Daniele 11:36 - BIBELE Mahungu Lamanene

³⁶ “Mufumi wa tiko ú ta hamba a tiendlela hi ku rhandza, a tidzunisa, a tikurisa emahlweni ka xikwembu xin'wana ni xin'wana; ú ta vulavula swilo leswo biha ehenhla ka Xikwembu lexikulu. Eka hinkwaswo leswi a nga ta swi endla, ú ta humelela ku kondza nkarhi wa ku biwa wu fika, hikuva leswi bohiweke khale swi ta hetiseka.

Xitsonga (Bibele)

³⁶ “Kutani hosi yi ta endla hilaha yi rhandzaka hakona, yi ta tikurisa, yi titlakusa ehenhla ka swikwembu hinkwaswo, kutani yi ta hleva Xikwembu xa swikwembu hi swisandzu leswi hlamarisaka, yi ta khuluka ku ko ku fika ku hetisekeni ka vukari, hikuva lexi lerisiweke xi ta endlakala.

Daniele 11:36 Referans Kwoze

2 Vatesalonika 2:4

Munhu loyi ú lwa ni hinkwaswo leswi vuriwaka leswaku swi ni vukwembu, kumbe leswi gandzeriwaka, kutani a tikurisa ehenhla ka swona, a ko a ya tshama eTempeleni ya Xikwembu, a ri karhi a tivula leswaku yena hi yena Xikwembu.

Daniele 8:19

a ku ka mina: ‘Vona, ndzi ta ku tivisa leswi nga ta humelela eminkarhini ya makumu, yi nga minkarhi leyi vekiweke khale, leyi Xikwembu xi nga ta tshika ku hlundzuka ka xona ha yona.

Duteronoma 10:17

HOSI Xikwembu xa n'wina, hi xona xi nga henhla ka swikwembu hinkwaswo, i hosi ya tihosi; hi xona Xikwembu lexikulu xa matimba, lexi chavisekaka; a xi yi hi nghohe, naswona a xi pfumeli ku xaviwa.

Daniele 11:16

Kutani mufumi wa le n'walungwini ú ta endla leswi a swi rhandzaka hi valala va yena, a nga siveriwi hi munhu; ú ta fika ni le tikweni leri tlulaka matiko hinkwawo hi ku saseka, a ri teka hinkwaro ri va ra yena.

Daniele 2:47

Kutani hosi Nebukadnetsara a ku ka Daniele: “Hakunene, Xikwembu xa wena, hi xona Xikwembu xa swikwembu ni Hosi ya tihosi; hi xona xi paluxaka swihundla, hikuva wena u kotile ku hlamusela leswi a swi ndzi tumbelerile.”

Esaya 14:13

A wu hamba u ku: ‘Ndzi ta tlhandlukela etilweni, ndzi hundza tinyeleti ta Xikwembu, ndzi ya veka xiluvelo xa mina ehenhla; ndzi ta ya tshama entshaveni leyi swikwembu swi hlengeletanaka eka yona, en'walungwini.

Nhlavutelo 10:7

kambe siku ntsumi ya vu-7 yi chayaka nanga, makungu ya Xikwembu lawa a ma fihliwile, lawa xi ma byeleke vaprofeta malandza ya xona, ma ta hetiseka.”

Esaya 10:25

Ndzi le kusuhi swinene ni ku tshika ku mi hlundzukela, kutani ndzi ta hlundzukela Vaasiriya, ndzi va herisela makumu.

Pisalema 136:2

Tlangelani Xikwembu lexikulu ngopfu! — Rirhandzu ra xona hi leri nga heriki —

Nhlavutelo 17:17

Hikuva Xikwembu xi nghenisile etimbilwini ta swona leswaku swi yisa makungu ya xona emahlweni: Hi ku twanana ka swona, swi ta nyika matimba ya vuhosi bya swona eka xivandzana, ku kondza loko marito ya Xikwembu ma hetiseka.

Nhlavutelo 17:3

Hiloko ntsumi yi ndzi teka, yi ndzi yisa emananga ndzi ri eMoyeni. Kutani ndzi vona wansati a tshamile ehenhla ka xivandzana xa ribungu lexi a xi tele hinkwako hi mavito yo sandza Xikwembu; xivandzana xa kona a xi ri ni tinhloko ta 7 ni timhondzo ta khume.

