Daniele 2:23 - BIBELE Mahungu Lamanene

²³ We Xikwembu xa vatata wa hina, ndza ku nkhensa ni ku ku dzunisa, hikuva u ndzi nyikile vutlhari ni matimba; leswi hi nga swi kombela eka wena, u ndzi paluxerile swona, mhaka ya hosi, u hi tivisile yona.”

Xitsonga (Bibele)

²³ Hi wena, Xikwembu xa vatata wa mina, loyi ndzi ku vongaka, ndzi ku dzunisaka hikuva u ndzi nyikile vutlhari ni matimba, u vuya u ndzi kombisa leswi hi swi kombeleke eka wena; hikuva u hi kombisile mhaka ya hosi.”

Daniele 2:23 Referans Kwoze

Daniele 2:18

A va byela ku khongela, va kombela Xikwembu leswaku xi va twela vusiwana, xi va boxela xihundla lexi, va ta ka va nga herisiwi kun'we ni tintlhari ta le Babilona.

Eksoda 3:15

Xikwembu xi tlhela xi ku ka Muxe: “U ta byela vanhu va Israele, u ku: ‘HOSI, Xikwembu xa vatata wa n'wina, xi nga Xikwembu xa Abrahama, na Isaka, na Yakobo, xi ndzi rhumile eka n'wina.’ Leri hi rona vito ra mina hilaha ku nga heriki, kutani ndzi ta vitaniwa hi rona eka hinkwavo lava nga ta velekiwa.

Luka 10:21

Enkarhini wolowo Moya lowo Kwetsima wu n'wi tshukatshukisa hi ku tsaka, a ku: “Ndza ku nkhensa Tatana, Hosi ya tilo ni misava, hikuva timhaka leti, u ti fihlele lavo tlhariha ni lava mano, kambe u ti pfuletele lavatsongo. Ina, Tatana, u swi lavise sweswo.

Matewu 11:25

Enkarhini wolowo Yesu a vulavula a ku: “Ndza ku nkhensa Tatana, Hosi ya tilo ni misava, hikuva timhaka teto, u ti fihlele lavo tlhariha ni lava mano, kambe u ti hlavutele eka lavatsongo.

Amosi 3:7

Tivani leswaku HOSI N'wini wa hinkwaswo, a nga endli nchumu a nga rhanganga hi ku kombisa makungu ya yena eka vaprofeta malandza ya yena.

Daniele 1:17

Xikwembu xi nyika majaha lawa ya mune evutivi ni vutlhari, ni ku tiva matsalwa hinkwawo; Daniele yena a a twisisa swivono hinkwaswo ni milorho hinkwayo.

Esaya 12:1

Eminkarhini yoleyo, munhu ú ta yimbelela a ku: “Ndza ku tlangela, we HOSI, hikuva hambileswi a wu ndzi hlundzukerile, sweswi vukari bya wena byi rhelerile, u tlhela u ndzi khongotela.

Pisalema 50:14

Ndzi humeseleni magandzelo ya ku nkhensa, hi hetisisa leswi mi tiboheke ku ndzi endlela swona, mina la nge henhla-henhla.

Pisalema 25:14

HOSI Xikwembu i nakulobye wa lava va xi chavaka, xi va tivisa leswi ntwanano wa xona wu lavaka swona.

Nhlavutelo 5:5

Hiloko un'wana wa vakulukumba a ku ka mina: “U nga rili. Vona, nghala ya rixaka ra Yuda, rimitsu ra Davhida, yi hlurile, hikokwalaho ya swi kota ku lemula swilemo swa 7 yi pfula buku.”

Nhlavutelo 1:1

Leyi i nhlavutelo ya Yesu Kriste, leyi Xikwembu xi n'wi nyikeke yona, leswaku a ta komba malandza ya xona swilo leswi swi fanelaka ku humelela ku nga ri khale. Kriste ú tivisile swilo leswi hi ku rhumela ntsumi ya yena eka Yohane nandza wa yena.

Yohane 11:41

Kavaloko va susa ribye, kutani Yesu a languta henhla, a ku: “Tatana, ndza ku nkhensa, hikuva u ndzi yingisile.

