Daniele 12:1 - BIBELE Mahungu Lamanene

¹ Munhu la ambaleke xiambalo xa ntsembyani a engeta a ku ka Daniele: “Enkarhini wolowo, ku ta humelela Mikaele, ntsumi leyikulu leyi yimelaka va ka n'wina etilweni; kutani ku ta va ni nkarhi wa maxangu lama nga si tshamaka ma humelela, himpfhuka vanhu va va kona emisaveni, naswona ma nge humeleli ku nga si fika masiku wolawo. Kutani hi kona ku nga ta kutsuriwa vamakwenu hinkwavo, lava mavito ya vona ma nga ta va ma tsariwile eka Buku ya vutomi.

Xitsonga (Bibele)

¹ “Enkarhini wolowo, Mikaele, ndhuna leyikulu, leyi yimelaka vana va tiko ra wena, u ta humelela, kutani masiku ya mapfalo ma ta va kona, layonghasi ma nga siki vaka kona mpfhuka matiko ma ri kona, ku fikela enkarhini wolowo. Ntsena emikarhini yoleyo, tiko ra wena ri ta ponisiwa, va nga hinkwavo lava tsariweke ebukwini.

Daniele 12:1 Referans Kwoze

Yeremiya 30:7

Nkarhi wa maxangu lamakulu wa ta, a ku si humelela wo fana na wona. I nkarhi wa ku xaniseka ka va ka Yakobo, kambe eku heteleleni va ta ponisiwa eka wona.

Matewu 24:21

hikuva nhlomulo wu ta va lowukulu enkarhini wolowo; nhlomulo lowo tano a wu si va kona hi mpfhuka misava yi tumbulukile ku fikela namuntlha, naswona a wu nga ha vi kona ni siku ni rin'we.

Marka 13:19

Hikuva eminkarhini yoleyo, ku ta va ni nhlomulo lowu nga si tshamaka wu humelela, hi mpfhuka Xikwembu xi tumbuluxa hinkwaswo, ku fikela namuntlha; naswona nhlomulo lowo tano wu nga ka wu nga ha vi kona.

Daniele 10:13

Ntsumi leyi yimelaka mfumo wa Vaperesi ematilweni, yi ringetile ku hingakanya ndlela ya mina, yi ndzi sivela ku suka ku ringana masiku ya 21; kambe Mikaele, yin'wana ya tintsumi letikulu ta le tilweni, ú tile a ta ndzi lamulela, kutani ndzi n'wi siyile a ri karhi a lwa ni mfumo lowu wa Vaperesi.

Nhlavutelo 12:7

Kutani ku pfuka nyimpi etilweni, ya Mikaele ni tintsumi ta yena loko va lwa ni dragona; na yona dragona yi lwa yi ri ni tintsumi ta yona.

Nhlavutelo 20:15

Loko vito ra munhu ri nga kumiwi ri tsariwile ebukwini ya vutomi, munhu yoloyi a hoxiwa etiveni ra ndzilo.

Nhlavutelo 20:12

Naswona, ndzi vona vafi, lavakulu ni lavatsongo, va yimile emahlweni ka xiluvelo, kutani tibuku ti pfaluriwa. Ku pfaluriwa ni buku yin'wanyana, yi nga buku ya vutomi. Vafi va avanyisiwa hi leswi swi nga tsariwa etibukwini, hi ku ya hi leswi va swi endleke.

Nhlavutelo 3:5

Loyi a hlulaka, ú ta ambexiwa hi mukhuva wolowo, a nyikiwa tinguvu leto basa. A ndzi nga susi vito ra yena ebukwini ya vutomi, ndzi ta tivisa vito ra kona emahlweni ka Tata wa mina ni le mahlweni ka tintsumi ta yena.

Luka 10:20

Hambiswiritano, mi nga tsaki hi leswi mimoya yi mi yingisaka; kambe tsakani hi leswi mavito ya n'wina ma tsariweke etilweni.”

Daniele 9:12

We HOSI, u hetisisile marito ya wena lawa u nga ma vula ehenhla ka hina ni le henhla ka lava va hi fambisaka, kutani u hi tisele ku xaniseka lokukulu ngopfu. Mhaka yo fana ni leyi yi humeleleke emutini wa Yerusalema, a yi si tshama yi va kona laha misaveni.

Nhlavutelo 13:8

Kutani vaaki hinkwavo va laha misaveni va ta xi gandzela; hileswaku un'wana ni un'wana loyi vito ra yena ri nga tsariwangiki khale, hi mpfhuka misava yi tumbuluka, ebukwini ya vutomi ya Xinyimpfana lexi dlayiweke, ú ta gandzela xivandzana.

Nhlavutelo 1:5

ni le ka Yesu Kriste, mbhoni leyo tshembeka, mativula ya lava feke ni mufumi wa tihosi ta misava. Eka loyi a hi rhandzaka, loyi a hi ntshunxeke eswidyohweni swa hina hi ku fa ka yena,

Yuda 1:9

Kasi Mikaele ntsumi leyikulu, loko a lwetana na Diyavulosi va phikisana hi ntsumbu wa Muxe, ú chavile ku avanyisa Diyavulosi ni ku humesa marito ya ku n'wi sandza, kambe ú te: “Hosi a yi ku tshinye!”

