Daniele 1:6 - BIBELE Mahungu Lamanene

⁶ Exikarhi ka vona a ku ri ni vanhu lava humaka eYuda, va nga Daniele, na Hananiya, na Mixaele, na Azariya.

Xitsonga (Bibele)

⁶ Exikarhi ka vona, a ku ri na Daniele, na Hananiya, na Mixaele, na Azariya, va rixaka ra Yuda;

Daniele 1:6 Referans Kwoze

Ezekiele 14:14

mina HOSI N'wini wa hinkwaswo ndzi ri: Hambiloko vavanuna lava vanharhu, Nowa na Daniele na Yobo, a vo va kona etikweni rero, ku lulama ka vona a ku ta ponisa vona vinyi ntsena.

Matewu 24:15

“Kutaku loko mi vona xilo xa manyala lexi onhetelaka lexi vuriweke hi muprofeta Daniele, xi ri exivandleni lexo hlawuleka (la hlayaka a a twisise),

Daniele 2:17

Kutani Daniele a muka, a ya hlamusela mhaka leyi eka vanghana va yena Hananiya, na Mixaele, na Azariya.

Ezekiele 14:20

mina HOSI N'wini wa hinkwaswo ndza tiyisa ndzi ri: Hambiloko Nowa na Daniele na Yobo a vo va kona, a va nga ta kota ku ponisa vana va vona; ku lulama ka vanhu lava a ku ta ponisa vona vinyi ntsena.”

Marka 13:14

“Kutaku loko mi vona ‘xilo xa manyala lexi onhetelaka’ xi ri laha xi nga faneriki ku va kona (la hlayaka a a twisise), enkarhini wolowo, lava nge Yudiya a va tsutsumele etintshaveni;

Ezekiele 28:3

U tivula la tlhariheke ku tlula Daniele; u ri, u kota ku paluxa mhaka yihi ni yihi leyi fihliweke.

Daniele 1:19

Loko hosi yi vulavula na wona, yi kuma leswaku exikarhi ka wona hinkwawo, ku hava majaha lama tsakisaka ku fana na Daniele, na Hananiya, na Mixaele, na Azariya; hiloko vona va hlawuriwa ku tirha entsindza.

Daniele 2:25

Kutani Ariyoka a hatlisa a yisa Daniele emahlweni ka hosi, a fika a ku: “We hosi, ndzi kumile munhu un'wana exikarhi ka mahlonga lama humaka etikweni ra Yuda, loyi a nga ku hlamuselaka norho wa wena.”

Daniele 5:13

Kutani Daniele a yisiwa emahlweni ka hosi Belxatsara. Hosi yi ku ka yena: “Xana hi wena Daniele, un'wana wa vabohiwa lava hosi tata wa mina a va khomeke etikweni ra Yuda a vuya na vona xana?

Daniele 6:14

Loko hosi yi twa mhaka leyi, yi vaviseka ngopfu emoyeni, yi lava mano yo ponisa Daniele, dyambu ri kondza ri pela.