Eklesiasta 9:18

Vutlhari byi tlula matlhari hakunene! Mudyohi un'we a nga onha swilo swo tala leswinene.

Eklesiasta 7:19

Munhu wo tlhariha ú sirheleriwa hi vutlhari byakwe, ku tlula muti wo lweriwa hi khume ra mavuthu.

Swivuriso 24:5

Munhu wo tlhariha ú tiyile ku tlula munhu wa matimba, ni munhu wa vutivi ú tlula loyi a nga ni ntamu.

Swivuriso 21:22

Munhu la tlhariheke, ú kota ku khandziya rirhangu, a nghena emutini wa vanhu va matimba, kutani a mbundzumuxa makhokholo lawa va ma tshembaka.

Swivuriso 8:14

Ndzi ni switsundzuxo ni mianakanyo leyinene, ku twisisa ni matimba i swa mina.

2 TIKRONIKA 20:6

a khongela a ku: “We HOSI, Xikwembu xa vatata wa hina, hi wena Xikwembu xa le matilweni! Xana a hi wena u fumaka mimfumo hinkwayo laha misaveni ke? Ina, u ni matimba hinkwawo, ku hava loyi a nga lwaka na wena.

1 TIKRONIKA 29:13

Hikokwalaho ha ku tlangela we Xikwembu xa hina, hi twarisa vito ra wena lero saseka!”

1 TIKRONIKA 29:10

Kutani Davhida a tlangela HOSI Xikwembu emahlweni ka nhlengeletano hinkwayo, a ku: “We HOSI, Xikwembu xa tata wa hina Yakobo, u fanele ku tlangeriwa minkarhi hinkwayo.

1 TIHOSI 18:36

Enkarhini wa magandzelo ya xinakulobye nindzhenga, muprofeta Eliya a tshinelela alitari, a ku: “We HOSI, Xikwembu xa Abrahama ni xa Isaka ni xa Yakobo, a swi tiveke namuntlha leswaku hi wena la nga Xikwembu etikweni ra Israele, ni leswaku ndzi nandza wa wena, ni leswaku ndzi endlile hinkwaswo leswi hi ku lerisiwa hi wena.

1 TIHOSI 8:57

HOSI Xikwembu xa hina a xi ve na hina, hilaha xi tshameke ni vatata wa hina hakona. Xi nga hi tshiki kumbe ku hi cukumeta.

Genesa 18:17

Kutani HOSI Xikwembu xi tivutisa xi ku: “Xana ndzi nga fihlela Abrahama leswi ndzi lavaka ku swi endla xana?

Yohane 15:15

A ndza ha mi vuri malandza, hikuva nandza a nga tivi lexi n'wini wa yena a xi endlaka; kambe ndzi mi vurile vanakulorhi, hikuva ndzi mi tivisile hinkwaswo leswi ndzi swi tweke eka Tata wa mina.

Eklesiasta 9:16

Hambiswiritano, mina ndzi ri, tintlhari ti tlula tinhenha, hambileswi vutlhari bya xisiwana byi soriweke ni marito ya xona ma rivariweke!

Genesa 31:42

Loko Xikwembu xa tatana, xona Xikwembu xa Abrahama lexi Isaka a xi chavaka, a xi nga yimanga na mina, wena a wu ta va u ndzi hlongorile ndzi suka eka wena ndzi nga ri na nchumu. Xikwembu xi vonile ku xaniseka ka mina, ni leswi a ndzi tirha swona eka wena, kutani vusiku bya tolo xi ku tshinya.”

Pisalema 21:2

Leswi a a swi navela, u n'wi nyikile, u wu n'wi tsonanga leswi a swi kombeleke.

Pisalema 21:4

Ú komberile vutomi eka wena, kutani u n'wi nyikile, u n'wi andzisele ni masiku ya ku hanya.

Yeremiya 33:3

‘Ndzi huweleleni, kutani ndzi ta mi hlamula, ndzi mi komba swilo leswikulu leswi tumbeleke, leswi ni ku swi tiva mi nga swi tiviki.