Daniele 2:25 - BIBELE Mahungu Lamanene

²⁵ Kutani Ariyoka a hatlisa a yisa Daniele emahlweni ka hosi, a fika a ku: “We hosi, ndzi kumile munhu un'wana exikarhi ka mahlonga lama humaka etikweni ra Yuda, loyi a nga ku hlamuselaka norho wa wena.”

Xitsonga (Bibele)

²⁵ Kavaloko Ariyoka a hatlisa a yisa Daniele emahlweni ka hosi, a ku eka yona: “Ndzi kumile munhu exikarhi ka vakhomiwa va Yuda, la nga ta tivisa hosi nhlamuselo ya norho.”

Daniele 2:25 Referans Kwoze

Daniele 6:13

Kutani va hlambanya emahlweni ka hosi, va ku: “Un'wana wa vabohiwa lava humaka etikweni ra Yuda, loyi va nge i Daniele, a nga ku yingisi we hosi, hambi nawu lowu u wu fungheke, yena a nga na mhaka na wona; ú ya emahlweni a khongela Xikwembu xa yena kanharhu hi siku!”

Daniele 5:13

Kutani Daniele a yisiwa emahlweni ka hosi Belxatsara. Hosi yi ku ka yena: “Xana hi wena Daniele, un'wana wa vabohiwa lava hosi tata wa mina a va khomeke etikweni ra Yuda a vuya na vona xana?

Daniele 1:6

Exikarhi ka vona a ku ri ni vanhu lava humaka eYuda, va nga Daniele, na Hananiya, na Mixaele, na Azariya.

Eklesiasta 9:10

Xin'wana ni xin'wana lexi u xi endlaka, tinyikete eka xona hi ntamu, hikuva exivandleni xa vafi lexi u yaka eka xona, a ku tirhiwi, a ku ehleketiwi, ku hava vutlhari ni vutivi.

Swivuriso 24:11

Ponisa lava yisiwaka eku dlayiweni, ni lava dlidlimbeteriwaka kona, va lamulele.

Nehemiya 7:6

Vanhu lava Nebukadnetsara hosi ya Babilona a va khomeke a va yisa evukhumbini, va sukile exifundzheni lexi a va tshama eka xona va tlhelela eYerusalema, un'wana na un'wana a kongoma emutini wa yena.

Genesa 41:14

Kutani Faro a rhuma vanhu va ya vitana Yosefa ekhotsweni, va vuya na yena hi ku hatlisa. Kuteloko Yosefa a hetile ku byewula nhloko ni loko a ambarile swiambalo swin'wana, a ya emahlweni ka Faro.