Daniele 11:38 - BIBELE Mahungu Lamanene

³⁸ U ta khongela ntsena xikwembu xa makhokholo lexi ni vatata wa yena va nga xi tivangiki; ú ta xi humesela nsuku ni silivhere ni maribye yo saseka ni tinyiko ta nkoka.

Xitsonga (Bibele)

³⁸ Kambe u ta gandzela xikwembu xa makhokholo exiyin'weni xa xona, a gandzela xikwembu lexi nga ka xi nga tiviwangiki hi vatata wa yena, a xi bombisa hi nsuku ni silivhere, ni maribye ya nkoka, ni swibombiso swin'wana.

Daniele 11:38 Referans Kwoze

1 Timotiya 4:1

Kutani ke, Moya wu vula wu tiyisile leswaku emasikwini lama taka, van'wana va ta hambana ni vupfumeri, hi mhaka ya ku landza mimoya leyi kanganyisaka ni tidyondzo ta mademona,

Esaya 44:9

Hinkwavo lava tiendlelaka swikwembu, a va pfuni nchumu, naswona swifaniso leswi va swi tsakelaka a swi va vuyiseli nchumu; lava va swi khongelaka a va tlharihanga, a va swi tivi leswaku va nga khomisiwa tingana.

Nhlavutelo 18:12

Ku hava ni un'we loyi a xavaka nsuku wa vona, ni silivhere, ni maribye ya nkoka, ni vuhlalu bya nxavo lowukulu; tinguvu ta vona ta ntsembyani wa risima, leto vangama ta xivunguvungu, ni ta silika, ni leto tshwuka; tinxaka-xaka ta mintsandza leyo nun'hwela, ni swilo swa mihlovo-hlovo leswi nga vatliwa hi matino ya tindlopfu, ni mintsandza ya nkoka, ni swa koporo, ni swa nsimbhi, ni swa maribye layo rhetela;

Daniele 11:7

“Endzhakunyana, un'wana wa rixaka ra ka vona le Egipta, ú ta vekiwa ku va hosi; ú ta huma ni masocha ku ya lwa ni mavuthu ya va le Siriya en'walungwini; va ta fika va nghena ekhokholweni ra hosi ya kona, va hlasela Vasiriya va va hlula.

Daniele 11:37

Swikwembu swa vatata wa yena, a nga ka a nga swi yingisi, hambi xi ri xikwembu lexi tsakeriwaka hi va ka manana, a nge xi yingisi. A ku na Xikwembu lexi a nga ta xi yingisa, hikuva ú ta tikurisa ngopfu.

Daniele 11:39

Ú ta sirhelela makhokholo ya yena hi ku tirhisa xikwembu ximbe lexi. Lava va tinyiketaka eka yena, ú ta va tlakusa, a va endla varhangeri; ú ta va xavisela miganga, va fuma vanhu lavo tala eka yona.