Daniele 2:39 - BIBELE Mahungu Lamanene

³⁹ Endzhaku ka mfumo wa wena, ku ta nghena mfumo lowuntshwa lowu nga ta va hansinyana eka lowa wena. Loko ku hundzile nkarhi, ku ta humelela mfumo wun'wana wa vunharhu, lowu fanisiwaka hi koporo, wona wu ta eneta misava hinkwayo.

Xitsonga (Bibele)

³⁹ Endzhaku ka wena, ku ta humelela ku fuma kun'wana, lokutsongo ka wena; kutani ku ta va ni kun'wana ka vunharhu, loka koporo, loku nga ta fuma emisaveni hinkwayo.

Daniele 2:39 Referans Kwoze

Daniele 2:32

Nhloko ya xona a yi ri ya nsuku lowo tenga, xifuva ni mavoko ya xona swi ri swa silivhere, khwiri ni tinyonga ta xona swi ri swa koporo.

Esaya 44:28

Hi tlhelo ra Korexe, ndzi ri: ‘I murisi wa ntlhambi wa mina, hinkwaswo leswi ndzi swi lavaka, ú ta swi endla: Ú ta lerisa leswaku muti wa Yerusalema wu pfuxiwa, ni leswaku masungulo ya Tempele ma akiwa hi vuntshwa.’ ”

Daniele 10:20

Hiloko a ndzi vutisa a ku: ‘Xana wa swi tiva leswaku ndzi tele yini eka wena xana? Ndzi tile ku ta ku tivisa leswi tsariweke eka Buku ya Ntiyiso. Hambiswiritano ndza ha fanele ku ya lwa ni ntsumi leyi yimelaka Vaperesi, kutani loko ndzi yi hlurile, ka ha ta humelela ntsumi yin'wana leyi yimelaka Vagriki. A ndzi na museketeri etinyimpini leti, loko a nga ri yena Mikaele, ntsumi leyi yi yimelaka n'wina Vaisraele.

Daniele 8:20

Nyimpfu ya khuna leyi u yi voneke yi ri ni timhondzo timbirhi, swi vula mimfumo ya Vameda ni Vaperesi.

Zakariya 6:6

Kalichi leyi nga ni tihanci ta ntima yi kongoma etikweni ra le n'walungwini; leyi nga ni tihanci to basa, yi landza leyo sungula hi le ndzhaku; leyi nga ni tihanci ta mavalavala yona yi kongoma edzongeni.”

Zakariya 6:3

leya vunharhu hi tihanci to basa, kutani leya vumune a yi kokiwa hi tihanci ta mavalavala.

Daniele 7:23

“Kutani ndzi hlamuseriwa na leswi: ‘Xivandzana lexa vumune xi komba mfumo wa vumune emisaveni, lowu nga ta hambana ni mimfumo leyin'wana hinkwayo; wu ta mitetela matiko hinkwawo, wu ma kandziyela ni ku ma fayetela.

Daniele 2:38

Etindhawini hinkwato, xi ku nyikile vanhu ni swiharhi ni tinyanyana: Hi wena mufumi wa swilo leswi hinkwaswo. Nhloko leya nsuku, yi vula wena.

Daniele 2:40

Ka ha ta nghena ni mfumo wa vumune, lowu tiyeke ku fana ni nsimbhi. Wu ta fayetela ni ku sila mimfumo leyi hinkwayo, ku fana ni nsimbhi leyi fayetelaka hinkwaswo ku nga ha sali nchumu.

Daniele 8:21

Xiphongho xona i mfumo wa Vagriki, kutani rimhondzo lerikulu emombyeni wa xona, i hosi ya kona yo sungula.