Daniele 10:6 - BIBELE Mahungu Lamanene

⁶ Miri wa yena a wu fana ni ribye ra nkoka, nghohe ya yena yi hatima ku fana ni rihati, mahlo ya yena ma kota malangavi ya ndzilo; mavoko ni milenge ya yena a swi vonaka onge i swa koporo leyi vangamisiweke; loko a vulavula, mpfumawulo wa kona a wu fana ni wa ntshungu lowukulu.

Xitsonga (Bibele)

⁶ Miri wa yena wu fana ni krisolita, mombo wa yena wu hatima kukotisa rihati mahlo ya yena ma kotisa swisa leswi pfurhaka, mavoko ni milenge ya yena swi kotisa koporo leyi khuxiweke; rito ra yena loko a vulavula a ri fana ni mpfumawulo wa lavo tala.

Daniele 10:6 Referans Kwoze

Nhlavutelo 19:12

Mahlo ya yena ma fana ni langavi ra ndzilo; enhlokweni ya yena ku ni tiharhi ta vuhosi leto tala, naswona ú tsariwile vito leri ku nga riki na munhu loyi a ri tivaka, loko a nga ri yena n'wini wa rona ntsena.

Matewu 17:2

Kutani a hundzuka emahlweni ka vona; nghohe ya yena yi hatima kukotisa dyambu, na swona swiambalo swa yena swi hundzuka leswo basa, swi vangama kukotisa ku vonakala.

Ezekiele 10:9

Ndzi engeta ndzi languta, kutani ndzi vona mavhilwa ya mune, rin'wana ni rin'wana ri yimile kusuhi ni kerubu yin'we; mavhilwa lawa a ma vangama kukota ribye ra nkoka;

Ezekiele 1:24

Loko swi haha swi ya henhla, mpfumawulo wa timpapa ta swona a wu fana ni mpfumawulo wa lwandle, kumbe wa rito ra Xikwembu-xa-matimba-hinkwawo, kumbe huwa ya mavuthu layo tala. Kavaloko swivumbiwa swi jitamela hansi, swi phutsa timpapa ta swona.

Ezekiele 1:16

Mavhilwa lawa ya mune a ma fana, ma vangama kukota ribye ra nkoka; naswona a ma ri ni xivumbeko xin'we: Endzeni ka rin'wana ni rin'wana ra wona, a ku vonaka vhilwa ra vumbirhi leri hingakanyaka.

Ezekiele 1:14

Kutani swivumbiwa a swi tsutsuma swi ya hala ni hala, ku fana ni rihati.

Nhlavutelo 21:20

ra vuntlhanu “onikisi”, ra vu-6 “sardiyo”, ra vu-7 “krisolita”, ra vu-8 “berila”, ra vu-9 “topazi”, ra vukhume “krisopurasi”, ra vu-11 “yakinta”, ra vu-12 “ametisita”.

Nhlavutelo 10:1

Kutani ndzi vona ntsumi yin'wana ya matimba yi xika hi le tilweni yi phutseriwile hi papa, yi ri ni nkwangulatilo ehenhla ka nhloko ya yona; nghohe ya yona a yi fana ni dyambu, milenge ya yona yi fana ni timhandze ta ndzilo.

Luka 9:29

Loko a ri karhi a khongela, nghohe ya yena yi vonaka yi hundzukile, swiambalo swa yena swi basa, swi vangama.

Ezekiele 1:7

Milenge ya swona a yi lehile, yi ri ni minkondzo yo fana ni swinyondzwana swa rhole, yi hatima kukota koporo leyi vangamisiweke.

Eksoda 28:20

rixaxa ra vumune ri ta va ni lawa: ‘berila’, na ‘onikisi’, na ‘yaspere’. Maribye lawa ma fanele ku vekeriwa eka swiangarhelo swa nsuku.

Matewu 28:3

A yi vangama ku fana ni rihati, ni swiambalo swa yona a swi basile kukota gamboko.

Nhlavutelo 2:18

“Tsalela ni ntsumi ya kereke ya le Tiyatira, u ku: “ ‘Marito ya N'wana wa Xikwembu, loyi a nga ni mahlo lama fanaka ni malangavi ya ndzilo, loyi minkondzo ya yena yi fanaka ni koporo leyi vangamisiweke, hi lawa:

Risimu ra Tinsimu 5:14

Mavoko ya yena i nsuku lowu vumbekeke, lowu sasekisiweke hi maribye ya nkoka. Miri wa yena wu rhetela ku fana ni matino ya ndlopfu, lama nameketiweke maribye ya nkoka ya safiri.

Ezekiele 40:3

Xikwembu xi ndzi tshineta kusuhi na swona, kutani etlhelo ka muako wun'wana wa nyangwa, a ku yimile munhu la vangamaka kukota koporo, a tamele ngoti ya ntsembyani ni rihlanga ro pima ha rona.

Ezekiele 8:2

Loko ndzi ri karhi ndzi xiyaxiya, ndzi vona lexi fanaka ni xivumbeko xa munhu: Ku sukela exisutini ku ya ehansi, miri wa munhu loyi a wu fana ni ndzilo, kambe ku sukela exisutini ku ya ehenhla, a wu hatima ku fana ni koporo leyi vangamisiweke.