Daniele 2:2 - BIBELE Mahungu Lamanene

² Kutani Nebukadnetsara a lerisa leswaku ku hlengeletiwa vangoma, ni vavhumbhi, ni vanyamusoro, ni Vakalediya, va ta entsindza ku ta n'wi hlamusela norho wa yena. Hiloko va ta va ta yima emahlweni ka yena.

Xitsonga (Bibele)

² Kutani hosi yi lerisa leswaku ku rhambiwa tintlhari, ni vabvumbi, ni vangoma, ni Vakalediya, va ta hlamusela hosi ku lorha ka yona. Kavaloko va ta, va yima emahlweni ka hosi.

Daniele 2:2 Referans Kwoze

Daniele 1:20

Etimhakeni hinkwato leti lavaka vutlhari ni ku twisisa, hosi a yi vutisa vona, kutani yi kuma leswaku va tlula swinene vangoma ni vavhumbhi hinkwavo lava a va ri kona etikweni ra yona.

Daniele 4:6

Hiloko ndzi veka nawu lowu nge, tintlhari hinkwato ta Babilona, ti fanele ku ta eka mina, ti ta ndzi hlamusela leswi norho lowu wu vulaka swona.

Eksoda 7:11

Kwalaho Faro a vitana tintlhari ni vangoma va tiko, kutani vaendli lava va mahlori va tiko ra Egipta na vona va endla swo fana ni swa Aroni, hi migilo-gilo ya vona.

Genesa 41:8

Nimixo hosi Faro a a karhateka emoyeni, kutani a rhuma vanhu va ya vitana vangoma hinkwavo va tiko ra Egipta ni tintlhari ta rona hinkwato. Loko Faro a va rungulerile norho wa yena, a ku vanga na un'we exikarhi ka vona loyi a koteke ku n'wi byela nhlamuselo ya kona.

Daniele 5:7

Kutani Belxatsara a huwelela vavhumbhi ni Vakalediya ni lava tivaka tinyeleti, a byela tintlhari leti ta Babilona, a ku: “Loyi a nga ta hlaya leswi tsariweke laha khumbini, a tlhela a ndzi hlamusela swona, ndzi ta n'wi ambexa xiambalo xa xivunguvungu, ndzi n'wi ambexa ni vuhlalu bya nsuku enhan'wini, kutani ndzi n'wi veka ku va ndhunankulu etikweni ra mina.”

Daniele 2:10

Vakalediya va hlamula hosi va ku: “Ku hava munhu laha misaveni, loyi a nga boxaka leswi hosi yi swi kombelaka; hambi ti ri tihosi letikulu ta matimba, a ti si tshama ti lava swilo swo tano eka vangoma, kumbe vavhumbhi, kumbe Vakalediya.

Esaya 19:3

Vaegipta va ta helela hi vutlhari bya vona, makungu ya vona ndzi ta ma pfilunganya, va ta ya vutisa timhaka eka swifaniso swa swikwembu ni le ka vanyamusoro, eka lava nga ni swikwembu, ni le ka swingomantanda.

Esaya 8:19

Van'wana va ta mi kucetela ku ya eka lava nga ni swikwembu ni le ka swingomantanda leswi vulavulaka hi ku hlevetela, swi n'unun'uta kunene. Kambe xana loko Vaisraele va ri ni mhaka, a va nga fanelanga ku ya vutisa eka Xikwembu xa vona xana? Xana va nga vutisa eka lava feke etimhaka ta lava hanyaka xana?

Estere 1:13

Matirhele ya hosi a ma ri lawa: A yi toloverile ku vutisa vavanuna lava tivaka nawu ni maavanyisele ya timhaka.

Daniele 1:4

A va fanele ku va lavantshwa lava hetisekeke, va tinghohe to saseka, lava teleke vutlhari ni vutivi ni ku twisisa, lava tsakelaka ku dyondza; naswona a va fanele ku va lava tiyeke emirini leswaku va ta swi kota ku tirha mintirho ya le ntsindza, va dyondzisiwa ku tsala ni ku vulavula ririmi ra Xikalediya.

Daniele 2:27

Daniele a hlamula a ku: “We hosi, ku hava ntlhari, kumbe muvhumbhi, kumbe mungoma, hambi a ri la tivaka tinyeleti, loyi a nga boxaka xihundla xa norho wa wena, hilaha u kombelaka hakona.

Daniele 3:8

Enkarhini wolowo, ku humelela Vakalediya van'wana, va fika eka hosi Nebukadnetsara va mangalela Vayuda,

1 SAMIELE 6:2

Kutani Vafilista va vitana vaprista ni vangoma, va va vutisa va ku: “Xana hi nga endla yini hi Areka ya HOSI xana? Hi byeleni: Loko hi yi tlherisela ekaya ka yona, xana hi ta yi rhumela na yini xana?”

Daniele 4:3

“Swikombiso swa xona i swikulu ngopfu, ni mahlori ya xona a hi ku chavisa ka wona! Ku fuma ka xona a ku na ku hela, ni vuhosi bya xona byi ta va kona hilaha ku nga heriki.