Daniele 10:9 - BIBELE Mahungu Lamanene

⁹ Kutani loko ndzi twa ku vulavula ka munhu loyi ni mpfumawulo wa kona wo chavisa, ndzi wa, ndzi ba hansi hi mombo, ndzi titivala.

Xitsonga (Bibele)

⁹ Kambe ndzi twa mpfumawulo wa marito ya yena, kutani, kuteloko ndzi twe mpfumawulo wa marito ya yena, ndzo titivala, ndzo wela ehansi hi mombo, kutani mombo wa mina wu khumba hansi.

Daniele 10:9 Referans Kwoze

Daniele 8:18

“Loko a ri karhi a vulavula na mina, a ndza ha wile hi mombo ndzi titivarile, kutani a ndzi khoma a ndzi yimisa kwala a ndzi ri kona,

Ntirho 4:13

Enkarhini lowu vanhu va etleleke nivusiku, mina ndzi kombiwile swivono leswo hlamarisa;

Genesa 15:12

Loko dyambu ri ya eku peleni, Abrama a khomiwa hi vurhongo lebyikulu; kutani a tikuma a funengetiwile hi munyama lowukulu wo chavisa,

Luka 22:45

Loko a hetile ku khongela, a suka a yima, a ta eka vadyondzisiwa, a va kuma va etlele hikwalaho ka gome.

Luka 9:32

Petro ni lava a va ri na yena a va khomiwile hi vurhongo; kambe loko va sisimuka, va vona Yesu a vangama, va vona ni vavanuna vambirhi va yimile na yena.

Risimu ra Tinsimu 5:2

A ndzi etlele, kambe mbilu a yi nga ri kona evurhongweni. Ndzi twa ku gongondza ka murhandziwa: Ú ri: “Ndzi pfulele murhandziwa, we xiluva xanga, wena xituvana xa mina lexi hetisekeke, hikuva nhloko ya mina yi tsakamile hi mberha, misisi ya mina yi thoneriwile hi mathonsi ya vusiku.”

Ntirho 33:15

Xi tirhisa milorho ni swivono swa vusiku, loko vanhu va ha hluriwa hi vurhongo, va etlele emasangwini.

Genesa 2:21

Hiloko HOSI Xikwembu xi etlerisa munhu vurhongo lebyikulu, kutani loko a ha etlele, xi hlomula rimbambu rin'we eka yena, xi tlhela xi pfala hi nyama laha a ri ri kona.

Nhlavutelo 1:17

Loko ndzi n'wi vona, ndzi wela emilengeni ya yena, ndzi fana ni munhu loyi a feke. Kambe a tlhandleka voko ra yena ra xinene ehenhla ka mina, a ku: “U nga chavi! Ndzi lowo sungula ni lowo hetelela,

Daniele 10:16

Kambe a khumba nomo wa mina hi voko ra yena; kavaloko ririmi ra mina ri ntshunxeka, ndzi sungula ku vulavula na yena a ha yimile emahlweni ka mina, ndzi ku ka yena: ‘We N'wini wanga, ndzi tlhavekile ngopfu hi mhaka ya xivono lexi, kutani sweswi ndzi titwa ndzi nga ha koti nchumu.

Habakuku 3:16

Loko ndzi twa leswi hinkwaswo, ndzi tela hi rhumbu, milomo ya mina yi tshavatana hi huwa ya kona; marhambu ya mina ma heleriwa hi mongo, ni matsolo ya mina ma gudlagudla. Ndzi langutela ntsena siku ra khombo, leri nga ta wela vanhu lava va hi hlaselaka.