Daniele 12:7 - BIBELE Mahungu Lamanene

⁷ Wanuna loyi a yimeke enambyeni a ambele swa ntsembyani, a tlakusa mavoko, kutani ndzi n'wi twa a tiyisa mhaka hi vito ra Loyi-a-hanyaka, a ku: ‘Swi ta teka ntsena malembe manharhu na hafu. Loko ku xanisiwa ka vanhu lavo hlawuleka ku hela, swilo leswi hinkwaswo swi ta va swi humelerile.’

Xitsonga (Bibele)

⁷ Kutani ndzi twa munhu la ambaleke ntsembyana, la yimeke ehenhla ka mati ya nambu, loko a tlakusa voko ra yena ra xinene ni voko ra ximatsi ehenhla, a hlambanya hi La hanyaka hilaha ku nga heriki, a ku: “Ku sele nkarhi wun'we, ni mikarhi mimbirhi ku yisa exikarhi ka nkarhi wun'wana; kutani leswo hinkwaswo swi ta endlakala loko matimba ya tiko lero kwetsima ma tshoviwile hinkwawo.”

Daniele 12:7 Referans Kwoze

Daniele 7:25

Hosi ya kona yi ta sandza Loyi a nga henhla-henhla, vahlawuriwa va yena, yi ta va xanisa, yi hundzuluxa milawu ya minkhuvo ya vona, kutani va ta wela emavokweni ya yona nkarhi wo ringana malembe manharhu na hafu.

Nhlavutelo 12:14

Kambe wansati a nyikiwa timpapa timbirhi ta gama lerikulu leswaku a haha a siya nyoka leyi, a ya tumbela emananga, endhawini leyi a nga ta hlayisiwa a phameriwa ka yona malembe manharhu ni hafu.

Daniele 8:24

Munhu loyi ú ta va nhenha leyo chavisa (kambe ku nga ri hi matimba ya yena n'winyi), kutani hinkwako ú ta vanga mpfilumpfilu. Eka hinkwaswo leswi a nga ta swi endla, ú ta humelela; ú ta dlayetela tinhenha tin'wana, a dlaya ni vahlawuriwa va Xikwembu.

Nhlavutelo 13:5

Kutani xivandzana xi nyikiwa nomo wo humesa marito yo tikurisa ni yo sandza, xi pfumeleriwa ku tirha ku ringana tin'hweti ta 42.

Nhlavutelo 12:6

Kutani wansati a ya tumbela emananga, laha Xikwembu xi n'wi lunghiseleke ndhawu kona, laha a nga ta hlayisiwa a phameriwa kona, hi masiku lama ringanaka 1 260.

Luka 21:24

Va ta dlawa hi fumu, va ta yisiwa va ri mahlonga ematikweni hinkwawo; kutani muti wa Yerusalema wu ta kandziyeriwa hi vamatiko ku kondza loko minkarhi ya vona yi ta va yi herile.

Daniele 4:34

Nebukadnetsara a ku: “Loko nkarhi lowu vekiweke wu hundzile, mina Nebukadnetsara ndzi tlakusile mahlo ndzi languta ehenhla, kutani miehleketo ya mina yi vuya, ndzi dzunisa ni ku tlangela ni ku twarisa Loyi a nga henhla-henhla, Loyi a hanyaka hilaha ku nga heriki, ndzi ku: “Vuhosi bya yena a byi na ku hela, ni ku fuma ka yena ku ta va kona hilaha ku nga heriki.

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Yeremiya 4:2

Loko u hlambanya hi ntiyiso ni ku lulama u nga hembi, kutani u ku: ‘HOSI Xikwembu xi kona!’ na vona vamatiko va ta kombela leswaku ndzi va katekisa kutani va ta titsakela eka mina.”

Esaya 62:12

Vaaki va wena Yerusalema va ta vuriwa “Vahlawuriwa”, “Vakutsuriwa-va-HOSI”; wena u ta vuriwa “La-tsakeriwaka”, “Muti-lowu-nga-tshikiwangiki”!

Duteronoma 26:19

kutani xi ta mi kurisa, mi tlula matiko hinkwawo lawa xi ma endleke, hi ku dzuneka ni ku tiveka ni ku twakala; hi ndlela leyi mi ta va vanhu lava HOSI Xikwembu xa n'wina xi nga tihlawulela vona, leswaku mi va va xona hilaha xi tshembiseke hakona.”

