ta humelela ku kondza nkarhi wa ku biwa wu fika, hikuva leswi bohiweke khale swi ta hetiseka.

Duteronoma 10:17

HOSI Xikwembu xa n'wina, hi xona xi nga henhla ka swikwembu hinkwaswo, i hosi ya tihosi; hi xona Xikwembu lexikulu xa matimba, lexi chavisekaka; a xi yi hi nghohe, naswona a xi pfumeli ku xaviwa.

Nhlavutelo 19:16

Engubyini ya yena ni le ndzhumbyini wa yena, ku tsariwile vito leri nge: “Mufumi wa vafumi ni Hosi ya tihosi.”

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi, ni Mufumi wa vafumi; ni malandza ya xona lama vitaniweke, lama hlawuriweke ni lama tshembekaka, xi ta ma nyika ku hlula.”

Nhlavutelo 1:5

ni le ka Yesu Kriste, mbhoni leyo tshembeka, mativula ya lava feke ni mufumi wa tihosi ta misava. Eka loyi a hi rhandzaka, loyi a hi ntshunxeke eswidyohweni swa hina hi ku fa ka yena,

1 Timotiya 6:15

Ku humelela loku ku ta kombisiwa erivaleni hi nkarhi wa kona, hi Loyi a katekeke, Loyi a nga ni matimba a ri swakwe, Hosi ya tihosi ni Mufumi wa vafumi.

Daniele 2:37

We hosi, u hosi leyikulu ku tlula tihosi hinkwato. Xikwembu xa le matilweni xi ku nyikile ku fuma, ni matimba lamakulu, ni ku twala.

Pisalema 136:2

Tlangelani Xikwembu lexikulu ngopfu! — Rirhandzu ra xona hi leri nga heriki —

Pisalema 82:1

Xikwembu xi tshamile ehubyeni ya le henhla-henhla, xi avanyisa vanhu xi ri ni swivumbiwa swa le tilweni,

Pisalema 72:11

Tihosi hinkwato a ti n'wi nkhinsamele, vanhu va tinxaka hinkwato va n'wi tirhela.

Genesa 41:39

Kutani Faro a ku ka Yosefa: “Xikwembu hi xona xi ku tiviseke timhaka leti hinkwato, hikokwalaho a ku na munhu wo twisisa ni ku tlhariha ku fana na wena.

Daniele 4:32

U ta hlongoriwa u suka exikarhi ka vanhu, u ya tshama ni swiharhi swa nhova, u dya byanyi ku fana ni homu. Swi ta va tano malembe ya 7, u kondza u tiva leswaku Loyi a nga henhla-henhla ú fuma tihosi hinkwato, ni leswaku ú teka vuhosi a byi nyika loyi a n'wi tsakelaka.”

Daniele 4:17

Lawa i makungu ya valanguteri lavo hlawuleka ni xiboho xa vona. Hikokwalaho, vanhu hinkwavo va fanele ku tiva leswaku Loyi a nga henhla-henhla ú fuma tihosi hinkwato; a nga teka vuhosi hilaha a rhandzaka hakona, a nyika swikamba byi va bya swona.’

Daniele 2:19

Kutani nivusiku, Daniele a paluxeriwa xihundla xa kona hi xivono; hiloko a dzunisa Xikwembu xa le matilweni,

Ntirho 12:19

Vaprista xi va tekela vutlhari, lavo chaviseka xa va tsongahata.

Yoxuwa 22:22

“HOSI i Xikwembu xa matimba hinkwawo! HOSI Xikwembu xa matimba hinkwawo xa swi tiva, kutani na n'wina Vaisraele mi fanele ku swi tiva! Loko hi fularhele HOSI Xikwembu, kumbe loko hi tlurile xileriso xa xona, namuntlha mi nga hi tsetseleli!

Daniele 4:25

U ta hlongoriwa u suka exikarhi ka vanhu, u ya hanya ni swiharhi swa nhova, u dya byanyi ku fana ni homu, u wela hi mberha, ku kondza ku hundza malembe ya 7. Hikona u nga ta tiva leswaku Loyi a nga henhla-henhla ú fuma tihosi hinkwato, ni leswaku ú teka vuhosi a byi nyika loyi a n'wi tsakelaka.

