Daniele 10:16 - BIBELE Mahungu Lamanene

¹⁶ Kambe a khumba nomo wa mina hi voko ra yena; kavaloko ririmi ra mina ri ntshunxeka, ndzi sungula ku vulavula na yena a ha yimile emahlweni ka mina, ndzi ku ka yena: ‘We N'wini wanga, ndzi tlhavekile ngopfu hi mhaka ya xivono lexi, kutani sweswi ndzi titwa ndzi nga ha koti nchumu.

Xitsonga (Bibele)

¹⁶ Kutani maswivo, munhu un'wana la fanaka ni vana va vanhu, a khumba milomu ya mina, kutani ndzi ahlamisa nomu wa mina, ndzi vulavula, ndzi ku eka la yimeke emahlweni ka mina: “Hosi yanga, xikombiso lexi xi ndzi chavisile, kutani ndzi pfumala matimba.

Daniele 10:16 Referans Kwoze

Daniele 8:15

“Loko mina Daniele ndza ha lava ku twisisa xivono lexi ndzi xi voneke, ko humelela xivumbiwa xin'wana lexi fanaka ni munhu, xi fika xi yima emahlweni ka mina.

Esaya 6:7

Kutani yi khumba nomo wa mina yi ku: “Ndzilo lowu wu khumbile milomo ya wena; hikokwalaho vubihi bya wena byi herisiwile, u rivaleriwile ni swidyoho swa wena.”

Yeremiya 1:9

Kavaloko HOSI Xikwembu xi tshambuluta voko ra xona, xi ndzi khumba nomo xi ku ka mina: “Vona, ndzi vekile marito ya mina enon'weni wa wena.

Daniele 8:27

“Kutani mina Daniele ndzi hela ntamu, ndzi vabya masikunyana. Kambe endzhaku ka nkarhi, ndzi pfuka ndzi tlhelela entirhweni wa mina wa le ntsindza, ntsena mhaka ya xivono lexi a yi ndzi karhata swinene, ndzi nga koti ku yi twisisa.

Daniele 8:17

Hiloko Gabriele a ta kusuhi na mina, kutani ndzi wa hi mombo hi ku chava. Yena a ku ka mina: ‘We Daniele, u munhu ntsena; tiva leswaku xivono lexi u xi voneke xi khumba leswi nga ta humelela, loko minkarhi ya sweswi yi ya eku heleni.’

Daniele 7:28

“Mhaka leyi yi helela kwala. Loko a ri mina Daniele, miehleketo ya mina yi ndzi pfumate vurhongo, yi ndzi basulukisa ni xikandza, kambe a ndzi swi byelanga munhu.

Daniele 7:15

Daniele a engeta a ku: “Moya wa mina a wu nga ri na ku rhula, swivono leswi ndzi swi voneke a swi ndzi pfumata vurhongo.

Nhlavutelo 1:13

ni un'wana la fanaka ni N'wana-wa-Munhu a yimile exikarhi ka swona, a ambele nguvu leyi fikaka emilengeni ya yena, a ri ni vamba ra nsuku exifuveni xa yena.

Yohane 20:28

Tomasi a n'wi hlamula, a ku: “Hosi yanga ni Xikwembu xanga!”

Luka 21:15

hikuva mina ndzi ta mi nyika marito ya vutlhari lawa valala va n'wina hinkwavo va nga ta tsandzeka ku lwa na wona ni ku ma kaneta.

Luka 1:64

Kan'we-kan'we nomo wa yena ni ririmi ra yena swi ntshunxeka; kutani a vulavula, a tlangela Xikwembu.

Daniele 12:8

“Mhaka leyi ndzi yi twile, kambe a ndzi yi twisisanga, hikokwalaho ndzi nga vutisa ndzi ku: ‘We n'wini wanga, xana swilo leswi swi ta helela kwihi xana?’

Daniele 9:21

kutani loko ndzi ri karhi ndzi khongerisa sweswo, ku humelela wanuna loyi va nge i Gabriele, loyi ndzi n'wi voneke eka xivono xa mina xo rhanga, a ta hi ku haha a fika kusuhi na mina. A wu ri nkarhi wa magandzelo ya madyambu,

Ezekiele 33:22

Nimadyambu ya siku leri rhangelaka ra ku fika ka mubaleki loyi, HOSI Xikwembu a xi ndzi khomile hi matimba ya xona, xi ndzi pfula nomo; kutani nimixo loko wanuna loyi a fika a ndzi nga ha ri mbheveve, kambe a ndzi kota ku vulavula.

