Daniele 1:17 - BIBELE Mahungu Lamanene

¹⁷ Xikwembu xi nyika majaha lawa ya mune evutivi ni vutlhari, ni ku tiva matsalwa hinkwawo; Daniele yena a a twisisa swivono hinkwaswo ni milorho hinkwayo.

Xitsonga (Bibele)

¹⁷ Kutani Xikwembu xi nyika majaha laya mune lawa, vutlhari ni ku twisisa matsalwa, ni vutlhari hinkwabyo; kambe Daniele a va ni ku twisisa swikombiso hinkwaswo ni milorho.

Daniele 1:17 Referans Kwoze

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

1 TIHOSI 3:12

yingisa: Ndzi ta endla leswi u swi kombelaka. Ndzi ta ku nyika vutlhari ni ku twisisa, leswaku u ta kota ku hlawula, u tlula hi vutlhari vanhu hinkwavo lava hanyeke u nga si va kona, ni lava nga ta velekiwa endzhaku ka wena.

Daniele 2:21

Hi xona xi hundzuluxaka minkarhi ni tinguva, xi susa ni ku veka tihosi eswitulwini swa tona; hi xona xi nyikaka vutlhari ni vutivi eka tintlhari ni ka lava twisisaka;

Ntirho 32:8

Kasi leswi nyikaka ku twisisa, hi loko munhu a huhuteriwa moya hi Lowa-matimba-hinkwawo.

Daniele 2:23

We Xikwembu xa vatata wa hina, ndza ku nkhensa ni ku ku dzunisa, hikuva u ndzi nyikile vutlhari ni matimba; leswi hi nga swi kombela eka wena, u ndzi paluxerile swona, mhaka ya hosi, u hi tivisile yona.”

Vakolosa 1:9

Hikokwalaho, ku sukela siku leri hi swi tweke, a hi tshikanga ku mi khongelela, ni ku kombela Xikwembu leswaku xi mi tata hi vutivi bya ku rhandza ka xona, evutlharini hinkwabyo ni ku twisiseni hinkwako loku nyikiwaka hi Moya;

Swivuriso 2:6

HOSI Xikwembu hi xona xi nyikaka vutlhari, vutivi ni ku twisisa swi huma eka xona;

Timhaka 6:10

Kambe va hluleka ku lwa ni vutlhari lebyi Moya wu nga n'wi nyika ku vulavula ha byona.

Yakobo 1:17

Nyiko yin'wana ni yin'wana leyo saseka ni minkateko hinkwayo leyi hetisekeke, swi ta hi le henhla, swi xika hi le ka Muvumbi wa leswi voningaka, loyi ku nga hava ku hundzuka-hundzuka eka yena, kumbe ku fularhela munhu a sala exinyamini.

Timhaka 7:22

Kutani Muxe a dyondzisiwa vutlhari hinkwabyo bya Vaegipta, a va munhu wa matimba eku vulavuleni ni le ku tirheni.

Daniele 10:1

Hi lembe ra vunharhu ra ku fuma ka Korexe hosi ya Vaperesi, Daniele loyi a va ku i Beltexatsara ú hlavuteriwile mahungu; mahungu ya kona i ntiyiso, ma tivisa ku ta ka tinyimpi letikulu, kutani Daniele ú ma twisisile, hikuva ú hlamuseriwile wona hi xivono.

Ezekiele 28:3

U tivula la tlhariheke ku tlula Daniele; u ri, u kota ku paluxa mhaka yihi ni yihi leyi fihliweke.

2 TIKRONIKA 26:5

A tiyimisela ku lava Xikwembu hi mbilu hinkwayo, a ri karhi a pfuniwa hi Zakariya, munhu loyi a n'wi dyondziseke ku gandzela Xikwembu. Kutani loko Uziya a ha namarhela HOSI Xikwembu, xona a xi n'wi katekisa minkarhi hinkwayo.

Tinhlayo 12:6

kutani xi ku ka vona: “Yingisani marito ya mina: Loko ku ri ni muprofeta exikarhi ka n'wina, mina HOSI Xikwembu ndzi tikomba eka yena hi xivono, ndzi vulavula na yena hi norho.

Timhaka 7:10

xi n'wi kutsula emahlomulweni ya yena hinkwawo; xi n'wi nyika ku tsakisa Faro hosi ya Egipta ni ku tlhariha emahlweni ka yena; kutani hosi yi n'wi veka mufumi wa Egipta ni wa yindlu ya yona hinkwayo.