Nhlavutelo 12:14

Kambe wansati a nyikiwa timpapa timbirhi ta gama lerikulu leswaku a haha a siya nyoka leyi, a ya tumbela emananga, endhawini leyi a nga ta hlayisiwa a phameriwa ka yona malembe manharhu ni hafu.

Timhaka 4:28

va hlangene ku endla hinkwaswo leswi u swi boheke khale, hi ntamu wa wena ni makungu ya wena, leswaku swi ta humelela.

Yohane 6:38

Hikuva ndzi xikile hi le tilweni, ku nga ri ku ta endla ku rhandza ka mina, kambe ku endla ku rhandza ka Loyi a ndzi rhumeke.

Yohane 5:30

“Ndzi nga ka ndzi nga tisunguleli ndzi endla xilo hi ndzexe; ndzi avanyisa hilaha ndzi byeriwaka hakona; hikokwalaho, ku avanyisa ka mina ku lulamile, hikuva a ndzi lavi ku endla ku rhandza ka mina, kambe ku rhandza ka Loyi a ndzi rhumeke.

Daniele 12:7

Wanuna loyi a yimeke enambyeni a ambele swa ntsembyani, a tlakusa mavoko, kutani ndzi n'wi twa a tiyisa mhaka hi vito ra Loyi-a-hanyaka, a ku: ‘Swi ta teka ntsena malembe manharhu na hafu. Loko ku xanisiwa ka vanhu lavo hlawuleka ku hela, swilo leswi hinkwaswo swi ta va swi humelerile.’

Daniele 11:3

Kambe ku ta humelela hosi ya Vagriki leyi nga ta va nhenha leyikulu; mfumo wa yena wu ta nava swinene, kutani mufumi loyi ú ta endla hinkwaswo leswi a swi rhandzaka.

Daniele 8:4

Kutani ndzi vona nyimpfu leyi ya khuna yi ri karhi yi phandha-phandha ehansi, yi ya evupeladyambu, ni le n'walungwini, ni le dzongeni, ku pfumaleka ni xiharhi ni xin'we lexi xi nga yi tiyelaka; naswona a ku nga ri na munhu loyi a nga lamulelaka van'wana ematimbeni ya yona; a yi tiendlela hi ku rhandza, yi tikurisa swinene.

Daniele 7:8

Loko ndzi ri karhi ndzi xiyaxiya timhondzo ta kona, ndzi vona rimhondzo rin'wana leri milaka exikarhi ka letin'wana. Rona a ri ri ritsongo, kambe emahlweni ka rona, timhondzo tinharhu exikarhi ka leto sungula ti guleka, kutani ndzi vona leswaku rimhondzo leri a ri ri ni mahlo yo fana ni ya munhu, ni nomo lowu humesaka marito yo tikurisa.”

Daniele 4:35

Vanhu hinkwavo va misava a hi nchumu emahlweni ka yena, lava akeke emisaveni, ni swivumbiwa hinkwaswo swa le tilweni, swi fumiwa hi yena. Ku hava loyi a nga n'wi sivelaka, kumbe loyi a nga n'wi vutisaka a ku: ‘U endla yini xana?’

Esaya 46:10

Mina ndzi vula ka ha ri ku sunguleni, hilaha swilo swi nga ta humelela hakona, swilo leswi swi nga si humelelaka, ndzi swi tivisile khale; ndzi vurile ndzi ku: ‘Makungu ya mina ma tiyile, hinkwaswo leswi ndzi tiyimiseleke ku swi endla, ndzi ta swi endla!’

Esaya 26:20

N'we vanhu va ka hina, nghenani tindlwini, mi tipfalela kona, mi tumbela kona nkarhinyana, ku kondza vukari bya HOSI Xikwembu byi rhelela.

Swivuriso 19:21

Makungu ya mbilu, a hi ku tala ka wona, kambe ku ta endleka ntsena leswi HOSI Xikwembu xi swi tsakelaka.

Pisalema 33:10

HOSI Xikwembu xi pfilunganya makungu ya vamatiko, xi va sivela ku ya emahlweni na wona.

Yoxuwa 22:22

“HOSI i Xikwembu xa matimba hinkwawo! HOSI Xikwembu xa matimba hinkwawo xa swi tiva, kutani na n'wina Vaisraele mi fanele ku swi tiva! Loko hi fularhele HOSI Xikwembu, kumbe loko hi tlurile xileriso xa xona, namuntlha mi nga hi tsetseleli!

