Daniele 11:6 - BIBELE Mahungu Lamanene

⁶ Endzhaku ka malembe ma nga ri mangani, vafumi lava vambirhi va ta endla xinakulobye: N'wana wa xisati wa mufumi wa le Egipta ú ta tekiwa hi mufumi wa le n'walungwini etikweni ra Siriya, va endlela ku tiyisa ntwanano wa vona. Kambe mutekiwa loyi a nge hanyi nkarhi wo leha evukatini, hambi a ri nuna wa yena ni n'wana wa vona wa mativula, va nge hanyi ku ya kule: Va ta dlayiwa hinkwavo ha un'we un'we, ku ta dlawa ni malandza ya lowa nkosikazi, ku fa ni tata wa yena enkarhini wolowo wa ku fa ka lavan'wana.

Xitsonga (Bibele)

⁶ “Endzhaku ka malembe man'wana, va ta endla xinakulobye, kutani n'wana wa wansati wa hosi ya le dzongeni u ta ta eka hosi ya le n'walungwini ku lunghisa timhaka. Kambe voko ra yena ri nga ka ri nga tiyi, hikuva ri ta tsandzeka ku tiya, ni loko yi ri nyimpi ya yena, kutani u ta nyiketiwa eku feni, yena ni lava n'wi tiseke, ni loyi a n'wi velekeke, ni loyi a n'wi seketeleke emikarhini yoleyo.

Daniele 11:6 Referans Kwoze

Daniele 11:13

Kutani mufumi wa le n'walungwini ú ta tlhela a hlengeleta mavuthu layo tala lama nga ta tlula layo sungula hi ku tala ka wona; endzhaku ka malembenyana, ú ta huma nyimpi nakambe, a ri ni ntsengo lowukulu wa masocha ni tinhundzu leto tala.

Daniele 11:40

“Eminkarhini ya makumu, mufumi wa le Egipta ú ta ya a ya lwa ni mufumi wa le Siriya, kambe yena ú ta n'wi hlanganisa ku fana ni xihuhuri. Ú ta n'wi tela hi makalichi ya nyimpi, ni vagadi va tihanci, ni tingalava leto tala. Ú ta ya nghena ni le matikweni man'wana a ma hlasela ku fana ni ndhambi ya mati lama hobomulanaka.

Daniele 11:15

Kutani mufumi wa le n'walungwini ú ta fika a rhendzela muti wun'wana, a fumbetela misava yo khandziya ha yona erirhangwini, a teka muti wolowo ni makhokholo ya wona. Mufumi wa le dzongeni ú ta ringeta ku ta ni tinhenha ta yena, kambe va nge koti ku sivela va le n'walungwini, hikuva a va nga vi na matimba yo endla sweswo.

Daniele 11:7

“Endzhakunyana, un'wana wa rixaka ra ka vona le Egipta, ú ta vekiwa ku va hosi; ú ta huma ni masocha ku ya lwa ni mavuthu ya va le Siriya en'walungwini; va ta fika va nghena ekhokholweni ra hosi ya kona, va hlasela Vasiriya va va hlula.

Zakariya 11:16

hikuva ndzi ta veka murisi lontshwa etikweni leri: A nga ka a nga vi na mhaka ni tinyimpfu leti lovaka; leti lahlekeke a nga ka a nga ti landzi; a nge tshunguli leti vavisekeke, ni loko ti tsakile, a nge ti phameli. Ú ta tiva ntsena ku dya nyama ya leti noneke, a phorha ni swinyondzwana swa tona.

Ezekiele 30:21

“Wena Ezekiele, tiva leswaku ndzi tshovile voko ra Faro hosi ya Egipta, kutani a ri boheleriwanga; hikokwalaho ri nga ka ri nga holi, naswona leswi ri nga boheleriwangiki, a ri nga ha tlheli ri kuma matimba yo tamela matlhari.

Pisalema 10:5

Leswi a swi endlaka swi tshama swi ri karhi swi nyuka; ku avanyisa ka wena HOSI, ku le henhla ngopfu, laha yena a nga ku voniki; valala va yena wa va nyefula.

Ntirho 38:15

Vadyohi va tlunya hi ku vonakala, matimba ya vona ma herisiwa.