Daniele 2:38 - BIBELE Mahungu Lamanene

³⁸ Etindhawini hinkwato, xi ku nyikile vanhu ni swiharhi ni tinyanyana: Hi wena mufumi wa swilo leswi hinkwaswo. Nhloko leya nsuku, yi vula wena.

Xitsonga (Bibele)

³⁸ kutani hinkwako laha vana va vanhu, ni swiharhi swa nhova, ni tinyanyana ta le tilweni, va tiakeleke kona, xi va vekile emavokweni ya wena, xi ku endle hosi ya vona hinkwavo: Nhloko ya nsuku, hi wena.

Daniele 2:38 Referans Kwoze

Yeremiya 34:1

Siku rin'wana, Nebukadnetsara hosi ya Babilona a ta ni mavuthu ya yena hinkwawo ku ta hlasela muti wa Yerusalema, ni miti leyi nga kusuhi na wona; naswona a ta ni mavuthu ya matiko hinkwawo lama nga hansi ka yena. Kutani Yeremiya a rhwexiwa rito hi HOSI Xikwembu:

Daniele 1:2

Kutani HOSI Xikwembu xi nyiketa Yoyakimi hosi ya Yuda emavokweni ya Nebukadnetsara, xi nyiketa ni swibya swin'wana swa le Tempeleni emavokweni ya yena. Kutani Nebukadnetsara a ya na swona etikweni ra Xinara, a fika a swi nghenisa endlwini ya swikwembu swa yena, laha nhundzu ya swona yi hlayisiwaka kona.

Daniele 2:32

Nhloko ya xona a yi ri ya nsuku lowo tenga, xifuva ni mavoko ya xona swi ri swa silivhere, khwiri ni tinyonga ta xona swi ri swa koporo.

Daniele 2:39

Endzhaku ka mfumo wa wena, ku ta nghena mfumo lowuntshwa lowu nga ta va hansinyana eka lowa wena. Loko ku hundzile nkarhi, ku ta humelela mfumo wun'wana wa vunharhu, lowu fanisiwaka hi koporo, wona wu ta eneta misava hinkwayo.

Daniele 5:18

We hosi, Xikwembu xa le henhla-henhla xi nyikile Nebukadnetsara vuhosi ni vukulukumba ni ku dzuneka loku hlamarisaka.

Daniele 4:18

Lowu hi wona norho lowu ndzi wu lorheke mina hosi Nebukadnetsara. Kutani wena Beltexatsara ndzi hlamusele leswi wu vulaka swona, hikuva tintlhari hinkwato ta tiko ra mina ti tsandzekile. Kambe wena u nga swi kota, hikuva moya wa swikwembu leswo hlawuleka wu le henhla ka wena.”

Daniele 7:4

Lexo sungula a xi fana ni nghala, kambe a xi ri ni timpapa ku fana ni gama. Kuteloko ndza ha langutile, timpapa ta xona ti hluviwa, kutani xi tlakusiwa, xi yimisiwa emisaveni hi milenge mimbirhi kukota munhu, kutani xi nyikiwa miehleketo ya vanhu.