2 Vatesalonika 2:3

Mi nga xisiwi hi munhu niswitsanana, hikuva siku ra kona a ri nga ti, loko ku nga si ta ku lahleka lokukulu, ni loko ku nga si humeseriwa erivaleni munhu lowo homboloka, la nga ta helela eku loveni.

2 Vatesalonika 2:8

Kutani hi kona loko munhu lowo homboloka a nga ta humeseriwa erivaleni, kutani Hosi Yesu ú ta n'wi dlaya hi moya lowu humaka enon'weni wa yena, a n'wi lovisa hi ku kwetsima ka yena, siku a taka.

Nhlavutelo 13:1

Kutani ndzi vona xivandzana xi tangunuka hi le lwandle, xi huma xi ri ni khume ra timhondzo ni tinhloko ta 7, ni harhi ya vuhosi erimhondzweni rin'wana ni rin'wana ra xona, ni vito leri sandzaka Xikwembu ri tsariwile etinhlokweni ta xona.

Ezekiele 35:13

Mi lwile na mina hi ku tikurisa ngopfu, mi nga hlawuli marito loko mi vulavula, kambe mina ndzi mi twile!

Daniele 5:19

Vanhu hinkwavo va tinxaka-xaka lava vulavulaka tindzimi to hambana-hambana a va rhurhumela emahlweni ka yena, hikwalaho ka vukulukumba bya yena. A a ri ni matimba ya ku dlaya vanhu ni ku va tshika va hanya, ni ku va tlakusa kumbe ku va tsongahata hilaha a rhandzaka hakona.

Daniele 5:20

Kambe kuteloko a sungurile ku tikurisa ni ku tiomisa nhloko ni ku tivona ngopfu, ú tsongahatiwile, a susiwa exitulwini xa yena xa vuhosi, a tekeriwa ku dzuneka ka yena,

Daniele 11:37

Swikwembu swa vatata wa yena, a nga ka a nga swi yingisi, hambi xi ri xikwembu lexi tsakeriwaka hi va ka manana, a nge xi yingisi. A ku na Xikwembu lexi a nga ta xi yingisa, hikuva ú ta tikurisa ngopfu.

Esaya 10:5

HOSI Xikwembu xi ri: “Vaasiriya i nhonga leyi ndzi yi tirhisaka loko ndzi karihile, loko ndzi hlundzukile, hi wona nkhavi wa mina!

Esaya 10:23

HOSI ya matimba hinkwawo, N'wini wa hinkwaswo, ú ta va herisa hilaha a boheke hakona, matiko hinkwawo ma ri karhi ma swi vona.

Esaya 14:14

Ndzi ta tlhandluka ndzi hundza ni mapapa, ndzi ta fana ni Xikwembu xa le henhla-henhla!’

Esaya 30:33

Ndhawu leyi yi nga ni ndzilo lowukulu lowu nga ta hisa hosi ya Asiriya, yi lulamisiwile khale. Ndhawu leyi yi ceriwile yi enta, yi tlhela yi anama, ku hoxeteriwa tihunyi to tala kona, kutani HOSI Xikwembu, hi xona xi nga ta pfurhisa tihunyi leti hi moya wa xona lowu fanaka ni xivavula.

Esaya 57:9

Mi tin'wan'wasele mafurha yo nun'hwela, kutani mi ya eka Moloko xikwembu xa Vaamoni. Mi rhumerile vanhu etindhawini ta le kule, va kondza va ya fika ni le xivandleni xa vafi.

Ezekiele 28:2

“Wena munhu, byela hosi ya le Tiri leswaku mina HOSI N'wini wa hinkwaswo ndzi ni rito eka yona leri nge: U tikurisa ngopfu, u ri: ‘Mina ndzi xikwembu! Ndzi tshamile xiluvelweni xa swikwembu exivindzini xa malwandle!’ Kasi wena u munhu ntsena, a wu xin'wana xa swikwembu! Wo tixisa loko u anakanya leswaku u tlharihile kukota swona.

Zakariya 11:16

hikuva ndzi ta veka murisi lontshwa etikweni leri: A nga ka a nga vi na mhaka ni tinyimpfu leti lovaka; leti lahlekeke a nga ka a nga ti landzi; a nge tshunguli leti vavisekeke, ni loko ti tsakile, a nge ti phameli. Ú ta tiva ntsena ku dya nyama ya leti noneke, a phorha ni swinyondzwana swa tona.