Daniele 2:40 - BIBELE Mahungu Lamanene

⁴⁰ Ka ha ta nghena ni mfumo wa vumune, lowu tiyeke ku fana ni nsimbhi. Wu ta fayetela ni ku sila mimfumo leyi hinkwayo, ku fana ni nsimbhi leyi fayetelaka hinkwaswo ku nga ha sali nchumu.

Xitsonga (Bibele)

⁴⁰ Kutani ku fuma ka vumune ku ta va ni matimba kukotisa nsimbhi; kukotisa nsimbhi loko yi tshovelela, yi fayetela swilo hinkwaswo; hi sweswo u ta kotisa nsimbhi leyi fayaka, u ta tshovelela ni ku fayetela hinkwaswo.

Daniele 2:40 Referans Kwoze

Daniele 7:7

Ndzi tlhela ndzi vona xivono nivusiku, ndzi kombiwa xivandzana xa vumune. Xona a xi tiyile ku tlula mpimo, naswona a xi chavisa ngopfu. A xi ri ni meno lamakulu ya nsimbhi, xi kota ku handzulela ni ku tshovelela, xi tlhela xi kandziyela hi milenge leswi saleke. A xi hambanile ni swivandzana leswin'wana, xi ri ni timhondzo ta khume.

Yohane 11:48

Loko hi n'wi tshikisa sweswo, hinkwavo va ta pfumela ka yena, kutani Varhoma va ta ta va ta lovisa ndhawu leyi ya hina, ni ku hi heta hi rixaka.”

Amosi 1:3

HOSI yi vurisa sweswo yi ri: “Ndzi nga ka ndzi nga tshiki ku ba vanhu va muti wa Damaska, hikuva va dyoha va vuyelela-vuyelela: Va xanisile vaaki va muti wa Giliyadi hi ku va handzulela hi tihariki ta nsimbhi.

Daniele 9:26

Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Daniele 8:24

Munhu loyi ú ta va nhenha leyo chavisa (kambe ku nga ri hi matimba ya yena n'winyi), kutani hinkwako ú ta vanga mpfilumpfilu. Eka hinkwaswo leswi a nga ta swi endla, ú ta humelela; ú ta dlayetela tinhenha tin'wana, a dlaya ni vahlawuriwa va Xikwembu.

Daniele 2:33

Milenge ya xona a yi ri ya nsimbhi, minkondzo yona a yi ri ya nsimbhi leyi pfanganyisiweke ni vumba.

Yeremiya 15:12

Xana munhu ntsena a nga tshova nsimbhi, yona nsimbhi ya le n'walungwini leyi pfanganyisiweke na koporo xana?”

Ntirho 9:17

Xikwembu xi ndzi vutla hi xihuhuri, xi ndzi boxetela ni timbanga, ndzi nga onhanga nchumu!

Daniele 2:39

Endzhaku ka mfumo wa wena, ku ta nghena mfumo lowuntshwa lowu nga ta va hansinyana eka lowa wena. Loko ku hundzile nkarhi, ku ta humelela mfumo wun'wana wa vunharhu, lowu fanisiwaka hi koporo, wona wu ta eneta misava hinkwayo.

Daniele 2:41

U vonile ni minkondzo ni swikunwana swa nsimbhi yo pfanganyisiwa ni vumba; leswi swi vula leswaku mfumo lowu wa vumune wu ta va wu avanile, kambe wa ha ta va ni matimbanyana, hilaha u voneke nsimbhi yi pfanganyisiwile ni vumba.