Amosi 9:9 - BIBELE Mahungu Lamanene

⁹ “Hikokwalaho, ndzi ta lerisa leswaku Vaisraele va sefiwa exikarhi ka matiko hinkwawo, ku fana ni loko munhu a sefa mapa, kutani a ku nga vi na xiribyana ni xin'we lexi nga ta huma esefeni.

Xitsonga (Bibele)

⁹ “Hikuva, vonani, ndzi ta lerisa, kutani ndzi ta hlela yindlu ya Israele exikarhi ka matiko hinkwawo, ku kota loko ku hlunguriwa mavele hi rihlelo, ku nga sali ni ndzhoho leyi welaka ehansi.

Amosi 9:9 Referans Kwoze

Luka 22:31

Yesu a ku ka Petro: “Simoni, Simoni, yingisa: Sathana ú pfumeleriwile ku mi hlela hinkwenu kukota mavele,

Duteronoma 28:64

HOSI Xikwembu xi ta mi hangalasa ni matiko lama nga matlhelo hinkwawo ya misava. Loko mi ri kwale, mi ta tirhela swikwembu swin'wana leswi endliweke hi timhandze ni maribye, leswi mi nga swi tiviki, hambi vatata wa n'wina va nga swi tivangiki.

Esaya 30:28

Moya lowu humaka loko xi hefemula, wu fana ni mati ya xinambyana lexi taleke, lexi munhu a nghenaka, a fika hi le nhan'wini. HOSI Xikwembu xi ta hlela vanhu va matiko hi rihlelo leri herisaka swilo hinkwaswo, xi ta va bohelela matomu lama nga ta va yisa eku loveni.

Levhitika 26:33

Ndzi ta mi vangela tinyimpi, ndzi mi hangalasa mi ya tshama exikarhi ka vamatiko. Etikweni ra n'wina ku ta sala ku nga ha ri na munhu, miti ya n'wina yi ta hundzuka marhumbi.

Yeremiya 31:36

“Loko swilo leswi swi lahlekeriwa hi milawu ya swona, swa nyamalala emahlweni ka mina, na rona rixaka ra Vaisraele ri ta nyamalalela makumu, ri nga ha vi kona emahlweni ka mina. Ndzi vula sweswo mina HOSI.

Yeremiya 46:28

Ina u nga chavi wena Yakobo nandza wa mina, hikuva ndzi na wena, ku vula mina HOSI. Ndzi ta herisa vamatiko hinkwavo, lava ndzi mi hangalaseke exikarhi ka vona. N'wina, a ndzi nga tshiki ku mi ba, kambe a swi nga tluli mpimo; ndzi nga ka ndzi nga mi herisi.”

Yeremiya 49:36

Ndzi ta vitana timheho ta mune ta misava, ti ta ba Vaelamu ti va hangalasela ematikweni hinkwawo; loko va ta va va hangalasiwile hi ndlela yoleyo, va ta kumeka hinkwako va ri valuveri.

Ezekiele 5:10

Exikarhi ka n'wina, ku ta va ni vatatana van'wana lava nga ta dlaya vana va vona va va dya; naswona ku ta va ni vana van'wana lava nga ta dlaya vatata wa vona va va dya. Kutani lava nga ta pona exikarhi ka n'wina, ndzi ta va hangalasa va ya ematlhelweni hinkwawo ya misava.

Ezekiele 5:12

Ndzi ta mi avanyisa hi mintlawa minharhu: Vanhu va ntlawa wo sungula va ta fa hi mintungu, va dlayiwa hi tindlala exikarhi ka n'wina. Va ntlawa wa vumbirhi va ta dlayiwa etinyimpini loko valala va hlasela muti wa n'wina. Kutani va ntlawa wo hetelela, ndzi ta va hangalasa va ya ematlhelweni hinkwawo ya misava, kutani ndzi ta hlomula fumu ra mina ndzi va hlongorisa.

Ezekiele 20:38

Ndzi ta hlawula lava tiarisaka ni lava va ndzi dyoheleke, ndzi va humesa etikweni leri va luveleke eka rona, kambe etikweni ra Israele va nga ka va nga ngheni, kutani mi ta tiva leswaku HOSI Xikwembu, hi mina!

Ezekiele 36:19

Ndzi va hangalasile va ya ematikweni va ya tshama exikarhi ka vanhu va tinxaka tin'wana, ndzi va ba hikwalaho ka mahanyelo ya vona ni swiendlo swa vona.

Esaya 27:12

Enkarhini wolowo, n'wina Vaisraele, HOSI Xikwembu xi ta mi hlengeleta hinkwenu, ku sukela enambyeni wa Yufrata ku ya fika endzilekaneni wa Egipta; swi ta fana ni loko va hula koroni, va hlengeleta tindzhoho ta yona.

Esaya 28:28

Hambi yi ri koroni a yi huriwi tindzhoho ta kona ti kondza ti fayeteleka; vhilwa ro hula ha rona leri kokiwaka hi hanci, ri fambisiwa kahle, ri nga fayeteli tindzhoho.

Ezekiele 39:28

Vaisraele va ta tiva leswaku hi mina ndzi nga HOSI, Xikwembu xa vona, hikuva ndzi ta va ndzi va hlengeletile, ndzi va vuyisa etikweni ra vona, ku nga sali na un'we wa vona ematikweni ya vanhu vambe, laha a ndzi va yisile evukhumbini kona.