Daniele 7:1

Hi lembe ro sungula ra ku fuma ka Belxatsara hosi ya le Babilona, Daniele loko a etlele, ú lorhile norho, a vona ni xivono, kutani a tsala norho wa kona ni timhaka ta wona,

Daniele 2:19

Kutani nivusiku, Daniele a paluxeriwa xihundla xa kona hi xivono; hiloko a dzunisa Xikwembu xa le matilweni,

Luka 21:15

hikuva mina ndzi ta mi nyika marito ya vutlhari lawa valala va n'wina hinkwavo va nga ta tsandzeka ku lwa na wona ni ku ma kaneta.

Esaya 28:26

Murimi wo tano ú endlisa sweswo, hikuva ú leteriwa hi ndlela leyinene, Xikwembu xa yena xa n'wi dyondzisa.

Eklesiasta 2:26

Munhu loyi Xikwembu xi n'wi tsakelaka, ú nyikiwa hi xona vutlhari ni vutivi ni ku tsaka. Kasi mudyohi yena ú rhwexiwa ntirho wo hlengeleta swilo ni ku swi hlayisa, a ri karhi a tirhela loyi Xikwembu xi n'wi tsakelaka. Na swona sweswo, a swi pfuni nchumu, i ku hlongorisa moya ntsena.

2 TIKRONIKA 1:10

Ndzi kombela ku nyikiwa vutlhari ni ku twisisa, ndzi ta kota ku fambisa vanhu lava, hikuva va tele ngopfu; loko swi nga ri tano, swi nga ndzi tsandza ku fa fambisa!”

1 TIHOSI 3:28

Vanhu hinkwavo va Israele va twa hilaha hosi yi avanyiseke mhaka leyi hakona, kutani va chava Solomoni, hikuva a va swi vona leswaku ú ni vutlhari bya Xikwembu eku avanyiseni ka timhaka.

Daniele 8:1

“Hi lembe ra vunharhu ra ku fuma ka hosi Belxatsara, mina Daniele ndzi tlhele ndzi kombiwa xivono, xo fana ni leswo sungula.

Daniele 5:14

Ndzi twile leswaku moya wa swikwembu leswo hlawuleka wu le ka wena, ni leswaku u ni vutivi ni ku twisisa ni vutlhari lebyo hlamarisa.

2 TIKRONIKA 1:12

ndzi ri, vutlhari ni ku twisisa, mina ndzi ta ku nyika swona, kutani ndzi ta ku engetelela rifuwo ni vukosi; u ta xiximiwa hi vanhu, u tlula hi vukulu tihosi hinkwato leti fumeke khale wena u nga si va kona, ni leti ti nga ta fuma endzhaku ka wena.”

Daniele 1:4

A va fanele ku va lavantshwa lava hetisekeke, va tinghohe to saseka, lava teleke vutlhari ni vutivi ni ku twisisa, lava tsakelaka ku dyondza; naswona a va fanele ku va lava tiyeke emirini leswaku va ta swi kota ku tirha mintirho ya le ntsindza, va dyondzisiwa ku tsala ni ku vulavula ririmi ra Xikalediya.

Daniele 1:18

Loko ku fikile nkarhi lowu hosi Nebukadnetsara a leriseke leswaku majaha hinkwawo ma tisiwa eka yena, ndhuna ya malandza yi ta na wona.

Daniele 1:20

Etimhakeni hinkwato leti lavaka vutlhari ni ku twisisa, hosi a yi vutisa vona, kutani yi kuma leswaku va tlula swinene vangoma ni vavhumbhi hinkwavo lava a va ri kona etikweni ra yona.

Daniele 2:30

hambiloko ndzi paluxeriwile xihundla lexi, a hi leswaku ndzi tlula vanhu van'wana hi ku tlhariha; ndzi lo kombiwa xona, leswaku ndzi ta ku nyika nhlamuselo ya norho wa wena, ni leswaku u ta twisisa leswi pfilunganyiseke miehleketo ya wena.

Daniele 4:6

Hiloko ndzi veka nawu lowu nge, tintlhari hinkwato ta Babilona, ti fanele ku ta eka mina, ti ta ndzi hlamusela leswi norho lowu wu vulaka swona.