Daniele 10:8 - BIBELE Mahungu Lamanene

⁸ va ndzi siya ndzi ri ndzexe, ndzi ri eku languteni ka xivono, kutani ndzi titwa ndzi nga ha ri na matimba, nghohe ya mina yi basuluka hi ku chava, ndzi sala ndzi tsanile swinene.

Xitsonga (Bibele)

⁸ Kutani mina ndzo sala ndzi ri ndzexe, kutani ndzi vona xikombiso lexikulu xexo, ndzi ko ndzi hela matimba, mombo wa mina wu visuka, kutani ndzo oma.

Daniele 10:8 Referans Kwoze

Daniele 7:28

“Mhaka leyi yi helela kwala. Loko a ri mina Daniele, miehleketo ya mina yi ndzi pfumate vurhongo, yi ndzi basulukisa ni xikandza, kambe a ndzi swi byelanga munhu.

Habakuku 3:16

Loko ndzi twa leswi hinkwaswo, ndzi tela hi rhumbu, milomo ya mina yi tshavatana hi huwa ya kona; marhambu ya mina ma heleriwa hi mongo, ni matsolo ya mina ma gudlagudla. Ndzi langutela ntsena siku ra khombo, leri nga ta wela vanhu lava va hi hlaselaka.

Daniele 8:27

“Kutani mina Daniele ndzi hela ntamu, ndzi vabya masikunyana. Kambe endzhaku ka nkarhi, ndzi pfuka ndzi tlhelela entirhweni wa mina wa le ntsindza, ntsena mhaka ya xivono lexi a yi ndzi karhata swinene, ndzi nga koti ku yi twisisa.

Nhlavutelo 1:17

Loko ndzi n'wi vona, ndzi wela emilengeni ya yena, ndzi fana ni munhu loyi a feke. Kambe a tlhandleka voko ra yena ra xinene ehenhla ka mina, a ku: “U nga chavi! Ndzi lowo sungula ni lowo hetelela,

Marka 9:6

A a nga tivi leswaku ú ta vula yini, hikuva a va tshukile ngopfu.

Matewu 17:6

Loko vadyondzisiwa va twa rito rero, va wa hi mimombo, va chava ngopfu.

2 Vakorinto 12:7

Kutani ku endlela leswaku ndzi nga tikurisi ngopfu hikwalaho ka ku saseka lokukulu ka leswi Xikwembu xi nga swi hlavutela eka mina, ndzi nghenisiwile riphantsu enyameni, yi nga ntsumi ya Sathana, leswaku yi ndzi himetela.

Daniele 8:7

Kutani ndzi vona xiphongho lexi xi ri karhi xi tshinelela khuna, xi ri mpfhumpfhela, xi fika xi ri gemba, xi ri tshova timhondzo hi timbirhi ka tona. Khuna rona a ri nga ri na matimba ya ku tilwela; kutani xiphongho xi ri wisela hansi, xi ri kandziyela, ku ri hava na munhu loyi a nga ri lamulelaka.

Genesa 32:31

Loko dyambu ri huma, Yakobo a suka ePenuwele, a ri karhi a khwita hikwalaho ka ku suriwa nyonga.

Yohane 16:32

Vonani, nkarhi wa ta, ni sweswi wu fikile, lowu mi nga ta hangalaka ha wona, un'wana ni un'wana a tlhelela ekaya ka yena, mi ndzi siya ndzi ri ndzexe; hambiswiritano a ndzi ndzexe, hikuva Tatana ú na mina.

Eksoda 3:3

Embilwini a ku: “Ndzi nga ha hambuka, ndzi ya hlalela mahlori lamakulu lawa; hikwalaho ka yini xihlahla xi vuvumela, kambe xi nga tshwi xi hela ke?”

Daniele 10:16

Kambe a khumba nomo wa mina hi voko ra yena; kavaloko ririmi ra mina ri ntshunxeka, ndzi sungula ku vulavula na yena a ha yimile emahlweni ka mina, ndzi ku ka yena: ‘We N'wini wanga, ndzi tlhavekile ngopfu hi mhaka ya xivono lexi, kutani sweswi ndzi titwa ndzi nga ha koti nchumu.

Daniele 10:17

Xana ndzi nga vulavurisa ku yini na wena, we N'wini wanga, leswi ndzi heleke matimba mina nandza wa wena, ndzi nga ha kotiki ni ku hefemula xana?’