1 Vakorinto 14:25

swihundla swa mbilu ya yena swi ta humeseriwa erivaleni, kutani ú ta wa hi mombo, a gandzela Xikwembu, kutani ú ta vula a ku: “Hakunene Xikwembu xi kona la xikarhi ka n'wina.”

Pisalema 136:3

Tlangelani yena N'wini wa hinkwaswo! — Rirhandzu ra yena hi leri nga heriki —

Ezekiele 26:7

HOSI N'wini wa hinkwaswo ú vurisa sweswo ú ri: “Nebukadnetsara, yena hosi ya Babilona leyi tlulaka tihosi tin'wana hinkwato hi matimba, ndzi ta n'wi vitana a suka en'walungwini, a ta hlasela muti wa Tiri; ú ta ta ni ntshungu lowukulu wa masocha, man'wana ma gadile tihanci, man'wana ma famba hi makalichi ya nyimpi;

Daniele 2:29

Kutani we hosi, loko u etlele, u terile hi miehleketo ya leswi nga ta humelela eminkarhini leyi taka, hikuva Loyi a paluxaka swihundla, ú ku tivisile swilo swa kona;

Daniele 2:30

hambiloko ndzi paluxeriwile xihundla lexi, a hi leswaku ndzi tlula vanhu van'wana hi ku tlhariha; ndzi lo kombiwa xona, leswaku ndzi ta ku nyika nhlamuselo ya norho wa wena, ni leswaku u ta twisisa leswi pfilunganyiseke miehleketo ya wena.

Daniele 3:15

Kutani sweswi, loko mi lava ku pona, nkhinsamani mi khongela xifaniso lexi ndzi xi yimiseke, enkarhini lowu mi nga ta twa mpfumawulo wa mhalamhala, ni xitiringo, ni xitende, ni haripa, ni nkatara, ni nanga, ni swichaya-chayani swin'wana. Loko mi nga endli sweswo, mi ta hatla mi khomiwa, mi hoxiwa ekheleni ra ndzilo lowu pfurhaka. Xana xi kona xikwembu lexi xi nga mi ponisaka emavokweni ya mina xana?”

Daniele 3:28

Nebukadnetsara a ku: “Xikwembu xa Xadraka, na Mexaka, na Abedi-Nego, a xi dzunisiwe, hikuva xi rhumerile ntsumi ya xona ku ta ponisa malandza ya xona lawa ya xi tshembeke. Malandza lawa a ma yingisanga xileriso xa mina hosi; ma hlawurile ku nyiketa miri wa wona leswaku wu xanisiwa, ku ri na ku khongela swikwembu swin'wana, ma fularhela Xikwembu xa wona.

Daniele 3:29

Kutani sweswi ndzi veka nawu lowu nge: Munhu un'wana ni un'wana loyi a nga ta vulavula swo biha hi Xikwembu xa Xadraka, na Mexaka, na Abedi-Nego, ú ta phatluleriwa a fa, muti wa yena wu hundzuka rhumbi, hikuva a ku na xikwembu xin'wana lexi nga ponisaka vanhu hi ndlela leyi.”

Daniele 5:11

Laha tikweni ra wena ú kona munhu un'wana loyi a nga ni moya wa swikwembu leswo hlawuleka. Enkarhini wa hosi Nebukadnetsara tata wa wena, munhu loyi a a vekiwile ku va ndhuna ya vangoma ni vavhumbhi ni Vakalediya ni lava tivaka tinyeleti, hikuva ú kumeke a ri ni vutivi ni ku twisisa, ni vutlhari lebyi fanaka ni bya swikwembu.

2 TIHOSI 5:15

Naamani a tlhelela eka munhu wa Xikwembu swin'we ni vaheleketi va yena hinkwavo. A nghena endlwini ya Elixa, a vulavula a yimile, a ku: “Waswivo! Sweswi ndza swi tiva leswaku a ku na Xikwembu xin'wana emisaveni hinkwayo, loko ku nga ri etikweni ra Israele. Sweswi ndzi kombela leswaku u amukela nyiko leyi humaka eka mina nandza wa wena.”

Pisalema 96:4

HOSI Xikwembu i xikulu, xi dzuneka ngopfu, xi fanele ku chaviwa ku tlula swikwembu swin'wana hinkwaswo.