Daniele 1:8 - BIBELE Mahungu Lamanene

⁸ Daniele a a tibohile embilwini ya yena leswaku a nge pfumeli ku tinyamisa hi ku dya swakudya swo xawula leswi dyiwaka hi hosi, kumbe ku nwa vhinyo leyi nwiwaka hi yona; hikokwalaho a ya a ya kombela ndhuna ya malandza ya hosi leswaku yi n'wi pfumelela ku tshika swakudya leswi, a ta ka a nga tinyamisi hi swona.

Xitsonga (Bibele)

⁸ Kambe Daniele a endla makungu embilwini ya yena leswaku a nga ka a nga tinyamisi hi swakudya leswo xawula swa hosi, ni loko yi ri vhinyo leyi nwiwaka hi yona, kutani a kombela eka ndhuna ya vatsheniwa leswaku a nga bohiwi ku tinyamisa.

Daniele 1:8 Referans Kwoze

Pisalema 141:4

U nga pfumeli leswaku miehleketo ya mina yi namarhela leswo biha, ndzi nga tshuki ndzi endla leswo homboloka, kumbe ku tirhisana ni vanhu lava dyohaka; ndzi nga tshuki ndzi dya na vona eminkhubyeni.

1 Vakorinto 7:37

Kambe loko wanuna a yima a tiyile embilwini ya yena, a nga ri na lexi xi n'wi sindzisaka kambe a kota ku tikhoma hi yexe, ú ta va a endla swona loko a tiboha embilwini ya yena ku tshamisa sweswo a nga teki nhwana wa yena.

Pisalema 119:115

N'wina mi endlaka leswo biha, hambanani na mina, ndzi ta kota ku hlayisa swileriso swa Xikwembu xanga.

Pisalema 119:106

Ndzi tiyisile hi ku hlambanya, leswaku swiboho swa wena leswo lulama, ndzi ta swi hlayisa.

Daniele 1:5

Kutani hosi yi lerisa leswaku va hamba va phameriwa swakudya leswo xawula leswi na yona yi dyaka swona, va nwa ni vhinyo leyi nwiwaka hi hosi, va heta malembe manharhu va ri karhi va dyondza, kutani loko va hetile, va ta tisiwa emahlweni ka yona.

Timhaka 11:23

Loko a fika kona, ni loko a vona leswi tintswalo ta Xikwembu ti tirheke swona, a tsaka; kutani a va khongotela hinkwavo ku namarhela Hosi ni ku yi chivirikela hi mbilu.

2 Vakorinto 9:7

Un'wana ni un'wana a a nyike hilaha a pimaniseke hakona embilwini ya yena, a humesa hi ku ntshunxeka, ku nga ri hi ku vilela, hikuva Xikwembu xi rhandza loyi a nyikaka a tsakile.

Duteronoma 32:38

Mafurha ya magandzelo ya n'wina mi nyikile swona swi dya, swi nwile ni vhinyo ya n'wina ya magandzelo. A swi te swi ta mi pfuna, swi mi sirhelela!

Pisalema 106:28

Vaisraele va namarherile xikwembu ximbe lexi va nge i Baala-Peyori, va dya swa magandzelo lama humeseriweke vafi;

1 TIHOSI 5:5

Hikokwalaho, ndzi ni makungu yo aka yindlu yo twarisa vito ra HOSI Xikwembu xa mina, hikuva xi tshembisile tata wa mina Davhida, xi ku: ‘N'wana wa wena loyi ndzi nga ta n'wi nyika vuhosi bya wena, hi yena la nga ta aka yindlu yo twarisa vito ra mina.’

Timhaka 15:20

kambe a hi va tsaleleni papila, hi va byela ku tshika swakudya leswi nyamisiweke hi ku humeseriwa swikwembu swa hava, va tshika ni vuoswi, va nga dyi leswi vanhu va swi dlayeke hi ku swi tlimba minkolo, ni ngati va nga dyi;

Swivuriso 23:3

u nga naveli ngopfu swakudya leswo nandziha, hikuva swi nga ku kanganyisa.

Daniele 5:4

Loko vhinyo yi va pyopyile, va sungula ku dzunisa swikwembu swa vona swa nsuku, ni swa silivhere, ni swa koporo, ni swa nsimbhi, ni swa timhandze, ni swa maribye.