Daniele 11:17 - BIBELE Mahungu Lamanene

¹⁷ “Mufumi wa le n'walungwini ú ta tiyimisela ku huma nyimpi ni mavuthu hinkwawo ya mfumo wa yena, kambe ú ta tiendla onge o lava ntsena leswi lulameke: ú ta pfumela leswaku n'wana wa yena wa xisati a tekiwa hi mufumi wa le dzongeni, kambe a ri ni makungu ya ku herisa tiko ra kona hi marhengu lawa. Hambiswiritano, a nga ka a nga humeleli emakungwini ya yena.

Xitsonga (Bibele)

¹⁷ U ta phikelela ku ya lwa hi matimba hinkwawo ya ku fuma ka yena, kutani u ta endla ku rhula ni hosi ya le dzongeni; u ta n'wi nyika n'wana wa yena wa wanhwana ku va nsati wa yena, a ta n'wi lovisa hakona, kambe mhaka yoleyo yi nga ka yi nga endlakari, na swona a yi nga pfuni nchumu.

Daniele 11:17 Referans Kwoze

Ezekiele 4:7

Muti wa Yerusalema lowu rhendzeriweke hi valala, u ta wu honokela, u wu komba hi xibakela, u tshinya vaaki va wona.

Ezekiele 4:3

Kutani u tilavela nsimbhi ya xiphepherhele, u yi yimisa exikarhi ka wena ni muti kukota xisirhelelo, kutani u honokela muti wa kona. A wu ve lowu rhendzeriweke, wu rhendzerisiwa hi wena, kutani leswi swi ta va xitsundzuxo eka Vaisraele.

2 TIHOSI 12:17

Enkarhini wolowo, Hazaele hosi ya le Siriya a hloma matlhari, a ya lwa ni muti wa Gati, kutani a wu hlula. Kambe loko Hazaele a tilulamisela ku ya hlasela Yerusalema,

Varhoma 8:31

Loko swi ri tano, xana hi nga ha vula yini etimhakeni teto ke? Loko Xikwembu xi yima na hina, i mani la nga lwaka na hina xana?

Luka 11:23

Loyi a nga yimiki na mina, ú lwa na mina; kutani loyi a nga hlengeletiki na mina, wa hangalasa.

Luka 9:51

Loko nkarhi wa ku susiwa ka yena emisaveni wu lava ku fika, Yesu a kanya mbilu, a khoma ndlela yo ya eYerusalema.

Matewu 12:30

Loyi a nga yimiki na mina, ú lwa na mina; kutani loyi a nga hlengeletiki na mina, wa hangalasa.

Daniele 11:19

Ú ta ringeta ku ya tumbela emakhokholweni ya tiko ra yena, kambe siku rin'wana ú ta jumiwa hi valala, a dlayiwa, a nyamalarisa sweswo.

Daniele 9:26

Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Ezekiele 25:2

“Wena munhu, languta leswi humelelaka eka Vaamoni, kutani u va tshinya.

Ezekiele 17:17

Vababilona va le ku fumbeteleni ka misava yo khandziya ha yona erirhangwini ra Yerusalema, va ya dlaya vanhu lavo tala emutini. Kutani hambiloko hosi ya le Yerusalema yi nga kombela ku pfuniwa hi mavuthu layo tala ya matimba ya hosi Faro, a swi nga pfuni nchumu,

Swivuriso 19:21

Makungu ya mbilu, a hi ku tala ka wona, kambe ku ta endleka ntsena leswi HOSI Xikwembu xi swi tsakelaka.

Pisalema 56:9

Siku ndzi nga ta huwelela eka wena, valala va mina va ta tlhelela endzhaku, hikuva ndza swi tiva leswaku wena Xikwembu u yima na mina.

2 TIKRONIKA 20:3

Kutani Yoxafati a tshuka ngopfu, a khongela HOSI Xikwembu, kutani a lerisa leswaku etikweni hinkwaro ra Yuda, vanhu va titsona swakudya.

Habakuku 1:9

Hinkwavo va tela ku ta xanisa vanhu, tinghohe ta vona ti kongoma emahlweni, va vuya ni mahlonga yo ringana sava ra lwandle hi ku tala.