Daniele 11:4 - BIBELE Mahungu Lamanene

⁴ Kambe loko a titwa a tiyile swinene mfumo wa yena wu ta pandzeka, wu avana wu huma mimfumo ya mune ni ku tlula; mimfumo leyi a yi nga tiyi ku fana ni lowo sungula, naswona a yi nga nyiketiwi eka vana va mufumi loyi; yi ta susiwa emavokweni ya vona, yi nyikiwa van'wana.

Xitsonga (Bibele)

⁴ Kutani, kutakuloko u tlakukile, ku fuma ka yena ku ta tshoviwa, ku avanyiseriwa etimhehweni ta mune ta le matilweni; kambe ku nga ka ku nga vi ka vatukulwana va yena, ni matimba ya vona ma nga ka ma nga ringani ni yo sungula, hikuva ku fuma ka yena ku ta tsuvuriwa ku ta pambuleriwa van'wana, va nga ri varikwavo.

Daniele 11:4 Referans Kwoze

Daniele 8:22

Rimhondzo leri ri tshovekeke ri siviwa hi tin'wana ta mune, swi vula mimfumo ya mune leyi nga ta humelela erixakeni rero, kambe mimfumo leyi a yi nga ha vi na matimba lama ringanaka ni ya mfumo lowo rhanga.

Daniele 8:8

Kutani xiphongho xi sungula ku tikurisa swinene. Kambe loko xa ha titwa xi ri ni matimba lamakulu, rimhondzo ra xona lerikulu ro tshoveka, kutani ku hluka timhondzo ta mune leto hlamarisa ematshan'weni ya rona, ti kula ti langutile ematlhelo ya mune ya misava.

Yeremiya 12:17

Kambe loko van'wana exikarhi ka vamatiko lava va ala ku ndzi yingisa, ndzi ta va hlongolela makumu, ndzi va herisa. Ndzi vula sweswo mina HOSI!”

Daniele 7:8

Loko ndzi ri karhi ndzi xiyaxiya timhondzo ta kona, ndzi vona rimhondzo rin'wana leri milaka exikarhi ka letin'wana. Rona a ri ri ritsongo, kambe emahlweni ka rona, timhondzo tinharhu exikarhi ka leto sungula ti guleka, kutani ndzi vona leswaku rimhondzo leri a ri ri ni mahlo yo fana ni ya munhu, ni nomo lowu humesaka marito yo tikurisa.”

Daniele 7:2

a ku: “Xivono lexi ndzi xi voneke nivusiku i xa timheho ta mune leti a ti ri karhi ti pfindlusa swidziva swa lwandle.

Yeremiya 18:7

Nkarhi wun'wana ndzi nga vulavula hi ku tsuvula kumbe ku faya kumbe ku herisa vanhu vo karhi kumbe mfumo wo karhi.

Yeremiya 12:15

Kambe endzhaku ka loko ndzi ta va ndzi va hlongorile, ndzi ta tlhela ndzi va twela vusiwana, ndzi va tlherisela hinkwavo ematikweni lawa ndzi va nyikeke wona leswaku ma va ndzhaka ya vona.

Luka 12:20

Kambe Xikwembu xi ku ka yena: ‘Wee xihunguki! Hi vusiku byebyi, u ta tekeriwa moya wa wena; kutani leswi u swi lunghiseke swi ta va swa mani xana?’ ”

Matewu 12:25

Kambe Yesu, hi ku tiva miehleketo ya vona, a ku ka vona: “Mfumo wun'wana ni wun'wana lowu avanaka hi le xikarhi, wu hundzuka wa hava; muti wun'wana ni wun'wana, hambi wu ri ndyangu, lowu avanaka hi le xikarhi, a wu nga tiyi.

Daniele 7:6

Endzhaku ka sweswo, ndzi tlhela ndzi languta, kutani ndzi vona xivandzana xin'wana lexi fanaka ni yingwe. Enhlaneni wa xona a xi ri ni timpapa ta mune to fana ni ta tinyanyana; naswona a xi ri ni tinhloko ta mune. Kutani xi nyikiwa vuhosi.

Yeremiya 45:4

Kambe HOSI Xikwembu xi ndzi lerisile ku ku tivisa marito ya xona lama nge: ‘Yingisa! Ndzi faya leswi ndzi swi akeke; leswi ndzi swi byaleke, ndza swi tsuvula; ndzi endlisa sweswo emisaveni hinkwayo.

Yeremiya 31:40

Tindhawu leti landzelaka ti ta nyiketiwa eka HOSI Xikwembu: Nkova hinkwawo wa mintsumbu ni minkuma, ni masimu hinkwawo ku ya fika exinambyaneni xa Kidroni ni le ka ‘Nyangwa-ya-Tihanci’ hi tlhelo ra le vuxeni. Muti wa Yerusalema a wu nga ha hlaseriwi kumbe ku herisiwa, hilaha ku nga heriki.”

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Pisalema 39:6

Vanhu va ya hala ni hala, wonge i mindzhuti, va tikarhatela swa hava, va tihlengeletela swilo, va nga tivi leswaku swi ta va swa mani.

Nhlavutelo 7:1

Endzhaku ka sweswo ndzi vona mune wa tintsumi ti yimile etinhleni ta mune ta misava, ti sivela timheho ta mune ta misava, leswaku ni yin'we ya tona yi nga hungeli emisaveni, kumbe elwandle, kumbe emurhini wun'wana ni wun'wana.

Yeremiya 49:36

Ndzi ta vitana timheho ta mune ta misava, ti ta ba Vaelamu ti va hangalasela ematikweni hinkwawo; loko va ta va va hangalasiwile hi ndlela yoleyo, va ta kumeka hinkwako va ri valuveri.

Ezekiele 37:9

Hiloko Xikwembu xi ndzi lerisa xi ku: “We Ezekiele, vitana moya wa vutomi, u wu byela leswaku mina HOSI N'wini wa hinkwaswo ndzi ni rito eka wona leri nge: ‘Wena moya wa vutomi , tana u huma ematlhelweni ya mune ya misava, u ta u ta nghena eka mintsumbu ya vanhu lava, leswaku va tlhela va kuma ku hanya!’ ”

Zakariya 2:6

HOSI Xikwembu xi vurisa sweswo xi ri: “Pfukani! Pfukani! Humani ematikweni ya le n'walungwini hi ku tsutsuma; hambileswi a ndzi mi hangalaserile ematlhelweni hinkwawo ya misava, vuyani! Ndzi vurisa sweswo mina HOSI.

Zakariya 6:5

Kutani ntsumi yi ndzi hlamula yi ku: “Leswi i mimoya ya mune ya le tilweni; a yi tile emahlweni ka N'wini wa misava hinkwayo, kutani sweswi ya hangalaka.