Daniele 2:45 - BIBELE Mahungu Lamanene

⁴⁵ Xikwembu lexikulu xi ku tivisile leswi nga ta humelela eminkarhini leyi taka: U vonile hilaha ribye ri phemekeke hakona entshaveni, ri nga khomiwanga hi munhu; naswona u vonile hilaha ri fayeteleke hakona nsimbhi ni koporo ni vumba ni silivhere ni nsuku. Norho lowu i ntiyiso, ni leswi wu vulaka swona swi tiyile.”

Xitsonga (Bibele)

⁴⁵ kukotisa loko u vone ribye leri phemekeke entshaveni, ku nga ri hi mavoko ya vanhu, ri seletela nsimbhi, ni koporo, ni vumba, ni silivhere, ni nsuku. Xikwembu lexikulu xi tivisile hosi leswi nga ta humelela endzhaku ka mikarhi leyi, kutani norho i wa xiviri, ni ku hlamusela ka wona ku tiyile.”

Daniele 2:45 Referans Kwoze

Esaya 28:16

Kambe HOSI N'wini wa hinkwaswo ú vurisa sweswo, ú ri: “Vonani, ndzi le ku vekeni ka masungulo lama tiyeke emutini wa Siyoni, ri nga ribye ra yinhla leri sasekeke. Loyi a tiseketelaka ha rona, a nga ka a nga tsekatseki.

Genesa 41:32

Leswi u lorheke mhaka leyi kambirhi we hosi Faro, swi komba leswaku yi lulamisiwile hi Xikwembu, naswona xi ta endla leswaku yi hatla yi humelela.

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Pisalema 48:1

HOSI Xikwembu xa hina i Xikwembu lexikulukumba, xi dzuneka ngopfu emutini lowu wu nga wa xona, entshaveni ya xona leyo hlawuleka;

2 SAMIELE 7:22

Hikokwalaho, u nkulukumba, wena HOSI N'wini wanga, naswona ku hava la fanaka na wena; ehandle ka wena, ku hava Xikwembu xin'wana, hikuva hinkwaswo leswi hi swi tweke swi seketela mhaka leyi.

Duteronoma 10:17

HOSI Xikwembu xa n'wina, hi xona xi nga henhla ka swikwembu hinkwaswo, i hosi ya tihosi; hi xona Xikwembu lexikulu xa matimba, lexi chavisekaka; a xi yi hi nghohe, naswona a xi pfumeli ku xaviwa.

Genesa 41:28

Tani hilaha ndzi ku byeleke hakona we hosi Faro, Xikwembu xi ku kombile leswi xi lavaka ku swi endla.

Nhlavutelo 19:17

Kutani ndzi vona ntsumi yi yimile edyambyini. Yi vitana, hi rito leri tlakukeke, tinyanyana hinkwato leti hahaka ehenhla mapapeni, yi ku: “Tanani, mi hlengeletana, mi lalela enkhubyeni lowukulu wa Xikwembu;

Nhlavutelo 4:1

Endzhaku ka sweswo, ndzi langutile, kutani ndzi vona etilweni nyangwa leyi pfulekeke. Kutani rito leri ndzi nga ri twa eku sunguleni ri fana ni nanga loko ri vulavula na mina, ri engeta ri ku: “Tlhandluka u ta haleno, kutani ndzi ta ku komba leswi fanelaka ku humelela endzhaku ka leswi.”

Nhlavutelo 1:19

Hikokwalaho, tsala leswi u swi vonaka, swi nga leswi nga kona sweswi ni leswi nga ta humelela endzhaku ka swona.

Luka 17:20

Vafarisi va vutisa Yesu, va ku: “Xana Mfumo wa Xikwembu wu ta ta rini ke?” Kutani a va hlamula a ku: “Mfumo wa Xikwembu a wu humeleli wu ri karhi wu voniwa hi mahlo;

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.

Matewu 21:24

Yesu a va hlamula, a ku: “Na mina, ndzi ta mi vutisa xivutiso xin'we; loko mi ndzi hlamula xona, hi kona na mina ndzi nga ta mi byela lomu matimba lawa ndzi tirhaka ha wona, ma humaka kona.

Zakariya 12:3

Hi siku rero, muti wa Yerusalema ndzi ta wu endla ribye lero tika; vanhu hinkwavo lava va nga ta ringeta ku ri tlakula, ri ta va tsandza, ri va vavisa swinene. Kutani matiko hinkwawo ya misava ma ta ri hlengela.