Duteronoma 7:6

“N'wina, mi rixaka leri hlawuleriweke HOSI Xikwembu xa n'wina. Xi mi hlawurile exikarhi ka vanhu va matiko hinkwawo lama nga kona emisaveni, leswaku mi va vanhu va xona va xiviri.

Daniele 12:6

Kutani ndzi vulavula ni wanuna loyi a a yimile enambyeni a ambele swiambalo swa ntsembyani, ndzi ku: ‘Swilo leswi swo hlamarisa, swi ta teka nkarhi wo tani hi kwihi xana?’

Daniele 11:13

Kutani mufumi wa le n'walungwini ú ta tlhela a hlengeleta mavuthu layo tala lama nga ta tlula layo sungula hi ku tala ka wona; endzhaku ka malembenyana, ú ta huma nyimpi nakambe, a ri ni ntsengo lowukulu wa masocha ni tinhundzu leto tala.

Daniele 8:14

Kutani xivulavuri xo sungula xi hlamula xi ku: ‘Swi ta teka masiku ya 1 150, magandzelo ya mixo na madyambu ma ha yimisiwile, ku kondza loko xivandla lexo hlawuleka xi tlhelela exiyin'weni xa xona lexo lulama.’

Duteronoma 32:40

Ndzi tlakusa voko, ndzi hlambanya ndzi ku: Ndzi hanya hilaha ku nga heriki;

Luka 21:14

Hikokwalaho swi vekeni emiehleketweni ya n'wina leswaku a mi nga tikarhati ku pfa mi lulamisile leswi mi nga ta hlamurisa swona,

Ntirho 27:2

“Ndzi hlambanya hi Xikwembu lexi hanyaka, lexi-nga-ni-matimba-hinkwawo, xona xi alaka ku ndzi lwela, xi ndzi dyisaka ni mbitsi, ndzi ri:

Nhlavutelo 4:9

Nkarhi wihi ni wihi loko swivumbiwa leswi hanyaka swi ri karhi swi yimbelela tinsimu to twarisa, ni ku dzunisa, ni ku nkhensa loyi a tshameke exiluvelweni, a nga loyi a hanyaka hilaha ku nga heriki,

Nhlavutelo 4:10

vakulukumba lava va 24 a va nkhinsama emahlweni ka loyi a tshameke exiluvelweni, va gandzela yena loyi a hanyaka hilaha ku nga heriki, va hoxa tiharhi ta vona emahlweni ka xiluvelo, va yimbelela va ku:

Ezekiele 20:5

Va tivise leswaku mina HOSI N'wini wa hinkwaswo ndzi ni rito eka vona leri nge: Siku leri ndzi hlawuleke va ka Yakobo va nga vona Vaisraele, ndzi tikombile eka vona loko va ha ri etikweni ra Egipta, ndzi tlhela ndzi tiboha eka vona hi ku hlambanya leswaku ndzi ta va Xikwembu xa vona mina HOSI.

Daniele 10:5

Ndzi lo na tlakusa mahlo, ndzo vona munhu la ambaleke swiambalo swa ntsembyani, a tikhame hi vamba ra nsuku lowu tengeke.

Daniele 12:8

“Mhaka leyi ndzi yi twile, kambe a ndzi yi twisisanga, hikokwalaho ndzi nga vutisa ndzi ku: ‘We n'wini wanga, xana swilo leswi swi ta helela kwihi xana?’

Duteronoma 32:36

“HOSI Xikwembu xi ta yima ni vanhu va xona loko xi vona leswaku a va ha ri na matimba, xi ta twela malandza ya xona vusiwana, loko xi vona leswaku wonge a ku nga ha sali munhu, hambi hlonga kumbe la ntshunxekeke.

Daniele 4:31

Loko hosi ya ha vulavula, ku twala rito leri humaka etilweni, ri ku: “We Nebukadnetsara, tiva leswaku vuhosi bya wena, u tekeriwile byona.

Daniele 7:21

Loko ndza ha langutile, ndzi vona rimhondzo leri ri lwa ni vahlawuriwa, kutani ri va hlula.