Daniele 2:44 - BIBELE Mahungu Lamanene

⁴⁴ “Eminkarhini ya tihosi leti, Xikwembu xa le matilweni xi ta simeka mfumo lowu wu nga ta ka wu nga wisi hi munhu, naswona vuhosi bya wona a byi nga nyikiwi vanhu van'wana. Mfumo lowu wu ta wisetela mimfumo leyin'wana hinkwayo, wu yi herisela makumu; kutani wona wu ta va kona hilaha ku nga heriki.

Xitsonga (Bibele)

⁴⁴ Emikarhini ya tihosi leti, Xikwembu xa matilo xi ta pfuxa ku fuma loku nga taka ku nga onhaki, ni siku ni rin'we, kutani vuhosi bya kona byi nga ka byi nga hundzeli eka tiko rin'wana; ku ta seletela ni ku herisa ku fuma kuloku hinkwako kambe kona ku ta va kona hilaha ku nga riki na makumu;

Daniele 2:44 Referans Kwoze

Matewu 28:18

Kutani Yesu a va tshinelela, a vulavula na vona, a ku: “Ndzi nyikiwile vuhosi hinkwabyo etilweni ni la misaveni;

Pisalema 145:13

Vuhosi bya wena i bya minkarhi hinkwayo, u ta va mufumi hilaha ku nga heriki. [Marito hinkwawo ya HOSI Xikwembu ma ni ntiyiso, rirhandzu ra xona ra vonaka emintirhweni ya xona hinkwayo.]

Daniele 6:26

Ndzi lerisa leswaku vanhu hinkwavo etikweni ra mina va khongela ni ku chava Xikwembu xa Daniele, “hikuva hi xona Xikwembu lexi hanyaka, lexi nga ta va kona hilaha ku nga heriki; mfumo wa xona wu nga ka wu nga herisiwi, ni vuhosi bya xona a byi nga vi na makumu.

Mikiya 4:7

Lava lamaleke, va ta va masalela ya mina, lava hlongoriweke, ndzi ta va endla rixaka ra matimba; kutani mina HOSI ndzi ta va mufumi wa vona entshaveni ya Siyoni, ku sukela sweswi ni hilaha ku nga heriki.

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

Daniele 7:27

Matiko hinkwawo ni vukosi bya wona lebyo dzuneka swi ta nyikiwa vahlawuriwa va Loyi a nga henhla-henhla; ku fuma ka vona ku nga ka ku nga heli, matiko hinkwawo ma ta va nkhinsamela ni ku va tirhela.’

Daniele 4:34

Nebukadnetsara a ku: “Loko nkarhi lowu vekiweke wu hundzile, mina Nebukadnetsara ndzi tlakusile mahlo ndzi languta ehenhla, kutani miehleketo ya mina yi vuya, ndzi dzunisa ni ku tlangela ni ku twarisa Loyi a nga henhla-henhla, Loyi a hanyaka hilaha ku nga heriki, ndzi ku: “Vuhosi bya yena a byi na ku hela, ni ku fuma ka yena ku ta va kona hilaha ku nga heriki.

Esaya 60:12

Vanhu va matiko lama alaka ku ku tirhela, va ta herisiwa; matiko walawo ma ta hlaseriwa, ma sala ma ri marhumbi.

Daniele 4:3

“Swikombiso swa xona i swikulu ngopfu, ni mahlori ya xona a hi ku chavisa ka wona! Ku fuma ka xona a ku na ku hela, ni vuhosi bya xona byi ta va kona hilaha ku nga heriki.

Daniele 2:37

We hosi, u hosi leyikulu ku tlula tihosi hinkwato. Xikwembu xa le matilweni xi ku nyikile ku fuma, ni matimba lamakulu, ni ku twala.

Genesa 49:10

Ndzalama ya vuhosi yi nga ka yi nga suki emutini wa Yuda, hambi yi ri nhonga ya vuhosi a yi nga suki emilengeni ya yena, ku kondza n'wini wa swona a humelela, loyi matiko ma nga ta n'wi yingisa.

