Daniele 11:31 - BIBELE Mahungu Lamanene

³¹ Masocha lama rhumiweke hi yena ma ta fika ma onha Tempele ni khokholo ra kona, ma sivela ni vaprista ku humesa magandzelo ya siku rin'wana ni rin'wana; kutani ma ta nghenisa xilo xa manyala eTempeleni, lexi onhetelaka hinkwaswo.

Xitsonga (Bibele)

³¹ Kutani mavandla lama humaka eka yena ma ta yima ma swihata xikwetsimisiso, ni khokholo, kutani ma ta herisa gandzelo ra masiku ni masiku, kutani ematshan'weni ya xona, va ta veka manyala ya muonhi.

Daniele 11:31 Referans Kwoze

Daniele 12:11

Vanhu va ta siveriwa ku humesa magandzelo ya siku rin'wana ni rin'wana ku ringana masiku ya 1 290. Enkarhini wa kona, ku ta nghenisiwa eTempeleni xilo xa manyala lexi onhetelaka.

Daniele 9:27

Hi nkarhi wa malembe ya 7, mufumi loyi ú ta sindzisa lavo tala leswaku va tirhisana na yena; kutani loko ku hundzile malembe manharhu na hafu, ú ta sivela vanhu ku tlhava swifuwo swa magandzelo kumbe ku humesa nhlengo. Ú ta hatla a tirha swa yena swa manyala, a onhetela hinkwaswo; kambe ku herisiwa ka muonhi loyi, Xikwembu xi ku bohile khale, kutani ku ta n'wi wela hi xitshuketa.’ ”

Matewu 24:15

“Kutaku loko mi vona xilo xa manyala lexi onhetelaka lexi vuriweke hi muprofeta Daniele, xi ri exivandleni lexo hlawuleka (la hlayaka a a twisise),

Marka 13:14

“Kutaku loko mi vona ‘xilo xa manyala lexi onhetelaka’ xi ri laha xi nga faneriki ku va kona (la hlayaka a a twisise), enkarhini wolowo, lava nge Yudiya a va tsutsumele etintshaveni;

Nhlavutelo 17:12

“Timhondzo ta khume leti u ti voneke i tihosi ta khume; a ti si nyikiwa ku fuma, kambe ti ta nyikiwa matimba ya vuhosi ku ringana nkarhinyana ntsena, ti ri ni xivandzana.

Luka 21:20

“Kutakuloko mi vona muti wa Yerusalema wu rhendzeriwile hi mavuthu ya valala, tivani leswaku ku hangalasiwa ka wona ku kusuhi.

Daniele 8:26

Timhaka ta xivono xa magandzelo ya mixo na madyambu, leti u hlamuseriweke tona we Daniele, ti tiyile, kambe u nga vulavuli hi tona sweswi, hikuva ti ta hlwela ku humelela.’

Daniele 8:24

Munhu loyi ú ta va nhenha leyo chavisa (kambe ku nga ri hi matimba ya yena n'winyi), kutani hinkwako ú ta vanga mpfilumpfilu. Eka hinkwaswo leswi a nga ta swi endla, ú ta humelela; ú ta dlayetela tinhenha tin'wana, a dlaya ni vahlawuriwa va Xikwembu.

Ezekiele 9:7

Kutani Xikwembu xi engeta xi ku ka vona: “Tatani Tempele hi mintsumbu mi yi nyamisa, kutani mi huma mi ya dlaya vanhu emutini.” Hiloko va suka va ya endla tano.

Swirilo 2:7

N'wini wa hinkwaswo ú phirhekile hi alitari ya yena, xivandla xa yena lexo hlawuleka, sweswi ú xi tshikile. Tindlu ta le ntsindza, ú ti nyiketile emavokweni ya valala, va ba huwa endlwini ya HOSI Xikwembu, ku fana ni loko va ri enkhubyeni.

Swirilo 1:10

Valala va n'wi tekerile swilo swa yena hinkwaswo swa nkoka; ú vonile vamatiko va ya nghena exivandleni xa yena lexo hlawuleka, lexi we HOSI a wu nga va pfumeleli ku ya nghena eka xona.

Yeremiya 7:30

HOSI Xikwembu xi ri: “Va ka Yuda va endlile mhaka leyo biha emahlweni ka mina: Va nghenisile swilo swa manyala endlwini leyi vito ra mina ri gandzeriwaka eka yona, kutani va yi nyamisa.

Yeremiya 19:4

Mhaka ya kona hileswaku vanhu va mina va ndzi tshikile, va nyamisa xivandla lexi hi ku hisa mirhi ya risuna eka xona, va hisela swikwembu swimbe leswi vatata wa vona va nga swi tivangiki, hambi ti ri tihosi ta Yuda a ti swi tivanga. Naswona exivandleni lexi, va dlayile vanhu lavo tala lava a va nga ri na nandzu.

Hosiya 3:4

Va tiko ra Israele na vona va ta tshama nkarhi wo leha va nga ri na hosi kumbe murhangeri, va ta pfumala ni swo humesa magandzelo, hambi ma ri maribye ya vugandzeri a va nga vi na wona, va ta pfumala na “efodi” kumbe “terafi”.