Daniele 11:33 - BIBELE Mahungu Lamanene

³³ Exikarhi ka vona, varhangeri va tiko lava tlhariheke va ta dyondzisa lavo tala; kutani hi masiku ma nga ri mangani van'wana va vadyondzisi lava va ta dlayiwa, van'wana va ta hisiwa, van'wana va ta tekeriwa swilo swa vona va pfaleriwa ekhotsweni.

Xitsonga (Bibele)

³³ Kutani lava tlhariheke, lava nga exikarhi ka tiko, va ta dyondzisa lavo tala, kambe van'wana va ta herisiwa hi matlhari, ni malangavi, ni ku bohiwa, ni ku phangiwa hi masiku man'wana.

Daniele 11:33 Referans Kwoze

Yohane 16:2

Va ta mi hlongola emasinagogeni; naswona, ku ta ta nkarhi lowu un'wana ni un'wana loyi a mi dlayaka a nga ta anakanya leswaku ú tirhela Xikwembu.

Matewu 24:9

“Enkarhini wolowo va ta mi nyiketa eku xanisiweni, va mi dlaya; mi ta vengiwa hi vanhu va matiko hinkwawo hikwalaho ka vito ra mina.

Malakiya 2:7

Hakunene ntirho wa muprista i ku dyondzisa vanhu ku tiva mina Xikwembu; vanhu va fanele ku ya kuma milawu eka yena, hikuva i murhumiwa wa mina HOSI ya matimba hinkwawo.

Nhlavutelo 17:6

Kutani ndzi vona wansati loyi, a pyopyiwile hi ngati ya vahlawuriwa va Xikwembu ni ngati ya lava dlayiweke hi mhaka ya ku landza Yesu. Loko ndzi n'wi vona, ndzi hlamala ngopfu.

Vaheveru 11:34

Va timile mindzilo leyo leva, va pona ku tlhaviwa hi mabanga, va kuma matimba va ri lava tsaneke, va hundzuka tinghwazi ta matimba eku lweni, va tsutsumisa tinyimpi ta valala.

Daniele 12:10

Lavo tala va ta tibasisa, va va lava tengeke; kambe lavo homboloka va ta endla leswo biha, naswona a ku nga vi na un'we wa vona loyi a nga ta twisisa leswi humelelaka. Kambe lava tlhariheke, hi vona ntsena lava nga ta twisisa.

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

Nhlavutelo 6:9

Loko Xinyimpfana xi lemurile xilemo xa vuntlhanu, ndzi vona ehansi ka alitari mimoya ya lava a va dlayiwile hi mhaka ya ku twarisa Rito ra Xikwembu ni hikwalaho ka ku humesa vumbhoni bya vona.

Nhlavutelo 2:13

Ndzi tiva laha u akeke kona, laha xiluvelo xa Sathana xi nga kona. U khomelele evitweni ra mina u tiya, naswona a wu landzulanga ku pfumela ka wena eka mina, hambi ku ri emasikwini ya ku dlawa ka Antipasi, mbhoni ya mina leyo tshembeka leyi dlayiweke exikarhi ka n'wina, laha Sathana a akeke kona.

Nhlavutelo 1:9

Mina Yohane, ndzi makwenu ni nakuloni hikwalaho ka Yesu, hikuva ndzi tiyisela ku fana na n'wina emaxangwini ya vanhu lava Mfumo wu nga wa vona. Ndzi yisiwile exihlaleni lexi vuriwaka Patmosi, hi mhaka ya leswi ndzi nga haxa Rito ra Xikwembu ni ku tiyisa vumbhoni bya Yesu.

2 Timotiya 4:6

Loko a ri mina, ndzi le kusuhi ni ku nyiketa vutomi bya mina egandzelweni; nkarhi wa ku rhurha ka mina wu fikile.

2 Timotiya 1:12

Kutani ndzi xaniseka hi ndlela leyi hikwalaho ka swona; kambe a ndzi na tingana, hikuva ndzi tiva loyi ndzi pfumeleke eka yena, kutani ndzi tshemba swinene leswaku wa swi kota ku hlayisa leswi a swi vekeke emavokweni ya mina, ku fikela siku lerikulu.

1 Vakorinto 4:9

Mina ndzi vona onge Xikwembu xi vekile hina vaapostola ku yima hi le ndzhaku ka hinkwavo, hi fana ni vanhu lava xa vona ku nga ku dlawa ntsena, hikuva hi hundzukile xihlamariso emisaveni hinkwayo, emahlweni ka tintsumi ne mahlweni ka vanhu.

Timhaka 14:21

Kuteloko va twarisile Evhangeli emutini wolowo wa Derbe ni ku hundzukisa vanhu lavo tala leswaku va va vadyondzisiwa, va tlhelela eListra, ni le Ikoniya, ni le Antiyoka,

Timhaka 11:26

Kuteloko a n'wi kumile, a vuya na yena eAntiyoka. Va hlengeletana ni kereke lembe hinkwaro, va ri karhi va dyondzisa ntshungu lowukulu. Emutini wa Antiyoka, hi kona laha vadyondzisiwa va nga sungula ku vuriwa Vakriste kona.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Matewu 20:23

A ku ka vona: “Kunene mi ta nwela exinwelweni xa mina, kambe loko ku ri ku tshama evokweni ra mina ra xinene hambi ka lera ximatsi, a hi mina ndzi nga mi nyikaka swona, kambe swi ta va swa lava swi nga lunghiseriwa vona hi Tata wa mina.”

Matewu 13:11

A va hlamula, a ku: “Hileswaku n'wina, mi nyikiwile ku tiva swihundla swa Mfumo wa matilo, kambe vona a va nyikiwanga.

Matewu 10:21

“Munhu ú ta nyiketa makwavo wa yena eku dlaweni, ni tatana ú ta endlisa sweswo eka n'wana wa yena; vana va ta pfukela vatswari va vona, va va dlaya.