Daniele 11:32 - BIBELE Mahungu Lamanene

³² Lava fularheleke Ntwanano, mufumi loyi ú ta va yenga hi marito ya yena yo kanganyisa, kambe lava tivaka Xikwembu xa vona va ta yima va nga tsekatseki, va lwa na swona.

Xitsonga (Bibele)

³² Kutani hi ku xengetela ka yena, u ta tikokela lava tlulaka xinakulobye, kambe tiko ra lava tivaka Xikwembu xa vona, ri ta tiya, ri tirha.

Daniele 11:32 Referans Kwoze

1 TIKRONIKA 28:9

“Na wena Solomoni n'wananga, amukela Xikwembu xa vatata wa wena, u xi tirhela hi mbilu ya wena hinkwayo, ni moya lowunene, hikuva HOSI Xikwembu xi kambela timbilu hinkwato, xi hatla xi vona makungu ni miehleketo ya munhu. Xi ta tsakela ku kumiwa hi wena loko u xi lava, kambe loko u xi fularhela, xi ta ku cukumetela makumu.

Pisalema 9:10

Vanhu lava tivaka vito ra wena, we HOSI, va titshembela wena, hikuva a wu fularheli lava fambaka va ku lava.

Yohane 17:3

Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

Zakariya 10:12

Kambe vanhu va mina ndzi ta va tiyisa, va ta hanya hi ndlela leyi yi ndzi tsakisaka. Ndzi vurisa sweswo mina HOSI.”

Yeremiya 31:34

A ku nga ha vi na loyi a dyondzisaka muakelani kumbe makwavo, a ku: ‘Tiva HOSI Xikwembu!’ hikuva vanhu hinkwavo va ta ndzi tiva, ku sukela eka lontsongo ku ya fika eka lonkulu. Ndzi ta va rivalela ku homboloka ka vona, swidyoho swa vona a ndzi nga ha swi tsundzuki; ndzi vula sweswo mina HOSI.”

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Swivuriso 26:28

Munhu wa mavunwa ú venga lava a va hembelaka, marito ya yena layo tsokombela, ma lovisa.

Swivuriso 19:5

Mbhoni ya mavunwa yi nge phonyoki, yi ta biwa, munhu wo hemba a nga ka a nga poni.

Nhlavutelo 6:11

Kutani un'wana ni un'wana wa vona a nyikiwa nguvu yo leha leyo basa; va byeriwa ku ya emahlweni ni ku wisa nkarhinyana kambe, ku ko ku hetiseka ntsengo wa malandza-kulobye ni wa vamakwavo, lava va nga ta dlawa ku fana na vona.

Daniele 11:21

Munhu loyi a a vulavula na Daniele a engeta a ku: “Endzhaku ka sweswo ku ta humelela mufumi loyi a nga tsakeriwiki hi munhu, loyi vuhosi byi nga riki bya yena; ú ta humelela vanhu va nga ehleketanga nchumu, a titekela vuhosi hi vukanganyisi.

Daniele 11:34

Emaxangwini lawa va ta pfuniwa hi vanhu va nga ri vangani ntsena; lavo tala va to vula ntsena hi nomo leswaku va yima na vona.

Nehemiya 4:14

Loko ndzi vona leswaku va chava, ndzi suka ndzi yima ndzi byela varhangeri, ni tindhuna ni vanhu hinkwavo ndzi ku: “Valala va hina, mi nga va chavi; tsundzukani leswaku HOSI Xikwembu xa hina i xikulu, naswona xa chaviseka! Kutani, lwelani vamakwenu, ni vana va n'wina va xinuna ni va xisati, ni vasati va n'wina ni miti ya n'wina.”