Ezekiele 3:27

Kambe loko ndzi vulavula na wena, ndzi ta ku pfula nomo, kutani u ta va byela leswaku mina HOSI ndzi ni rito eka vona. Loyi a navelaka ku yingisa, ú ta yingisa; la alaka ú ta ala, hikuva i vanhu va ku sihalala.”

Ezekiele 1:26

Ehenhla ka lwangu ra kona, leri ungamelaka swivumbiwa, a ku ri ni leswi fanaka ni ribye ra nkoka ra “safiri”; ribye ra kona a ri ri ni xiyimo xa xiluvelo, kutani exiluvelweni xexo, ehenhla swinene, a ku vonaka xilo lexi nga ni xivumbeko xa munhu,

Eklesiasta 1:18

hikuva ku andzisa vutlhari i ku andzisa maxangu, la tiengetelelaka vutivi, u tiengetelela mahlomulo.

Vaavanyisi 13:8

Hiloko Manowaka a kombela eka HOSI Xikwembu, a ku: “We N'wini wanga, ndzi kombela leswaku munhu wa wena loyi a wu n'wi rhumile eka hina, a tlhela a ta nakambe, a ta hi dyondzisa leswi hi nga ta n'wi khomisa swona n'wana loyi a nga ta velekiwa.”

Vaavanyisi 6:15

Kutani Gidiyoni a ku: “Hiswona, we n'wini wanga, kambe xana Vaisraele ndzi ta va lamulerisa ku yini xana? Ndyangu wa ka hina hi lowutsongo exikarhi ka va ka Manase, naswona mina ndzi lontsongo exikarhi ka vamakwerhu.”

Vaavanyisi 6:13

Gidiyoni a hlamula ntsumi a ku: “Ndza swi twa, we n'wini wanga, kambe loko hakunene HOSI Xikwembu xi ri na hina, xana hikwalaho ka yini hi humeleriwa hi swilo leswi hinkwaswo xana? Xana mintirho ya xona hinkwayo leyo hlamarisa leyi vatata wa hina va hi hlamuseleke yona, yi kwihi xana? Va hi byerile leswaku hi humesiwile hi HOSI Xikwembu etikweni ra Egipta, kambe sweswi xi hi tshikile, xi hi nyiketa emavokweni ya Vamidiyani!”

Yoxuwa 5:14

Wanuna yoloye a hlamula Yoxuwa a ku ka yena: “E-e, a ndzi yimi na munhu. Ndzi tile laha hikuva ndzi mufambisi wa mavuthu ya HOSI Xikwembu.” Hiloko Yoxuwa a wela hansi hi mombo, a sungula ku khongela, kutani a ku: “We n'wini wanga, xana u lava leswaku ndzi endla yini mina nandza wa wena xana?”

Eksoda 4:13

Kambe Muxe a ku: “We N'wini wanga, rhuma loyi u tsakelaka ku n'wi rhuma!”

Eksoda 4:10

Kambe Muxe a ku ka HOSI Xikwembu: “We N'wini wanga, ku sukela khale mina nandza wa wena a ndzi nyikiwanga hi tlhelo ra ku vulavula; ndza nonoka eku vulavuleni, naswona ndzi ni manghanghamila, kutani hambileswi u vulavuleke na mina, a ku hundzukanga nchumu.”

Daniele 4:19

Kutani Daniele la thyiweke vito ra Beltexatsara, a miyela nkarhi wo leha a chava ku boxa mhaka. Kutani hosi Nebukadnetsara a ku: “We Beltexatsara, norho ni nhlamuselo ya wona swi nga ku pfilunganyisi miehleketo.” Daniele a hlamula a ku: “N'wini wanga, norho lowu a wu kongome eka lava va ku vengaka, ni nhlamuselo ya wona a yi kongomisiwe eka valala va wena!

Daniele 8:18

“Loko a ri karhi a vulavula na mina, a ndza ha wile hi mombo ndzi titivarile, kutani a ndzi khoma a ndzi yimisa kwala a ndzi ri kona,