Daniele 2:28

Kambe ematilweni, ku ni Xikwembu lexi paluxaka swihundla, kutani we hosi Nebukadnetsara, xi ku tivisile leswi nga ta humelela eminkarhini leyi taka. Loko u etlele, u lorhile milorho ni ku vona swivono.

Ezekiele 37:25

Va ta tshama etikweni leri vatata wa vona a va akile eka rona, ri nga tiko leri ndzi ri nyikeke Yakobo nandza wa mina; vona ni vana va vona ni vatukulu va vona va ta tshama eka rona minkarhi hinkwayo, kutani Davhida nandza wa mina ú ta va hosi ya vona hilaha ku nga heriki.

Nhlavutelo 2:27

kutani ú ta ma risa hi nhonga ya nsimbhi, a ma fayetela kukota timbita ta vumba,

Yohane 12:34

Ntshungu wu n'wi hlamula, wu ku: “Hi twile eNawini leswaku Mesiya ú ta hanya hilaha ku nga heriki; u nga vurisa ku yini wena, leswi u nge: ‘N'wana-wa-Munhu ú fanele ku tlakuriwa’ xana? I mani N'wana-wa-Munhu loyi xana?”

Daniele 8:25

Ú ta humelela etindleleni ta yena ta vuxisi, a tikurisa swinene embilwini ya yena, a juma lavo tala a va dlaya; kambe leswi a nga chavangiki ku lwa ni Xikwembu, Mufumi wa vafumi, eku heteleleni ú ta tshoviwa hi xona, ku nga ri hi voko ra munhu.

Daniele 2:34

Kutani loko wa ha langutile, ku phemeka ribye entshaveni ri nga khumbiwanga hi munhu, ri fika ri ba minkondzo ya nsimbhi ni vumba ya xifaniso lexi, kutani minkondzo ya kona yi fayeka.

Vaheveru 12:28

Hikokwalaho, a hi nkhenseni, leswi hi kumeke mfumo lowu nga tsekatsekiki, kutani hi mukhuva lowu, a hi gandzeleni Xikwembu hi ndlela leyi amukelekaka, hi ku titsongahata ni xichavo.

Daniele 2:35

Hiloko nsimbhi ni vumba ni koporo ni silivhere ni nsuku swi fayekela hinkwaswo, swi sileka swi sala swi fana ni mungu exivuyeni; kutani moya wu swi hahisa, swi nyamalala. Kambe ribye leri beke xifaniso, ri kula ri hundzuka ntshava, ri khubumeta misava hinkwayo.

Daniele 2:43

Tani hilaha u voneke nsimbhi yi pfanganyisiwile ni vumba hakona, swi ta va tano eka mfumo lowu: Vanhu va wona va ta tekana, kambe a va nga hlangani hi ku hetiseka, hikuva nsimbhi ni vumba a swi pfangani.

Hagayi 2:7

Ndzi ta tsekatsekisa ni tinxaka hinkwato ta vanhu, kutani mfuwo wa tinxaka leti hinkwato wu ta nghena haleno; ndzi ta tata yindlu ya mina hi rifuwo, ku vula mina HOSI ya matimba hinkwawo.

2 SAMIELE 7:13

Hi yena loyi a nga ta ndzi akela yindlu yo dzunisa vito ra mina, kutani ndzi ta tiyisa mfumo wa yena hilaha ku nga heriki.

2 SAMIELE 7:16

“ ‘Naswona, ndyangu wa wena ni vuhosi bya wena swi ta tiya hilaha ku nga heriki emahlweni ka mina, kutani vatukulu va wena va ta fuma hilaha ku nga heriki.’ ”

Daniele 6:27

Xikwembu lexi xa ponisa ni ku lamulela, xi endla swikombiso ni mahlori etilweni ni la misaveni; hi xona xi lamuleleke Daniele etinghaleni ta matimba.”

Hagayi 2:22

Ndzi ta wisa tihosi eswitshan'wini swa tona; ku nga ri khale, ndzi ta herisa matimba ya mimfumo hinkwayo ya vamatiko. Ndzi ta wisa tigolonyi ta nyimpi ni vachayeri va tona. Vagadi ni tihanci ta vona swi ta wa hi tlhari, va hetana hi xivona.