Daniele 2:44

“Eminkarhini ya tihosi leti, Xikwembu xa le matilweni xi ta simeka mfumo lowu wu nga ta ka wu nga wisi hi munhu, naswona vuhosi bya wona a byi nga nyikiwi vanhu van'wana. Mfumo lowu wu ta wisetela mimfumo leyin'wana hinkwayo, wu yi herisela makumu; kutani wona wu ta va kona hilaha ku nga heriki.

Daniele 2:24

Hiloko Daniele a ya eka Ariyoka, loyi a a hlawuriwile hi hosi leswaku a ta herisa tintlhari ta le Babilona; kutani a fika a ku ka yena: “U nga tshuki u herisa tintlhari ta laha Babilona, kambe ndzi yise emahlweni ka hosi, leswaku ndzi ya yi hlamusela norho wa yona.”

Pisalema 145:3

HOSI i Xikwembu lexikulu, xi dzuneka ngopfu; vukulu bya xona hi lebyi nga pimekiki.

Pisalema 135:5

Ndza swi tiva hakunene leswaku HOSI i Xikwembu lexikulu, N'wini wa hina ú tlula swikwembu hinkwaswo hi vukulu.

Pisalema 96:4

HOSI Xikwembu i xikulu, xi dzuneka ngopfu, xi fanele ku chaviwa ku tlula swikwembu swin'wana hinkwaswo.

Ntirho 36:26

“Xikwembu i xikulu ngopfu, hi nge xi twisisi; vukhale bya xona a byi pimeki.

Nehemiya 9:32

“We Xikwembu xa hina, u Xikwembu lexikulu xa matimba lexi chavisekaka; u hlayisa ntwanano ni rirhandzu lero tshembeka; hikokwalaho, u nga yi endli leyitsongo, mhaka ya ku tikeriwa hinkwako loku hi veke na kona ku sukela enkarhini wa tihosi ta Asiriya ku ta fika sweswi, hina, ni tihosi ta hina, ni varhangeri va hina, ni vaprista va hina, ni vaprofeta va hina, ni vatata wa hina, ni vanhu va wena hinkwavo.

Nehemiya 4:14

Loko ndzi vona leswaku va chava, ndzi suka ndzi yima ndzi byela varhangeri, ni tindhuna ni vanhu hinkwavo ndzi ku: “Valala va hina, mi nga va chavi; tsundzukani leswaku HOSI Xikwembu xa hina i xikulu, naswona xa chaviseka! Kutani, lwelani vamakwenu, ni vana va n'wina va xinuna ni va xisati, ni vasati va n'wina ni miti ya n'wina.”

1 TIKRONIKA 16:25

HOSI Xikwembu i xikulu, xi dzuneka ngopfu, xi fanele ku chaviwa ku tlula swikwembu swin'wana hinkwaswo.

Daniele 2:28

Kambe ematilweni, ku ni Xikwembu lexi paluxaka swihundla, kutani we hosi Nebukadnetsara, xi ku tivisile leswi nga ta humelela eminkarhini leyi taka. Loko u etlele, u lorhile milorho ni ku vona swivono.

Daniele 2:29

Kutani we hosi, loko u etlele, u terile hi miehleketo ya leswi nga ta humelela eminkarhini leyi taka, hikuva Loyi a paluxaka swihundla, ú ku tivisile swilo swa kona;

Daniele 8:25

Ú ta humelela etindleleni ta yena ta vuxisi, a tikurisa swinene embilwini ya yena, a juma lavo tala a va dlaya; kambe leswi a nga chavangiki ku lwa ni Xikwembu, Mufumi wa vafumi, eku heteleleni ú ta tshoviwa hi xona, ku nga ri hi voko ra munhu.

Genesa 41:26

Tihomu ta mantswele ta 7 leto saseka i malembe ya 7, ni min'woko ya 7 leyo saseka i malembe ya 7; milorho leyi yi vula xilo xin'we.

Pisalema 2:9

U ta ma faya hi nhonga ya nsimbhi, u ma cakanyetela ku fana ni mbita ya vumba.”

Hagayi 2:22

Ndzi ta wisa tihosi eswitshan'wini swa tona; ku nga ri khale, ndzi ta herisa matimba ya mimfumo hinkwayo ya vamatiko. Ndzi ta wisa tigolonyi ta nyimpi ni vachayeri va tona. Vagadi ni tihanci ta vona swi ta wa hi tlhari, va hetana hi xivona.