Daniele 2:22 - BIBELE Mahungu Lamanene

²² xi paluxa swilo hinkwaswo leswi nga xihundleni; hi xona xi tivaka leswi nga xinyamini, hikuva laha xi nga kona, ku lo nghéé!

Xitsonga (Bibele)

²² Hi xona lexi hlavutelaka leswi enteke ni swihundla; xi tivisisa leswi nga emunyameni; ku vonakala ku akile eka xona.

Daniele 2:22 Referans Kwoze

Ntirho 12:22

Xi paluxa leswi nga ndzeni ka swidziva leswikulu, laha a ku ri ni xinyami xo chavisa, xi tisa ku vonakala.

1 Yohane 1:5

Mahungu lawa hi ma tweke eka N'wana, lawa hi mi tivisaka wona, hi lawa: Hileswaku Xikwembu i ku vonakala, kutani eka xona ku hava munyama nikutsongo.

Yakobo 1:17

Nyiko yin'wana ni yin'wana leyo saseka ni minkateko hinkwayo leyi hetisekeke, swi ta hi le henhla, swi xika hi le ka Muvumbi wa leswi voningaka, loyi ku nga hava ku hundzuka-hundzuka eka yena, kumbe ku fularhela munhu a sala exinyamini.

Vaheveru 4:13

Emahlweni ka Xikwembu, ku hava ni xivumbiwa ni xin'we lexi tumbeleke. Hinkwaswo swi lo tlàngàndlà, erivaleni, emahlweni ka Loyi hi fanelaka ku tihlamulela eka yena.

Yeremiya 23:24

Ku hava ndhawu leyi munhu a nga tumbelaka eka yona leswaku ndzi nga n'wi voni, hikuva hinkwako ematilweni ni la misaveni, ndzi kona. Ndzi vula sweswo mina HOSI.

Pisalema 25:14

HOSI Xikwembu i nakulobye wa lava va xi chavaka, xi va tivisa leswi ntwanano wa xona wu lavaka swona.

1 Timotiya 6:16

Hi yena ntsena la nga riki na ku fa, loyi a akeke eku vonakaleni loku nga tshinelelekiki; ku hava munhu ni un'we loyi a tshamaka a n'wi vona, kumbe loyi a kotaka ku n'wi vona. Eka yena a ku ve ku chaviseka ni ku fuma, hilaha ku nga heriki. Amen.

Daniele 5:11

Laha tikweni ra wena ú kona munhu un'wana loyi a nga ni moya wa swikwembu leswo hlawuleka. Enkarhini wa hosi Nebukadnetsara tata wa wena, munhu loyi a a vekiwile ku va ndhuna ya vangoma ni vavhumbhi ni Vakalediya ni lava tivaka tinyeleti, hikuva ú kumeke a ri ni vutivi ni ku twisisa, ni vutlhari lebyi fanaka ni bya swikwembu.

Pisalema 36:9

hikuva hi wena u nga xihlovo lexi xi hi nyikaka vutomi, kutani hi voningiwa hi ku vonakala ka wena.

Daniele 2:11

Leswi hosi yi kombelaka swona swa tika. A ku na munhu la nga kotaka ku hlamusela hosi, loko swi nga ri swikwembu, kambe swona a swi tshami na vanhu.”

Esaya 45:7

Hi mina ndzi tisaka ku vonakala, ndzi vanga ni xinyami, ndzi tisa minkateko, ndzi vanga ni mahlomulo, leswi hinkwaswo swi endliwa hi mina HOSI.

Vaefesa 3:5

Eminkarhini leyi hundzeke, vanhu a va byeriwanga xihundla xexo hi ndlela leyi Moya wu nga xi hlavutela ha yona sweswi, eka vaapostola va Xikwembu lavo hlawuleka ni ka vaprofeta.

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Yohane 21:17

A engeta ra vunharhu a ku ka yena: “Simoni, n'wana Yohane, xana wa ndzi rhandza xana?” Petro a khomiwa hi gome, hi mhaka ya leswi a n'wi vutiseke ra vunharhu a ku: “Xana wa ndzi rhandza xana?” Kutani a ku ka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku ka Petro: “Risa tinyimpfu ta mina.

Esaya 41:22

Tanani mi ta hi byela leswi nga ta humelela; hi byeleni leswi nga tshama swi humelela, ni leswaku a swi vula yini, hi ta kota ku swi twisisa, hi tiva ni leswi swi heriseke xiswona; vhumbhani ni leswi nga ta humelela eminkarhini leyi taka.

Pisalema 104:2

Ku vonakala i xifunengelo xa wena; u vambile matilo ku fana ni tende.

Ntirho 26:6

hikuva emahlweni ka Xikwembu, xivandla xa vafi xi tshama xi pfulekile, ku hava xo sirhelela khele ra lava loveke.

Yohane 8:12

Kutani Yesu a engeta a vulavula na vona, a ku: “Hi mina ku vonakala ka misava; loyi a ndzi landzelelaka a nga ka a nga fambi emunyameni ni siku ni rin'we, kambe ú ta va ni ku vonakala ka vutomi.”

Yohane 1:9

Ku vonakala ka xiviri loku voningaka munhu un'wana ni un'wana, a ku ri endleleni ku ta emisaveni.

Matewu 13:13

Leswi endlaka leswaku ndzi vulavula na vona hi swifaniso, i mhaka ya leswaku va vona kambe a va voni, va twa kambe a va twi, ni ku twisisa a va twisisi.

Daniele 5:14

Ndzi twile leswaku moya wa swikwembu leswo hlawuleka wu le ka wena, ni leswaku u ni vutivi ni ku twisisa ni vutlhari lebyo hlamarisa.

Esaya 42:9

Vona, leswa khale swi hundzile, sweswi ndzi lava ku tisa leswintshwa; ndzi ku tivisa swona swi nga si humelela.”

Esaya 41:26

Xana exikarhi ka swikwembu swa vamatiko, xi kona lexi vhumbheke timhaka leti xana, leswaku hi ta ku: ‘A xi nga hembi!’? Ku hava lexi vhumbheke kumbe ku tivisa nchumu, a ku na munhu loyi a tshamaka a swi twa swi vulavula.

Genesa 41:16

Yosefa a ku ka Faro: “We hosi Faro, a hi mina ndzi nga ta ku nyika nhlamuselo yo twala, kambe i Xikwembu.”

Daniele 2:19

Kutani nivusiku, Daniele a paluxeriwa xihundla xa kona hi xivono; hiloko a dzunisa Xikwembu xa le matilweni,

Daniele 2:47

Kutani hosi Nebukadnetsara a ku ka Daniele: “Hakunene, Xikwembu xa wena, hi xona Xikwembu xa swikwembu ni Hosi ya tihosi; hi xona xi paluxaka swihundla, hikuva wena u kotile ku hlamusela leswi a swi ndzi tumbelerile.”

Duteronoma 29:28

Kutani eku hlundzukeni ka xona lokukulu, HOSI Xikwembu xi rhurhisile vanhu lava, xi va rhumela etikweni rin'wana, hilaha swi nga hakona ni namuntlha.’

Eklesiasta 8:1

Xana i mani la fanaka ni ntlhari, i mani la tivaka ku hlamusela timhaka ke? Munhu la tlhariheke, wa n'wayitela, nghohe ya yena a yi na minkonya.

Yeremiya 33:3

‘Ndzi huweleleni, kutani ndzi ta mi hlamula, ndzi mi komba swilo leswikulu leswi tumbeleke, leswi ni ku swi tiva mi nga swi tiviki.