Daniele 2:12 - BIBELE Mahungu Lamanene

¹² Mhaka leyi yi hlundzukisile hosi Nebukadnetsara ku tlula mpimo, kutani a lerisa leswaku tintlhari hinkwato ta tiko ra Babilona ti herisiwa.

Xitsonga (Bibele)

¹² Kwalaho hosi yi pfuka yi kariha ngopfungopfu, yi va yi lerisa leswaku tintlhari hinkwato ta Babilona ti dlawa.

Daniele 2:12 Referans Kwoze

Daniele 3:13

Nebukadnetsara a hlundzuka swinene, kutani a lerisa leswaku Xadraka, na Mexaka, na Abedi-Nego va tisiwa emahlweni ka yena. Kutani ku endliwa tano.

Matewu 2:16

Loko Heroda a vona leswaku ú kanganyisiwile hi tintlhari, a kariha ngopfu, kutani a rhuma vanhu va ya dlaya vana hinkwavo va vafana va le Betlehema ni le tikweni ra kona hinkwaro, va malembe mambirhi ni lava tlhandlamaka, a ringanisa nkarhi lowu a nga vutisisa tintlhari ha wona.

Daniele 3:19

Kutani Nebukadnetsara a hlundzuka ku tlula mpimo; loko a languta Xadraka, na Mexaka, na Abedi-Nego, nghohe ya yena yi hundzuka; kutani a lerisa malandza ku hlanganyeta ndzilo, ku hisa ka wona ku tlula ka 7 leswi a wu hamba wu hisisa xiswona.

Pisalema 76:10

Hambi va ri va le Edomu va nga vanhu va tihanyi, va ta ku dzunisa, masalela ya va ka Hamati ma ta ku endlela nkhuvo.

Daniele 2:5

Kambe hosi yi hlamula Vakalediya yi ku: “Ndzi tsemile mhaka! Loko mo tsandzeka ku ndzi byela norho wa mina ni leswi wu vulaka swona, ndzi ta mi phatlulela mi fa, kutani tindlu ta n'wina ti ta sala ti ri marhumbi ntsena.

Swivuriso 29:22

Munhu wa ximbilwa-mbilwana, ú vanga madzolonga, ni munhu wo hatla ku kariha, ú pfuxa timholovo.

Swivuriso 20:2

Loko hosi yi karihile, yi chavisa ku fana ni nghala leyi bongaka, loyi a yi hlundzukisaka, ú tivangela rifu.

Swivuriso 19:12

Loko hosi yi karihile, yi fana ni nghala leyi bongaka, kasi ku tsakeriwa hi yona, swi fana ni mberha ebyanyini.

Swivuriso 16:14

Vukari bya hosi byi nga vanga rifu, munhu wo tlhariha ú ringeta ku yi rheleta mbilu.

Ntirho 5:2

Xiphunta xi fa hi mbitsi, mavondzo ma dlaya munhu wo kala mehleketo.

Matewu 5:22

Kambe mina ndzi ri ka n'wina: Un'wana ni un'wana la hlundzukelaka makwavo, ú ta fanela ku avanyisiwa; loyi a nge ka makwavo: ‘U xiphukuphuku!’ ú fanele ku yisiwa eka muavanyisi; la nge ka yena: ‘Xihunguki ndziwena!’ ú fanele hi ndzilo wa Tihele.

Daniele 2:24

Hiloko Daniele a ya eka Ariyoka, loyi a a hlawuriwile hi hosi leswaku a ta herisa tintlhari ta le Babilona; kutani a fika a ku ka yena: “U nga tshuki u herisa tintlhari ta laha Babilona, kambe ndzi yise emahlweni ka hosi, leswaku ndzi ya yi hlamusela norho wa yona.”

Daniele 5:19

Vanhu hinkwavo va tinxaka-xaka lava vulavulaka tindzimi to hambana-hambana a va rhurhumela emahlweni ka yena, hikwalaho ka vukulukumba bya yena. A a ri ni matimba ya ku dlaya vanhu ni ku va tshika va hanya, ni ku va tlakusa kumbe ku va tsongahata hilaha a rhandzaka hakona.