Vafilipiya 4:3

Ndza ku kombela na wena mutirhi-kulorhi la tshembekaka: Pfuna vamanana lava; va ndzi seketerile swinene entirhweni wa Evhangeli, va ri na Klemento, ni vatirhi-kulorhi lavan'wana, lava mavito ya vona ma tsariweke ebukwini ya vutomi.

Vaefesa 1:21

Kriste wa fuma kona, ehenhla ka hinkwaswo leswi nga ni vundhuna, ni ku fuma, ni matimba, ni vuhosi; naswona, ú le henhla ka mavito hinkwawo lama nga vuriwaka, ku nga ri enguveni leyi ntsena, kambe ni ka nguva leyi nga ta ta.

Varhoma 11:26

Hi mukhuva wolowo tiko hinkwaro ra Israele ri ta ponisiwa, hilaha ku tsariweke hakona va ku: “Muponisi ú ta huma eSiyoni, a endla leswaku Yakobo a tshika tindlela ta yena to fularhela Xikwembu.

Ezekiele 13:9

“Ndzi ta komba matimba ya mina hi ku ba vaprofeta lava vo vona swivono swa hava ni ku vhumbha mavunwa. A va nga ngheni entlaweni wa vanhu va mina, kumbe ku tsariwa etibukwini ta Vaisraele, naswona a va nga tlheleli etikweni ra Israele; kutani hi kona va nga ta tiva leswaku HOSI Xikwembu hi mina.

Esaya 9:7

Ku ndlandlamuka ka mfumo wa yena, ni ku rhula loku nga ta va kona etikweni, a swi nga vi na makumu; ú ta tshama exiluvelweni xa Davhida, a fuma tiko ra yena, a ri hlayisa ni ku ri lwela, a avanyisa timhaka hi ku lulama; ú ta sungula sweswi, a fuma hilaha ku nga heriki. Hinkwaswo leswi, HOSI Xikwembu xi tiyimiserile ku swi endla.

Esaya 4:3

Hinkwavo lava va nga ta va va ha hanya emutini wa Siyoni, lava nga ta va va ha kumeka eYerusalema, va ta vuriwa lava hlawulekeke, hikuva mavito ya vona ma ta va ma tsariwile eYerusalema, leswaku va hanya.

Pisalema 69:28

Sula mavito ya vona ebukwini ya vutomi, ma nga ha tsariwi swin'we ni mavito ya lavo lulama.

Pisalema 56:8

Maxangu ya mina u ma tivile we HOSI, u hlengeletile mihloti ya mina exibyeni. Xana swilo leswi a wu swi tsalanga ebukwini ya wena xana?

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi, ni Mufumi wa vafumi; ni malandza ya xona lama vitaniweke, lama hlawuriweke ni lama tshembekaka, xi ta ma nyika ku hlula.”

Varhoma 11:15

Hikuva loko ku cukumetiwa ka vona ku endlile leswaku misava yi vuyelelana ni Xikwembu, ku amukeriwa ka vona hi Xikwembu ku ta vula yini, loko ku nga ri ku hanya ka lava a va file, xana?

Daniele 11:45

Ú ta dzima mintsonga ya yena ya vuhosi exikarhi ka lwandle ni ntshava leyo hlawuleka etikweni lero saseka ra Israele, hambiswiritano ú ta dlayiwa, ku ri hava ni loyi a nga n'wi lamulelaka.”

Ezekiele 34:24

Mina HOSI ndzi ta va Xikwembu xa vona, kutani Davhida nandza wa mina ú ta va murhangeri wa vona. Ndzi vula sweswo mina HOSI.

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

Ezekiele 5:9

Ndzi ta mi endla leswi ndzi nga si tshamaka ndzi swi endla eka vanhu van'wana, naswona a ndzi nga ha tlheli ndzi swi endla; ndzi ta mi ba hikwalaho ka manyala hinkwawo lawa mi ma endleke:

Daniele 7:10

Nambu lowu khulukaka ndzilo a wu sukela laha a a ri kona; vanhu va madzana-dzana a va n'wi tirhela, emahlweni ka yena ku yimile vanhu va magidigidi. Kutani huvo yi sungula ntirho wa yona, ku phendliwa ni tibuku.

Yuwele 2:2

Siku ra kona ri to va ra munyama, ri to khwìxìì! ri ta va siku ra mapapa ni hunguva! Ku ni vanhu lavo tala va matimba, lava khubumeteke tintshava ku fana ni xinyami; vo fana na vona a va si tshama va voniwa, naswona endzhaku ka vona a ku nga ha voniwi vo tano, hilaha ku nga heriki.

Malakiya 3:16

Kutani vanhu lava chavaka HOSI Xikwembu, a va vulavula swin'we. Hiloko HOSI Xikwembu xi rhiya ndleve xi va yingisa, kutani ku tsariwa buku emahlweni ka xona, yo tsundzuka hinkwavo lava chavaka HOSI Xikwembu, lava xiximaka vito ra xona.

Yeremiya 30:10

HOSI Xikwembu xi vula sweswo xi ri: “Wena Yakobo nandza wa mina, u nga chavi, u nga heli mbilu wena Israele, hikuva ndzi ta ku kutsula u suka etikweni ra le kule; vanhu va wena ndzi ta va vuyisa hi le vukhumbini, va ka Yakobo va ta vuya hi ku rhula, va tshamiseka va nga chavisiwi hi munhu.