Daniele 12:13 - BIBELE Mahungu Lamanene

¹³ “ ‘Kambe wena Daniele, tiyisela endleleni ya wena ku kondza u ya fika emakumu; u ta wisa, kutani eminkarhini ya makumu, u ta suka u yima, u amukela ndzhaka ya wena.’ ”

Xitsonga (Bibele)

¹³ Kambe wena, yana eku heleni ka wena, u wisa, kutani u ta pfuka u yimela ndzhaka ya wena eku heleni ka masiku.”

Daniele 12:13 Referans Kwoze

Nhlavutelo 14:13

Kutani ndzi twa rito ri huma etilweni ri ku: “Tsala leswi: Ku katekile vafi lava ku sukela sweswi va felaka eHosini!” Moya na wona wu ri: “Ina, va katekile, hikuva va phyuphya emikarhalweni ya vona, kutani mintirho ya vona yi ta va landzela.”

2 Vakorinto 5:1

Ha swi tiva leswaku, loko ntsonga lowu hi nga eka wona, wu nga miri wa hina wa la misaveni, wu onhaka, hi ni vuako lebyi Xikwembu xi hi lunghiseleke byona, yi nga yindlu leyi nga akiwangiki hi mavoko, leyi nga heriki, ya le matilweni.

Zakariya 3:7

“HOSI ya matimba hinkwawo yi vurisa sweswo yi ri: “ ‘Loko u famba etindleleni ta mina, ni loko u hlayisa swileriso swa mina, u ta va muhlayisi wa Tempele ya mina, u langutela ni rivala ra yona, kutani ndzi ta ku nyika xiyimo xo fana ni xa lava va ndzi tirhelaka kwala.’ ”

Daniele 12:3

Varhangeri lava tlhariheke va ta saseka, va vangama ku fana ni tilo; lava kombeke mintshungu ndlela ya leswo lulama, va ta vangama kukota tinyeleti minkarhi hinkwayo.

Matewu 19:28

Yesu a ku ka vona: “Ndzi tiyisile ndzi ri ka n'wina, loko swilo hinkwaswo swi ta va swi vuyeteriwile, ni loko N'wana-wa-Munhu a tshamisile exiluvelweni xa yena lexo kwetsima, n'wina lava mi ndzi landzeke, na n'wina mi ta tshama eswiluvelweni swa 12, mi avanyisa tinyimba ta Israele leta 12.

Luka 21:36

Hitekani ke, mi khongela minkarhi hinkwayo, leswaku mi kuma matimba ya ku pona eka swilo hinkwaswo leswi swi nga ta humelela, ni ku yima mi tiyile emahlweni ka N'wana-wa-Munhu.”

Pisalema 16:5

We HOSI, hi wena ndzhaka leyi ndzi averiweke yona, hi wena u ndzi timulaka torha; vutomi bya mina byi fumbarheriwile hi wena.

2 Vatesalonika 1:7

kutani xi ta mi nyika ku wisa swin'we na hina, n'wina mi xanisiwaka; xi ta endla sweswo siku Hosi Yesu a humelelaka hi le tilweni, swin'we ni tintsumi ta yena ta matimba,

Pisalema 1:5

Hikokwalaho, hi siku ra ku avanyisa, lavo homboloka va nga ka va nga poni, ni vadyohi va nga ka va nga amukeriwi enhlengeletanweni ya lavo lulama.

Daniele 12:4

“Sweswi, we Daniele, hlayisa timhaka leti ti tsariweke, u nga tshuki u boxa xihundla xa kona; lavo tala va ta rhendzeleka-rhendzeleka, va lava vutivi, kambe va nge byi kumi.”

Eksoda 33:14

Hiloko HOSI Xikwembu xi ku: “Mina hi ndzexe ndzi ta famba na n'wina, ndzi mi yisa lomu mi nga ta tshamiseka kona.”

Pisalema 16:9

Hikokwalaho, mbilu ya mina yi tsakile, nomo wa mina wu ba nkulungwana, na wona miri wa mina wu titwa wu hlayisekile.