Daniele 2:34 - BIBELE Mahungu Lamanene

³⁴ Kutani loko wa ha langutile, ku phemeka ribye entshaveni ri nga khumbiwanga hi munhu, ri fika ri ba minkondzo ya nsimbhi ni vumba ya xifaniso lexi, kutani minkondzo ya kona yi fayeka.

Xitsonga (Bibele)

³⁴ Loko u ri karhi u langutisisa, ribye leri phemekeke, ku nga ri hi mavoko ya munhu, ri hima xifaniso emilengeni ya xona ya nsimbhi ni vumba, ri yi faya.

Daniele 2:34 Referans Kwoze

Daniele 8:25

Ú ta humelela etindleleni ta yena ta vuxisi, a tikurisa swinene embilwini ya yena, a juma lavo tala a va dlaya; kambe leswi a nga chavangiki ku lwa ni Xikwembu, Mufumi wa vafumi, eku heteleleni ú ta tshoviwa hi xona, ku nga ri hi voko ra munhu.

Zakariya 12:3

Hi siku rero, muti wa Yerusalema ndzi ta wu endla ribye lero tika; vanhu hinkwavo lava va nga ta ringeta ku ri tlakula, ri ta va tsandza, ri va vavisa swinene. Kutani matiko hinkwawo ya misava ma ta ri hlengela.

Esaya 60:12

Vanhu va matiko lama alaka ku ku tirhela, va ta herisiwa; matiko walawo ma ta hlaseriwa, ma sala ma ri marhumbi.

2 Vakorinto 5:1

Ha swi tiva leswaku, loko ntsonga lowu hi nga eka wona, wu nga miri wa hina wa la misaveni, wu onhaka, hi ni vuako lebyi Xikwembu xi hi lunghiseleke byona, yi nga yindlu leyi nga akiwangiki hi mavoko, leyi nga heriki, ya le matilweni.

Zakariya 4:6

Hiloko ntsumi yi ndzi lerisa ku ya byela Zerubabele rito ra HOSI Xikwembu leri nge: “Entirhweni wa wena, a wu nga humeleli hi vunhenha kumbe hi ku tirhisa matimba, kambe u ta humelela ntsena hi ku pfuniwa hi Moya wa mina. Ndzi vula sweswo, mina HOSI ya matimba hinkwawo.

Daniele 7:27

Matiko hinkwawo ni vukosi bya wona lebyo dzuneka swi ta nyikiwa vahlawuriwa va Loyi a nga henhla-henhla; ku fuma ka vona ku nga ka ku nga heli, matiko hinkwawo ma ta va nkhinsamela ni ku va tirhela.’

Esaya 28:16

Kambe HOSI N'wini wa hinkwaswo ú vurisa sweswo, ú ri: “Vonani, ndzi le ku vekeni ka masungulo lama tiyeke emutini wa Siyoni, ri nga ribye ra yinhla leri sasekeke. Loyi a tiseketelaka ha rona, a nga ka a nga tsekatseki.

1 Petro 2:7

Hikokwalaho, eka n'wina mi pfumelaka, i ra nkoka, kambe eka lava nga pfumeriki, “Ribye leri vaaki va nga ri nyenya, hi rona ri nga endliwa ribye lerikulu ra yinhla.”

Matewu 16:18

Kwalaho ndzi ri ka wena: U ‘Petro’, kutani ehenhla ka ribye reri, ndzi ta aka kereke ya mina; kutani hambi wu ri ntamu wa rifu wu nga ka wu nga yi hluri.

Pisalema 118:22

Ribye leri nyenyiweke hi vaaki, ri hundzukile ribye lerikulu ra yinhla.

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi, ni Mufumi wa vafumi; ni malandza ya xona lama vitaniweke, lama hlawuriweke ni lama tshembekaka, xi ta ma nyika ku hlula.”

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

Vaheveru 9:24

Hikuva Kriste a nga nghenanga exivandleni lexo hlawuleka xo endliwa hi mavoko, lexi ngo va xifaniso ntsena xa lexa xiviri, kambe ú nghenile etilweni hi koxe, a ta humelela sweswi emahlweni ka Xikwembu ku hi yimela.

Timhaka 4:11

Hi yena la nga “ ‘ribye leri n'wina vaaki mi nga ri nyenya, leri kambe ri endliweke ribye lerikulu ra yinhla.’

Yohane 1:13

lava tswariweke, ku nga ri hi ndlela ya ntumbuluko, ku nga ri hi ku navela ka miri, ku nga ri hi ku rhandza ka wanuna, kambe ku ri hi Xikwembu.

Esaya 8:9

Rhurhumelani n'wina vamatiko mi hela ntamu, rhiyani ndleve n'wina hinkwenu vaaki va matiko ya le kule. Hlomani matlhari, kambe mi ta hela ntamu, ina, ntamu wa n'wina wu ta hela mi hlomile matlhari.

Daniele 2:33

Milenge ya xona a yi ri ya nsimbhi, minkondzo yona a yi ri ya nsimbhi leyi pfanganyisiweke ni vumba.

Ezekiele 32:28

Wena Egipta, u ta dlawa u latiwa ni lava soleka, vona lava dlayiweke hi fumu.

Ezekiele 47:5

A tlhela a pima 500 m, kutani ndzi kuma leswaku mati a ma hundzukile nambu lowu ndzi tsandzekaka ku wu pela, hikuva a wu tele ngopfu; munhu loyi a lavaka ku wu pela, a a fanele ku hlambela kunene!